Bumomo Bɔka 10:10 - Katɔti Ɔku Kedee

¹⁰ Na bina lɛlɔyɔ emeyi ku emeyi ani na bɛ́lɛ ugyii bíse aani kɔbuli kɔwɔdi bɔlɛ ku abamba ni, bɛvwi kɔkpɛɛ kɔmmɔ na bɔkyula akpala ku unwi bɔbla akpala ammɔ lili na adubunwini bina lɛlɔ enyimo ete Unwoti na bina lili. Ami ndi bina Unwoti Katɔti.”

Bumomo Bɔka 10:10 ပူးပေါင်းရင်းမြစ်များ

Baga 2 4:23

Amu na ɔgyani úye-nwu ɔnini, “Bi ɔsu na ɔmwi ɔmɛni na aayɔ́ ka esie-nwu kudɔ ka ɔmwi ɔɔɔdi kɔbuli kɔwɔdi iye Lɛnwunameyi.” Amu na uleku ɔmmɔ údie kenye ɔnini, “Awɔ ya na nteesie lɛni.”

Ala Alɛdi 1 15:24

Na bakpane bani ndi Sebania ku Yosaƒat ku Netanel ku Amasai ku Sekaria ku Benaia ku Elieser ni, ama ndubunye bunye adaka ammɔ anumi bataavwi kɔkpɛɛ. Na Obed-Edom ku Yehia lɛnɔ badubo bubunku bani mɔɔgyumana Bunyimi Adaka ɔmmɔ kayaku lɛlɔ.

Ala Alɛdi 1 15:28

Na uwi ɔni na beti Bunyimi Adaka ɔmmɔ na beeduo Yerusalem ni, ukyuli biala ɔɔva ku lɛdi momoomo na baagyá agyala ku bebuo ese ku kɔkpɛɛ ku enukpɛ agyala ku lɛbentaa ku kɔbuli agyala bamba lidu lɛnɔ.

Ala Alɛdi 1 16:42

Na Heman ɔmɛni ku Yedutum ndubo kɔkpɛɛ lɛnɔ butaavwi na bataagya enukpɛ agyala ku agyala bamba lɛnɔ si uwi ɔni na baakpá na kevo kammɔ kemmo mmɔ. Na Yedutum kɔdua bekyuli ndi bagyumanane na Gibeon.

Ala Alɛdi 2 29:26

Na Lewiƒuɔ báklibi lɛlɔ na benye kagyumana ka bagya agyala ani adi Ɔga Salomo adi mmɔ. Na bakpane bammɔ lɛnɔ báklibi na benye kagyumana ka bavwi kɔkpɛɛ kɔmmɔ.

Ala Alɛdi 2 29:28

na ukyuli biala ɔɔkya lili kalɔ teete Unwoti na bábu-nwu. Na ɔmmɔ lɛlɔ kani na bewi útédu ka bákyula lɛla biala báwɔlɔ.

Ala Alɛdi 2 7:6

Na ɔdi ɔmmɔ bɔbla kemmo ni, ukyuli biala ɔ́ta únye. Na bakpane benye bana kenyekɔ kani na béte-ma na baavwi bana kɔkpɛɛ. Na Lewiƒuɔ lɛnɔ bana anumi aatina bakpane bammɔ kudɔ na baagyá bana lɛbentaa ku agyala ani na Dawidi ɔ́bla úte-ma ka bataagya si uwi ɔni na beemwi Katɔti na kalɛ na ɔɔyɔ́-bu uwi ndi uwi na uuubo kawɔkɔ ɔsu.

Esra 3:10

Na si batune bammɔ bákya atabi ani beeti teese Unwoti kakpakɔ ɔtɔ kalɔ bɔtu ni, na bakpane bammɔ bakya bana bakpane lɛwu na beti bana kɔkpɛɛ bada. Na Lewiƒuɔ bani nási Asaƒ kaba kemmo beti bana agyala na bemwi Unwoti aani kalɛ na Ɔga Dawid úbo-ma ɔda ɔ́vi.

Nehemia 12:35

ku bakpane badi na bada kɔkpɛɛ ku Sakaria ɔni ndi Yonatan ubidi, ɔni ndi Semaia ubidi, ɔni ndi Matania ubidi, ɔni ndi Mikaia ubidi, ɔni ndi Sukur ubidi, ɔni ndi Asaƒ ubidi

Kɔgya 150:3

Bɛvwi kɔkpɛɛ biti bimwi-nwu. Na bɛgya agyangba ku lɛbentaa biti bimwi-nwu.

Kɔgya 81:3

Bɛvwi lise na bɛdi limeyi ka kɔbuli kɔwɔdi kɔ́lɛ. Na bɛbla lɛni kani si kɔbuli kúdi libi.

Kɔgya 81:4

Ɔsika Katɔti nébo ɔda ɔmɛni úte Israel kadi bekyuli na ɔdi lɛla lɛni na ɔlɛka Yakob kaba bebi basia anu na bataabla.

Kɔgya 89:15

Lɛlɔ lɛdubɔyɔ bekyuli bani nánu-ɔ báti lɛni na beedie lɛnu teemwi-ɔ O Unwoti, ɔsika kalɛ na eekeye na bula akɔ mɔɔyá baanu teesie.

Israelƒuɔ Bɔlɛ 28:29

“Na uwi biala na Aaron weduo kesii kani nse kedee mmɔ ni, ɔlɛka ɔkya awu ɔni na Israel kaba anyi ama-nwu kayi mmɔ. Na ɔmɛni ndubɔya na ami Unwoti anumi asia mina bekyuli lɛlɔ uwi ndi uwi.

