Bumomo Bɔka 10:33 - Katɔti Ɔku Kedee

³³ Ɔmmɔ ɔsu Israelƒuɔ báta Sinai kɔbi kedee kaƒɔna mmɔ na bésie emeyi atɛ. Na Unwoti Bunyimi Adaka ɔtɔ-ma emeyi atɛ ammɔ ƒui kalɛ na utáwia keliekɔ kadi ute-ma na banwuna.

Bumomo Bɔka 10:33 ပူးပေါင်းရင်းမြစ်များ

Kɔgya 95:11

Anwuɔsu na lɛ́kpali lɛlɔ lɛ́su na mina kɔnyi kemmo nnii, “Baláni beléde-mi na bakɛ bɔnwuna kudii.”

Israelƒuɔ Bɔlɛ 19:3

Amu Mose ɔ́kɔ úsie kɔbi kɔmmɔ lili na útasiaku Katɔti. Na mmɔ ni, Unwoti ɔ́lɔ Mose na ɔ́su-nwu ɔnini, “Tásu Yakob kaduli bekyuli ku Israelƒuɔ anini,

Israelƒuɔ Bɔlɛ 3:1

Limeyi lɛdi ni, Mose úti ulekudi ɔti Yetro baƒonu ku bese úsienku kadikɔ na ketele ɔgyu na bédu Katɔti kɔbi kɔni baalɔ Horeb kudɔ.

Yesaia 11:10

Na limeyi lɛmmɔ lɛlɔ ni, Yese kugyii ugyiitu ɔdubɔlɛ unye aani ngba bɔƒɔ aƒlaga ute kayawi bekyuli ƒui. Na kadi ƒui bekyuli badubukeli bebo-nwu kudɔ na kesii kani na uli, ɔsika mmɔ kadubɔbla kesii kani muukeye na bekyuli baakɛ́ bɔnwuna.

Yesaia 28:12

Ɔsika anwu ɔlati ɔ́su-ma ka bekyuli bani ƒui na lɛla lɛdi liikpóku ni, bebo-nwu kudɔ na badubɔkɛ bɔnwuna, nsu béni na belenu.

Yesaia 66:1

Unwoti ɔnini, “Katɔ na líse mina lɛgaboku. Na kalɔ lɛlɔ mina lɛgba lɛnya. Na ɔtɔ ɔmani udu na bɛdubɔtu bite-mi? Na wɛ na ndubulie lɛnwuna?

Yeremia 3:16

Bɛdubo bɔwɔ na bimomo na ɔ́sɔ útalɛka bitaakali Bunyimi Adaka ɔmmɔ lɛnɔ iye bɛsu bɛnii bɛɛnwí ɔwɔdi ɔdi.

Yeremia 31:2

“Na ketele kalɔ kakwiidi kemmo ni, lɛ́bla bani ka kukpi kútadu lɛƒɔndia. Na lɛ́ya na bákɛ keyi buɛɛ. Na si uwi ɔmmɔ údu ni, ndubɔbla lɛni kani lite amii lɛnɔ. Ami Unwoti násu lɛni.”

Yeremia 6:16

Unwoti ɔ́su ɔnini, “Uwi ɔni na bísie bítédu elukpo ni, lɛ́su-mii nnii, ‘Bɛsia ulu ɔni lɛlɔ na bina bati kuuku básia na bɛdubulie ku keyi buɛɛ.’ Nsu bíni.

Esekiel 20:6

Na líse kenye ka ndubudie-ma lɛlɛku Egyipte kalɔ lɛlɔ na lɛtɔnku-ma lisienku ɔmii ɔni na lɛ́ɛƒuna líse lɛlɔ. Na kalɔ kammɔ kadi kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii teetulo kɔlɔ kɔkladi ƒui.

Bumomo Bɔka 10:12

Amu na Israelƒuɔ báta Sinai ketele kalɔ kakwiidi kemmo mmɔ báyu ulu na bávi ekpo ekpo. Na liƒlukutu lɛmmɔ lítáyu lílie Para ketele kalɔ kakwiidi kemmo.

Lɛkpa Ulu 1:33

ina ka anwu nágyu ɔtɔ-mii na útáwia ekpo ani na bɛdubulie na bɛnwuna úte-mii. Na anwu kani nátaawia ulu teete-mii. Anwu néteete-mii ogya na ɔɔtɔnku-mii usien na ɔɔyá na liƒlukutu lɛɛtɔnku-mii na limeyi kemmo.

Lɛkpa Ulu 31:26

“Biti Katɔti ɔda bubo ɔku ɔmɛni bɛkya bina Unwoti Bunyimi Adaka ɔmmɔ kakɛ kenwi kalɛ na wenwini likposela wete nwuna bekyuli.

Lɛkpa Ulu 9:9

Lɛ́kɔ lísie kɔbi kɔmmɔ lili nnii ntáƒɔ kenye kani na únyimiku-mii na únweni ɔ́sia atabi bɛbɛ anyɔ ammɔ lɛlɔ. Lílie kɔbi kɔmmɔ lili emeyi aavlene usien ku ɔƒɛ ɔni na ńtadi na ńtani.

Hebriƒuɔ 13:20

Na muuvele keyi buɛɛ Katɔti ɔni nkɛnku bunyimi bɔwɔdi bɔni nse úsela ƒui ɔsu na ɔ́gyila Yesu Kristo ɔni ndi baƒonu ɔdane buni ɔ́lɛku bekpine akɔ nnii

Yosua 4:7

Na bɛsu-ma ka uwi ɔni na Unwoti Bunyimi Adaka ɔɔvia Yordan Ketu ni, ketu kammɔ káda na ntu bɔmmɔ bɔ́kwii na Israelƒuɔ bávia. Na atakpɛ amɛni adubɔya na Israelƒuɔ beteenyimo lɛla lɛni nálɛ mɛni uwi biala.”

Litemi Batɛne 20:27

Na Israelƒuɔ básɔ béye Unwoti si basɔ betékpo. Na uwi ɔmmɔ kemmo ni, Unwoti Bunyimi Adaka úse Betel mmɔ.

Samuel 1 4:3

Ka bekpone bakladi bénwini bébo bana kakyakɔ ni, bana benengu bammɔ béye banini, “Bi ɔsu na Unwoti ɔ́ya na Ƒilistiƒuɔ bádi-bu lɛlɔ ɔmwi? Bɛya na butágyu Unwoti Bunyimi Adaka bɔsiku Silo buboku, na buti bɔdanku kekpokɔ mmɔ. Na ɔdubɔƒɔ ute-bu na bula bekisine ɔsu.”