Bumomo Bɔka 1:46 - Katɔti Ɔku Kedee

⁴⁶ Na bana bumomo bɔdi mpim eti leevu-anyɔ ku ɛtɛ ku eti leevu-unwi (603,550).

Bumomo Bɔka 1:46 ပူးပေါင်းရင်းမြစ်များ

Ala Kalɔ Buse 12:2

“Ndubɔya na kadi bekyuli pii balɛ basiku-ɔ lɛlɔ. Na ndubute-ɔ kusɛ kusɛ. Ndubɔya na aƒɔ lɛnyi geen, na bekyuli badubɔsia-a lɛlɔ na bakɛ kusɛ kusɛ

Ala Kalɔ Buse 13:16

Na ndubɔya na ƒula bawɔ bemomo aani kɔnwinimi. Na si ukyuli ɔdi ɔ́kana na ɔka kɔnwinimi kɔmmɔ ni, ɔdubɔkana na ɔka ƒula bawɔ lɛnɔ.

Ala Kalɔ Buse 15:5

Mmɔ na ɔ́kpanku-nwu úsienku keyi na ɔ́su-nwu ɔnini, “Kɔliku anumi katɔ na anu kayaa na aka ayabi ani na aanu si adubɔkana-nya bɔka.” Amu na Katɔti ɔ́sɔ ɔ́su-nwu ɔnini, “Ƒula bawɔ lɛnɔ badubo bumomo lɛni kani.”

Ala Kalɔ Buse 17:6

Na ndubɔya na ƒula bawɔ bemomo na benwini kadi pii bekyuli na badi benwini baga muedi.

Ala Kalɔ Buse 22:17

ndubute-ɔ kusɛ kusɛ na lɛya na ƒula kaba bebi bemomo betulo ayabi. Na badubo bumomo aani ɛpu kɔnwinimi. Na ƒula bawɔ badubo bukpo na baƒɔ bana bekisine lɛma linengudi ƒui.

Ala Kalɔ Buse 26:3

Sɔ kya kalɔ kammɔ kemmo aani ɔƒɔ. Na ndubulieku-ɔ na lite-ɔ kusɛ kusɛ. Ɔsika awɔ ku ƒula bebi ku bawɔ na ndubuti kalɔ kamɛni lite. Na kenye kani na líse ƒ'ɔti Abraham líse ni, ndubɔbla lɛsia lɛni.

Ala Kalɔ Buse 28:14

Na ƒula kaba kemmo bebi bamɛni badubo bumomo aani kɔnwinimi. Na bɛdubo bugyingya busie ɔƒɛ katukɔ ku kanukɔ. Na bisie katɔ ku kada kakɛ lɛnɔ. Na ɔkɛnku awɔ ku ƒula kaba kemmo bebi lɛlɔ na ndubute kayawi kadi bekyuli ƒui kusɛ kusɛ.

Samuel 2 24:9

Na Yoab úbo úbasu Ɔga Dawid ɔnini, “Bɔ́kɛ nkyuli mpim eti leevu-aku na Israel kalɔ ƒui lɛlɔ bani ndubɔkana kekpo busie. Na Yuda kalɔ kemmo ni, bɔ́kɛ nkyuli mpim eti leevu.”

Baga 1 4:20

Na Yudaƒuɔ ku Israelƒuɔ bemomo aani ɛpu kɔnwinimi na bádi na báni na bákɛ ebiti.

Ala Alɛdi 1 21:5

na úbasu Dawid ɔnii banana bumomo bɔni nkya kalɔ kammɔ lɛlɔ na bakana kekpokɔ busie ni, bebo nkyuli mpim eti aavlanyɔ-inyɔ (1,100,000) na Israel na bebo mpim eti yaalenwi ku aavlanyɔ (470,000) na Yuda.

Ala Alɛdi 2 13:3

Na Abiya ubo bekpone mpim eti maane na Yeroboam bekpone bebo mpim eti leevu-ɛku.

Israelƒuɔ Bɔlɛ 12:37

Israelƒuɔ bésie lɛgba ulu bási Rameses bétédu Sukot. Na banana bani nkɛ ulu ɔmmɔ bésela babla mpim eti leevu-inyɔ (600,000). Ɔni na beleku ku banamu bɔka buuubunku.

Israelƒuɔ Bɔlɛ 38:26

Na kuyii kɔni na báda béte ukyuli biala na báka mmɔ ɔdi edula ebi ɔɔƒɛɛ blii keyile unu. Na banana bani náaƒɔ akwa aavlanyɔ ku kama na báka-ma bumomo bɔdi nkyuli mpim eti leevu-anyɔ ku ɛtɛ ku eti leevu-unwi (603,550)

Bumomo Bɔka 1:45

Anwuɔsu báka Israelƒuɔ banana bani ƒui náaƒɔ akwa aavlanyɔ ku kama na bédu kekpo busie na bana atɔƒi kenye.

Bumomo Bɔka 11:21

Nsu Mose úye Unwoti ɔnini, “Aanu-mi nkɛnku bekyuli mpim eti leevu-anyɔ ku lɛgba mɛni na aasu anini, ‘Ndubute-ma lɛna na bakun kɔbuli kumodi!’

Bumomo Bɔka 14:29

Ketele kalɔ kakwiidi kamɛni kemmo na bɛdubo bukpi, amii bani ƒui nákɛ akwa aavlanyɔ ku kama, amu ntu Yeƒune ubidi Kaleb ku Nun ubidi Yosua kani ndubo mmɔ buduo.

Bumomo Bɔka 2:32

Na kalɛ na báka Israelƒuɔ na bana kaba kaba kammɔ kenye na ɔdi mmɔ. Na bani ƒui nkya bana kɔkyakɔ na bana esu esu ammɔ kenye bumomo bɔdi mpim eti leevu-anyɔ ku ɛtɛ ku eti leevu-unwi (603,550).

Bumomo Bɔka 23:10

Na ɔma ndubɔkana Yakobƒuɔ bɔka? Ɔsika bemomo aani kɔnwinimi. Bemomo kaduɛ ɔni na ukyuli ɔdi. Ɔɔɔdubo-ma bɔkana bɔka. Ya na likpi bekyuli bani nse siin kukpi. Na ɔwɔlɔku-mi aani kalɛ na ɔɔwɔlɔ ku bekyuli bammɔ udu.”

Bumomo Bɔka 26:51

Na Israelƒuɔ bumomo ƒui bɔdi mpim eti leevu-anyɔ ku unwi ku eti leevu-ene ku avlaatɛ (601,730).

Lɛkpa Ulu 10:22

Uwi ɔni na bina bati kuuku báta bésie Egyipte kalɔ lɛlɔ ni, na bana bumomo bɔbla liti ku aavlanyɔ kani. Nsu ɔƒɛni ni, bina Unwoti Katɔti ɔ́ya na bímomo aani katɔ ayabi.