Nehemia 9:8 - Katɔti Ɔku Kedee

⁸ Awɔ nánu ka nwuna kayi kése siin. Ɔmmɔ ɔsu ényimiku-nwu na éti Kanaanƒuɔ ku Hetiƒuɔ ku Girgasiƒuɔ kalɔ éte nwuna kaba bekyuli. Na ádi ƒula linyese lɛlɔ, ɔsika ese siin.

Nehemia 9:8 ပူးပေါင်းရင်းမြစ်များ

Ala Kalɔ Buse 12:7

Unwoti údie lɛlɔ ɔ́tina Abram na mmɔ na ɔ́su-nwu ɔnini, “Ƒula uwɔ na ndubo kalɔ kamɛni buti bute.” Anwuɔsu ɔ́tu lɛkpabi lɛdi na mmɔ úte Unwoti ɔni nédie lɛlɔ ɔ́tina-nwu.

Ala Kalɔ Buse 15:6

Abram ɔ́ƒɔ Unwoti Katɔti ɔ́di, ɔmmɔ ɔsu na Katɔti ɔ́bu-nwu aani ukyuli ɔni nse siin.

Ala Kalɔ Buse 22:12

Mmɔ ni, ɔtu ɔmmɔ ɔ́su Abraham ɔnini, “Ƒula kɔnu kutetuku ɔnamu ɔmmɔ. Na tabla-nwu lɛla lɛdi lɛnɔ. Ɔƒɛni na lɛ́nu lɛ́ti ka aayia Katɔti sɔsɔ. Ɔsika éteni ka eti ƒ'ubidi ɔni ndi ubi unwi pɛ ɔni na ebo ete-nwu.”

Samuel 2 22:31

“Katɔti lilu ƒui lise kede kede. Na ɔkɔ biala uuubo-nwu kemmo. Ɔdi lɛgyumanala ute bekyuli bani nátamiku-nwu.

Ala Alɛdi 1 1:14

ku Yebusƒuɔ ku Amoriƒuɔ ku Girgasiƒuɔ

Ala Alɛdi 1 16:16

Bunyimi bɔmmɔ na únyimiku Abraham na úse kenye ɔnii bɔdubɔkya anwu ku Isak lɛnɔ ntɛ.

Esra 9:15

O Unwoti, Israel Katɔti, ese siin! Na ɔmmɔ ɔsu na bula ɛlɛɛ bamɛni búbu bɔkya ngba ɔmwi. Aanu-bu nnye ƒula anumi ku bula bɔsɔ ina ka nka bula akɔ ɔdi ulakana-a anumi bɔda bɔlɛ.”

Nehemia 9:33

Na ala amɛni ƒui bɔlɛ kemmo ni, édie atina ka aabla ala ulu lɛlɔ. Na abu mmomu ni, bula ɔdi naaadia.

Kɔgya 116:5

Unwoti ɔɔnu kɔnyana na use siin. Bula Katɔti ɔɔnu kɔnyana.

Israelƒuɔ Bɔlɛ 3:17

Na líse kenye ka ndubɔda-mii lidie lɛbibo lɛmmɔ kemmo na Egyipte kalɔ lɛlɔ, na liti-mii ntése kalɔ kani kemmo na Kanaanƒuɔ ku Hetiƒuɔ ku Amoriƒuɔ ku Perisiƒuɔ ku Hewiƒuɔ ku Yebusiƒuɔ beli, kesii kani kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii.’

Israelƒuɔ Bɔlɛ 3:8

Na ɔmɛni ɔsu na lɛ́yu líbo ka mbedie-ma lɛlɛku Egyipteƒuɔ enu ku bana kalɔ kammɔ kemmo. Na lɛya na betélie kalɔ kani na kana egyiibi ntu bɔɔyu emini aani uwɔ na kana lɛlɔ bebuo baayu anyi ntu pii. Na kalɔ kammɔ na Kanaanƒuɔ ku Hetiƒuɔ ku Amoriƒuɔ ku Perisiƒuɔ ku Hewiƒuɔ ku Yebusiƒuɔ belie.

Esekiel 33:24

“Esekiel, ɔyawine ubi, bekyuli bani nébu bakya lɛma lɛni bábwɛ na Israel kalɔ lɛlɔ beeye banini, ‘Ukyuli unwi kani na Abraham ɔdi asa na Unwoti úti Israel kalɔ kamɛni ƒui úte-nwu. Na abu bumomo, anwuɔsu ɔlɛka kalɔ kammɔ kenwini abu kadi.’

Bumomo Bɔka 13:29

Amalekƒuɔ belie bésie Negev kalɔ kemmo na Hetiƒuɔ ku Yebusiƒuɔ ku Amoriƒuɔ ama belie abi eli. Na Kanaanƒuɔ belie bésie ɛpu amadɔ na Yordan kakɛ.”

Bumomo Bɔka 23:19

Katɔti ɔɔɔdi ɔyawine na ɔnyi ɔkɔ, iye ɔyawine ubi ɔni na si ɔ́su lɛla lɛdi ulabla ulasia-ni lɛlɔ. Munuu si use kenye kadi uláya na webo-nwu kemmo?

