Bumomo Bɔka 10:29 - Katɔti Ɔku Kedee

²⁹ Amu na Mose ɔ́su ulekudi ɔti Hobab ɔni ndi Midiani ɔni baalɔ Reuel ubidi ɔnini, “Uwi údu ka buteesie kalɔ kani na Unwoti ɔ́su úse ɔnini, ‘Ndubuti-ka lite-mii,’ mmɔ lɛlɔ. Bo na abasiaku-bu, na bɔdubɔda-a kaduɛ, ɔsika Unwoti úse ala abuni kenye úte Israelƒuɔ.”

Bumomo Bɔka 10:29 ပူးပေါင်းရင်းမြစ်များ

Ala Kalɔ Buse 12:7

Unwoti údie lɛlɔ ɔ́tina Abram na mmɔ na ɔ́su-nwu ɔnini, “Ƒula uwɔ na ndubo kalɔ kamɛni buti bute.” Anwuɔsu ɔ́tu lɛkpabi lɛdi na mmɔ úte Unwoti ɔni nédie lɛlɔ ɔ́tina-nwu.

Ala Kalɔ Buse 13:15

Na kalɔ kani ƒui na aanu ka kewi mmɔ ni, aka na ndubuti lite-ɔ ku ƒula bawɔ uwi ƒui.

Ala Kalɔ Buse 15:18

Limeyi lɛmmɔ ni, Unwoti únyimi lɛla lɛdi ku Abram. Na ɔ́su-nwu ɔnini, “Líti kalɔ kamɛni ƒui muute ƒula bawɔ. Na ɔ́si ketu blii kani nkya Egyipte ɔmii útédu Euƒrate Ketu bonwu líti muute-ma.

Ala Kalɔ Buse 17:8

Kanaan kalɔ kani lɛlɔ na adi ɔƒɔ mɛni ni, ndubuti-ka lite awɔ ku ƒula bawɔ na ami ndubɔbla bana Katɔti.”

Ala Kalɔ Buse 32:12

Nsu awɔ násu-mi anini, ‘Ndubɔnu ka enu ku akɔkɔ éyi-ɔ. Na ndubɔya na ƒula bebi ku bawɔ bemomo aani ɛpu kɔnwinimi. Na ukyuli ɔdi ulakana-ma bɔka.’ ”

Kɔgya 100:1

Amii kayawi bekyuli ƒui, bɛtu kɔgya bimwi Unwoti.

Kɔgya 34:8

Bɛni bide Unwoti na bɛnu kalɛ na ɔdia. Ukyuli ɔni néti Unwoti ɔ́bla nwuna katamikukɔ ni, lɛlɔ lɛdubo-nwu bɔyɔ.

Kɔgya 95:1

Bibo na budie lɛlɔyɔ lɛnu bute Unwoti. Na bubo-nwu kudu, ɔsika anwu ndi bula lɛtakpɛ ku ngba bɔƒɔ.

Israelƒuɔ Bɔlɛ 18:1

Uwi ɔmmɔ ni, Yetro ɔni ndi Midianƒuɔ ɔkpane na ɔdi Mose aasi únu ala ani ƒui na Katɔti ɔ́bla úte Mose ku Israelƒuɔ, ku kalɛ na Unwoti ɔ́kpanku Israelƒuɔ ɔ́lɛku Egyipte kalɔ lɛlɔ.

Israelƒuɔ Bɔlɛ 18:12

Amu na Mose aasi ɔmɛni úte bebuo ku akpala bamba na béti bákpa béte Katɔti. Na Aaron ku Israelƒuɔ batɔnkune bésie na bátádiku-ma bodobodo na Unwoti anumi.

Israelƒuɔ Bɔlɛ 18:27

Amu na Yetro úye ulu ɔ́siku Mose kudɔ, na ɔ́tɔlɔ úsie nwuna ɔma.

Israelƒuɔ Bɔlɛ 2:18

Amu ka begblebi bammɔ bénwini bésie bana ɔti Yetro kudɔ ni, úye-ma ɔnini, “Bi nébo ɔsu na ɔmwi bíyile bubo lɛni?”

Israelƒuɔ Bɔlɛ 2:21

Mose únu kalɔ ka ɔsɔ ɔkya ɔnana ɔmɛni kudɔ, na ɔnana ɔmmɔ úti ubidi ulekubi Sipora úte-nwu ɔnii uti.

Israelƒuɔ Bɔlɛ 3:1

Limeyi lɛdi ni, Mose úti ulekudi ɔti Yetro baƒonu ku bese úsienku kadikɔ na ketele ɔgyu na bédu Katɔti kɔbi kɔni baalɔ Horeb kudɔ.

Israelƒuɔ Bɔlɛ 3:8

Na ɔmɛni ɔsu na lɛ́yu líbo ka mbedie-ma lɛlɛku Egyipteƒuɔ enu ku bana kalɔ kammɔ kemmo. Na lɛya na betélie kalɔ kani na kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii. Na kalɔ kammɔ na Kanaanƒuɔ ku Hetiƒuɔ ku Amoriƒuɔ ku Perisiƒuɔ ku Hewiƒuɔ ku Yebusiƒuɔ belie.

Israelƒuɔ Bɔlɛ 6:4

Na bunyimi bɔni na línyimiku-ma ka meti Kanaan kalɔ kesii kani na bélie dii aani baƒɔ mete-ma ni, lɛ́lɛ-mu ugyii.