Israelƒuɔ Bɔlɛ 30:16

Ƒɔ ekpidi lili buvele egulabi ammɔ na eti ataabla kakpakɔ kammɔ lɛlɔ ala. Na ɔmɛni ɔdubɔya na Israelƒuɔ beteenyimo ka ami Unwoti ndubɔƒɔ bana ekpidi lili kayu si bébo-mi kudɔ.”

Yesaia 27:13

Na badubɔvwi lise bete bani na báyii bakya Asiria kalɔ lɛlɔ ku bani na bábɔku bálɛku Egyipte kalɔ lɛlɔ na limeyi lɛmmɔ lɛlɔ na bebo bebemwi Unwoti na kɔbi kedee kɔmmɔ lɛlɔ na Yerusalem.

Lewiƒuɔ Ɔda Bubo 23:24

“Kɔ lɛsa na asu Israelƒuɔ anini, ‘Na limeyi lideedi na kɔbuli maatɛdi kemmo ni, biti limeyi lɛmmɔ bɛbla bina bɔnwuna limeyi na bɛsa bɔsa kedee na mina lɛnyi lɛlɔ si uwi ɔni na bínu ka kɔkpɛɛ kɔɔku.

Bumomo Bɔka 10:9

Na si bɛ́ta bɛnii biikpóku bina bekisine bani na banii babaƒɔ-mii kalɔ ni, na bɛvwi kakpɛɛ kammɔ kɔnakunwi. Na bina Unwoti Katɔti ɔdubo-mii bunyimo na ukpo ɔƒɔ-mii na bina bekisine enu kemmo.

Bumomo Bɔka 28:11

“ ‘Na limeyi lideedi na kɔbuli biala kalɔ kesekɔ ni, na bawia bakɔ bakɔdi inyɔ ku koƒonu kɔgyani kunwi ku baƒonu bebi maatɛ bani nákɛ lɛkwa na bɔsɔ bɔdi buuubo-ma lɛlɔ na beti babla bɔkyula akpala bete Unwoti.

Bumomo Bɔka 29:1

“ ‘Na kɔbuli maatɛdi limeyi lideedi lɛlɔ ni, bɛsa bɔsa kedee na mina lɛnyi lɛlɔ na ɔdi utabla limeyi ndi limeyi kabla kadi. Limeyi lɛmmɔ ndi limeyi lɛni lɛlɔ bɛdubɔvwi kɔkpɛɛ.

Mateo 11:28

“Amii bani nti etila bonwu na lɛlɔ líitu-mii ni, bibo-mi kudɔ na ndubɔya na bɛnwuna.

Batalane Kabla 10:4

Amu ka Kornelio ɔ́nu-nwu ni, liƒu lɛ́da-nwu geen. Amu na úye-nwu ɔnini, “Ati, bi na aawia?” Amu na Katɔti ɔtu ɔmɛni ɔ́su-nwu ɔnini, “Ƒula bekyuli ala bute ku ƒula katɔ bɔkpali ni, búduo Katɔti kudɔ.

Korintoƒuɔ 1 15:52

Na ɔdubɔbla aani kalɛ na beebó anumi. Ɔsika si kakpɛɛ kammɔ káku ni, Katɔti ɔdubɔgyila bekpine ɔni na basɔ belekpi kudii. Na ɔdubo bula ƒui udu bɔvumana.

Tesalonikaƒuɔ 1 4:16

Uwi ɔmmɔ kemmo ni, bɔdubunu Blɔti bubo kɔku ku kudu kubendi. Bɔdubunu Katɔti ɔtu unengudi lɛdi. Na Katɔti kakpɛɛ kadubɔku. Na Blɔti ɔlati ɔdubɔda ɔlɛ kayaa. Na bekyuli bani náƒɔ Kristo bádi asa na békpi ni, badubɔka bɔta buli ngba.

Tesalonikaƒuɔ 1 4:18

Anwuɔsu biti etemila amɛni bitaasia lɛlɔ kɔnu.

Yosua 4:7

Na bɛsu-ma ka uwi ɔni na Unwoti Bunyimi Adaka ɔɔvia Yordan Ketu ni, ketu kammɔ káda na ntu bɔmmɔ bɔ́kwii na Israelƒuɔ bávia. Na atakpɛ amɛni adubɔya na Israelƒuɔ beteenyimo lɛla lɛni nálɛ mɛni uwi biala.”

Yosua 6:4

Na bakpane maatɛ ɔdi biala uti kakpɛɛ ɔda. Na ama ndubo bɔgyu bɔtɔ asa na Unwoti Bunyimi Adaka ɔmmɔ ɔsiaku-ma kama. Na limeyi maatɛdi lɛlɔ ni, awɔ ku bekpone bammɔ bɛka bɛmana ɔma ɔmmɔ maatɛ. Na bakpane bammɔ bataavwi bana kakpɛɛ.

Budie Taatina 22:17

Katɔti Kɔyu kɔmmɔ ku Yesu bayɔne banii, “Bo!” Na ɔlɛka ukyuli biala ɔni muunú ɔmɛni lɛnɔ ɔsu ɔnii, “Bo!” Na bani ƒui na utukwɛ ɔɔda ni, bebo. Na bani ƒui mɔɔyɔ́ ni, babani ngba ntu bɔmmɔ ƒaa. Kayu kadi taƒɔ taƒɔ.

Samuel 1 20:5

Anwuɔsu Dawid ɔ́su Yonatan ɔnini, “Nu! Kɔnaadi ni, anwu na beesé kalɔ ku kɔbuli kɔwɔdi limeyi bɔdi. Na ɔdi ka ami ku ɔga bɔdi bɔsala. Nsu ya na lisie na ntábɛla lɛlɔ lɛkya lɛku kemmo kesii kadi utédu limeyi lɛtɛdi useyi uwi.