Bumomo Bɔka 1:50 - Katɔti Ɔku Kedee

⁵⁰ mmomu ya na Lewi kaba bekyuli bammɔ bataabla Unwoti kakpakɔ kabla, na bataanu kakpakɔ kammɔ lɛla biala lɛlɔ. Na ama ndubuteeti Katɔti Adi Kevo kammɔ ku nwuna lɛlɔ ala ƒui. Na ama ndubo-ka lɛlɔ butaanu na bataagyumana-ka taamana.

Bumomo Bɔka 1:50 ပူးပေါင်းရင်းမြစ်များ

Ala Alɛdi 2 24:6

Ɔkɛnku ɔmmɔ ɔsu na ɔga ɔmmɔ ɔ́ya na bátálɔ Yehoiada béboku na úye-nwu ɔnini, “Bi ɔsu na átatala Lewiƒuɔ bammɔ na besie batáƒɔ lɛkwa kuyii kɔmmɔ beboku? Unwoti kabla ɔblane Mose ku bekyuli bammɔ ƒui bénu kalɔ ɔ́si kukuuku ƒui ka beteete kuyi kɔmɛni na beti-ku bataanu Katɔti kevo kammɔ lɛlɔ.

Nehemia 12:22

Na uwi ɔni na Eliasib ku Yoiada ku Yohanan ku Yadua badi Lewiƒuɔ kɔdua batɔnkune ni, bénweni ama ku bakpane anyi bákya ɔku kemmo uwi ɔni na Persiaƒuɔ Ɔga Dario ɔɔdi lɛga.

Nehemia 12:47

Anwuɔsu ɔ́si Serubabel ku Nehemia uwi ni, Israelƒuɔ ƒui beete etela ani na beeti taanu kakpakɔ lɛnu batune ku bagyumanane lɛlɔ limeyi biala. Na beeti akpala adi teesienku Lewiƒuɔ bakladi lɛnɔ. Na Lewiƒuɔ lɛnɔ beedie Aaron kaba kemmo bebi kadikɔ teete-ma kalɛ na ɔ́manku.

Nehemia 12:8

Na Lewiƒuɔ ndi bamɛni. Yesua ku Binui ku Kadmiel ku Serebia ku Yuda ku Matania ni, ama ku bana banwani mɔɔtɔnku linugya lɛnu bɔtu.

Nehemia 13:22

Mmɔ na líbo Lewiƒuɔ bammɔ ɔda ka ɔdi biala utábla lɛlɔ sɛɛn na beteesie batágyumana kɔyakun kɔmmɔ kalɛ beeti ɔbu beete lɛnwunameyi. Amu na lívele Katɔti nnii, “Mɛni lɛnɔ ni, nyimo-mi na anu-mi kɔnyana ɔ́si ƒula bɔyɔ bonwu bɔni ebo ɔsu.”

Nehemia 13:5

Anwuɔsu úte Tobia ɔtɔ ubendi ɔni na nka béteeti edula ebi akpala ku oloƒui ku kakpakɔ kabla ala ku etela lɛkpa leevudi lɛni na bekyuli bammɔ beeyi ku ntɛ ku nnɔ bɔni beete Lewiƒuɔ ku kakpakɔ lɛnu batune ku bagyumanane teese.

Kɔgya 122:4

Mɛni na Israel atɔƒi bekyuli bammɔ ƒui bási. Bébo ka beti enugya bete Unwoti aani kalɛ na úbo-ma ɔda.

Israelƒuɔ Bɔlɛ 31:18

Uwi ɔni na Katɔti ɔ́tɛmi-ku Mose ɔ́wɔlɔ na Sinai kɔbi lɛlɔ ni, úti nwuna bunyimi kɔlɛkɛ kɔni na Katɔti ɔlatidi únweni ɔda bubo ɔ́sia úte-nwu.

Israelƒuɔ Bɔlɛ 38:21

Amɛni ndi Katɔti Bunyimi Kevo atula ani na Lewiƒuɔ bénweni ɔkɛnku Mose ɔda bubo kenye na ɔkpane Aaron ubidi Itamar ntɔnku-ma.