Yesaia 2:3

Bekyuli badubɔsi kɔlɔ pii lɛlɔ bebo na babasu banini, “Bɛya na bɔkɔ busie Unwoti Katɔti kɔbi lili na Yakob Katɔti kakpakɔ, na ɔtina-bu nwuna lilu na bɔsia-ni lɛlɔ.” Ɔsika Sion mmɔ na badubɔtina-bu ala, na bunu Unwoti litemi bɔsiku Yerusalem.

Yeremia 50:5

Bɛdubo Sion ɔma ulu buye na bibo bibasalaku-mi na bunyimi lɛla lɛwɔdi lɛni na bɛsɔ bilayiƒala.

Bumomo Bɔka 10:28

Na lɛni na Israelƒuɔ kaba bekyuli esu esu ammɔ béti bésie bana ulu ɔmmɔ ka báyu ulu.

Bumomo Bɔka 23:19

Katɔti ɔɔɔdi ɔyawine na ɔnyi ɔkɔ, iye ɔyawine ubi ɔni na si ɔ́su lɛla lɛdi ulabla ulasia-ni lɛlɔ. Munuu si use kenye kadi uláya na webo-nwu kemmo?

Batalane Kabla 7:5

Katɔti útete Abraham kadikɔ kadi mmɔ, ina kalɔ blii suɛ muedi. Nsu ni, ɔ́su-nwu úse ka kalɔ kammɔ kadubɔbla anwu ku nwuna kaba kemmo bebi kadi ina ka útawɔ tɔ ubi ɔdi úti úbedu ku uwi ɔmmɔ kemmo!

Lɛkpa Ulu 30:5

Na kɔnu kɔdubɔsɔ kutuku-mii kalɔ kani na bina bati kuuku bélie bávi. Na ɔdubɔya na ɔsɔ ɔtɛ ute-mii na bɛsɔ bimomo bibu bitulo kalɛ na bina bati kuuku bábla.

Lɛkpa Ulu 4:40

Na nwuna ɔda bubo bɔni ƒui líti líte-mii ɔmwi limeyi lɛmɛni lɛlɔ ni, bɛdi-mu ƒui lɛlɔ. Na lɛla biala na bɛɛbla ni, lɛdubɔtɛ lite-mii kaduɛ ku bina bawɔ ƒui. Na ɔmɛni ndubɔya na bilie kalɔ kani na bina Unwoti Katɔti úti uute-mii mɛni ka biti-ka bɛbla bina kadikɔ uwi ƒui.

Tito 1:2

Ulu ɔmɛni ndanku ngba ƒui lɛnunsia lɛni bɔƒɔtaadi na bubo lɛlɔ. Na Katɔti ɔni naaanyi ɔkɔ ɔlati nése-bu kenye kamɛni úse asa na údie kayawi.

Hebriƒuɔ 6:18

Katɔti ɔ́bla ɔmɛni ɔkɛnku alakpa anyɔ ani naaavumana lɛlɔ. Na Katɔti lɛnɔ ulakana ɔkɔ bɔnyi. Na ɔmɛni ɔdubɔya na abu bani nékeli bɔ́tamiku-nwu ni, enu alaƒɛ-bu na lɛnunsia lɛni na úti ɔ́kya-bu lɛlɔ kemmo ɔsu.

Budie Taatina 22:17

Katɔti Kɔyu kɔmmɔ ku Yesu bayɔne banii, “Bo!” Na ɔlɛka ukyuli biala ɔni muunú ɔmɛni lɛnɔ ɔsu ɔnii, “Bo!” Na bani ƒui na utukwɛ ɔɔda ni, bebo. Na bani ƒui mɔɔyɔ́ ni, babani ngba ntu bɔmmɔ ƒaa. Kayu kadi taƒɔ taƒɔ.

Litemi Batɛne 1:16

Amu na Mose ɔgyanti kaba bekyuli bani ndi Keniƒuɔ ku Yudaƒuɔ banana náta bási kesii kani baalɔ banii ebo ɔma unengudi na Yeriko, na bésie bétélieku bekyuli bani nli Yuda kalɔ kakwiidi kemmo akɔ na kesii kani nde Arad ɔma.

Litemi Batɛne 4:11

Na uwi ɔmmɔ kemmo ni, Heber ɔni nási Keni útáda nwuna keliekɔ na Kedes na kugyii kubendi kɔdi kudɔ na Saananim. Na ɔ́mami lɛlɔ ɔ́lɛku Keniƒuɔ bakladi kudɔ. Na bekyuli bammɔ badi Mose ulekudi ɔnwani ɔnanabi kaba bekyuli.

Samuel 1 15:6

Na ɔ́su Keni kadi bekyuli bani nkya mmɔ ɔnini, “Uwi ɔni na Israelƒuɔ ƒui bási baalɛ́ Egyipte kalɔ lɛlɔ ni, amii bítekpoku-bu, mmomu bɛ́nu-bu kɔnyana. Anwuɔsu bɛkpɛ bɛlɛ-ma lɛlɔ kalɛ na naaadu-mii neeebunku Amalekƒuɔ.” Ɔmmɔ ɔsu Keniƒuɔ bammɔ báta Amalekƒuɔ kudɔ mmɔ bésie kesii bamba.