Bumomo Bɔka 1:53

Na Lewiƒuɔ bammɔ ama ni, belie bamana Katɔti Adi Kevo kammɔ na bataagyumana-ka kalɛ na ɔdi uláni uléde-mi na mina kɔnyi kubo Israelƒuɔ bammɔ lɛlɔ.”

Bumomo Bɔka 10:21

Ɔmmɔ kama Kehat kaba bekyuli bani nti Unwoti Adi Kevo kemmo ala kedee basia. Na ɔdi ka balɛ Unwoti Adi Kevo kammɔ asa na ama betédu mmɔ.

Bumomo Bɔka 17:7

Na Mose úti ligyii lɛmmɔ úsienku Unwoti Adi Kevo kammɔ kemmo na úti-ni útése Bunyimi Adaka ɔmmɔ anumi.

Bumomo Bɔka 18:5

“Amii na ɔlɛka bitaanu Adi Kevo kammɔ lɛlɔ ku lɛkpabi lɛmmɔ lɛlɔ, kalɛ na mina kɔnyi kɔsɔ kuláda kulálɛ Israelƒuɔ lɛlɔ.

Bumomo Bɔka 2:17

Ɔmmɔ kama Katɔti Kevo kani kemmo na ɔɔsiáku-ma kadubɔsia, na Lewiƒuɔ bammɔ lɛnɔ bayu ulu na bakya akpa akpa ammɔ ntɛ. Na badubɔyu ulu basiaku lɛlɔ aani kalɛ na báda bana kuliekɔ bélie kenye na esu esu ammɔ kemmo na bana ɔdi biala ɔdubɔda bana likposela aƒlaga.

Bumomo Bɔka 20:11

Mmɔ na Mose ɔ́talaku ugyii ɔmmɔ katɔ na ɔ́ƒiɛmi lɛtakpɛ lɛmmɔ kunyɔ na ntu bɔ́bwɛ bɔ́lɛ-ni kemmo. Na bekyuli bammɔ ku bana bebuo báni kaduɛ.

Bumomo Bɔka 4:15

“Ɔƒɛni si uwi ɔni na Aaron ku nwuna bebi bananabi báwɔlɔ ala buti teebi Kevo kammɔ, na báwɔlɔ ala kedee ammɔ ku kana kemmo ala ani nse kedee mmɔ ƒui ala bubi, na báwɔlɔ lɛlɔ bɔklibi ƒui ka bata ni, na Kehat bebi bananabi bani na ɔ́lɛka beti ala ammɔ bebo na bebeti-nya. Nsu bana ɔdi kɔnu kutetuku ala ani nse kedee mmɔ amu badubo bukpi. Kehatƒuɔ bammɔ beti ala ani nse Kevo Kasakɔ kemmo mmɔ.

Bumomo Bɔka 4:3

Na bɛka banana bani ƒui náaƒɔ akwa avlaatɛ útédu akwa liti bani muubo taababla kabla na Adi Kevo kammɔ kemmo.

Bumomo Bɔka 8:19

Na Israelƒuɔ bammɔ ƒui akɔ na líti Lewiƒuɔ bammɔ muute Aaron ku nwuna bebi aani bana litela ka bataabla kabla na Adi Kevo kammɔ kemmo na Israelƒuɔ bammɔ ƒui kenye na bataabla akpala ute bana likpidi kɔtu bɔni budie kalɛ na ɔlɛ ukpidi ɔdi ulebo-ma lɛlɔ si uwi ɔni na báni béde Unwoti kakpakɔ kammɔ.”

Bumomo Bɔka 8:20

Mose ku Aaron ku Israelƒuɔ ƒui ku Lewiƒuɔ bammɔ bábla básiaku kalɛ na Unwoti úbo Mose ɔda mmɔ pɛpɛɛpɛ.

Bumomo Bɔka 8:22

Ɔmmɔ kama Lewiƒuɔ bammɔ bésie na bétése bana kabla kalɔ na Unwoti Adi Kevo kammɔ kemmo na Aaron ku nwuna bebi lɛlɔ bɔnu kalɔ. Na béti Lewiƒuɔ bammɔ bábla kalɛ na Unwoti úbo Mose ɔda.

Budie Taatina 15:5

Ɔmɛni kama ni, lɛ́nu ka bálɛmi kakpakɔ kedee na katɔ. Na adaka ɔni kemmo na Katɔti bunyimi bɔkya ni, use mmɔ.