Batalane Kabla 13:22

Nsu Katɔti ɔ́da-nwu údie liboku lɛlɔ na úti Dawid úse lɛgaboku lɛmmɔ lɛlɔ. Dawid ɔmɛni ɔdi ukyuli ɔni lɛlɔ na Katɔti ɔ́su ɔnini, ‘Lɛ́ƒuna Yese ubidi Dawid líse. Ɔdi ukyuli ɔni na mina kayi kaayɔ́, ɔsika anwu ɔdubɔbu-mi.’

Lɛkpa Ulu 26:3

Na utánu Katɔti ɔkpane ɔni mɔɔbla-nwu kabla uwi ɔmmɔ na ɔsu-nwu ɔnini, “Ɔmwi limeyi lɛmɛni líti edula amɛni líboku na líti mɔɔtina ka líduo kalɔ kani na mina Unwoti Katɔti ɔ́su úse ka weti wete bula bati kuuku kemmo.”

Lɛkpa Ulu 32:4

Na Unwoti ndi bina lɛtakpɛ lɛni na bíkpo kama, na nwuna ablala ƒui ese siin, na bɔƒiɔ bɔdi buuubo-nwu kemmo. Bina Unwoti ablala ƒui adi sɔsɔ, na ɔɔbla ala ani nse siin na akɛ ulu lɛlɔ.

Lɛkpa Ulu 7:1

Amii Israelƒuɔ, si uwi ɔni na bina Unwoti Katɔti ɔ́kpanku-mii úboku kalɔ kani na bɛdubuti binwini bina ɔdi kemmo ni, ɔdubɔbɔku Hitiƒuɔ ku Girgasiƒuɔ ku Amoriƒuɔ ku Kanaanƒuɔ ku Perisiƒuɔ ku Hewiƒuɔ ku Yebusiƒuɔ lɛnɔ ute-mii. Kadi maatɛ bamɛni bekyuli bemomo betulo-mii na bebo ɔkplu lɛnɔ betulo-mii.

Lɛkpa Ulu 9:5

Na ɔɔɔdi ka bɛdi bekyuli babuni na bɛɛbla ala ani nse siin ɔsu na Unwoti ɔ́ya na bísie bitéti bana kalɔ bínwini bina kadikɔ. Mmomu Unwoti ɔdubo-ma bɔbɔku, ɔsika bekyuli bammɔ badi bekyuli bekpidi. Na ka ɔɔyɔ́ ka ɔdi nwuna linyese lɛlɔ ute bina bati kuuku bani ndi Abraham ku Isak ku Yakob lɛnɔ ɔsu na ɔɔbɔku bekyuli bammɔ.

Tito 1:2

Ulu ɔmɛni ndanku ngba ƒui lɛnunsia lɛni bɔƒɔtaadi na bubo lɛlɔ. Na Katɔti ɔni naaanyi ɔkɔ ɔlati nése-bu kenye kamɛni úse asa na údie kayawi.

Hebriƒuɔ 11:17

Ɔkɛnku Abraham bɔƒɔtaadi lɛlɔ ɔsu na uwi ɔni na Katɔti ɔ́kɔku-nwu ɔ́nu ni, na Abraham únu kalɔ ka uti ubidi Isak ɔkpa ute-nwu. Na Abraham, ɔni na Katɔti úse kenye kamɛni úse ni, anwu nénu kalɔ ka uti ubidi unwi ɔni kani na ubo mɛni ɔkpa ute Katɔti.

Hebriƒuɔ 6:18

Katɔti ɔ́bla ɔmɛni ɔkɛnku alakpa anyɔ ani naaavumana lɛlɔ. Na Katɔti lɛnɔ ulakana ɔkɔ bɔnyi. Na ɔmɛni ɔdubɔya na abu bani nékeli bɔ́tamiku-nwu ni, enu alaƒɛ-bu na lɛnunsia lɛni na úti ɔ́kya-bu lɛlɔ kemmo ɔsu.

Yosua 11:23

Ɔmmɔ ɔsu Yosua úkpo ɔ́di kɔlɔ kɔmmɔ ƒui lɛlɔ aani kalɛ kani na Unwoti úbo Mose ɔda. Na Yosua úle kɔlɔ kɔmmɔ úte Israelƒuɔ na bana kaba kenye. Na kɔlɔ kɔmmɔ kúnwini bana kɔdikɔ. Na ɔmmɔ kama ni, Israelƒuɔ bánwuna na básɔ bétekpoku bekyuli badi.

Yosua 11:3

Na ɔ́tala batu bamba na Kanaanƒuɔ bani nlie Yordan Ketu ɔƒɛ katukɔ ku kanukɔ ku Amoriƒuɔ ku Hetiƒuɔ ku Perisiƒuɔ ku Yebusiƒuɔ bani nlie abi eli ku Hewiƒuɔ bani nlie Harmon Kɔbi kaƒɔna na kada kakɛ na Mispa kalɔ lɛlɔ ka bebo na bebebunku-ma na bekpoku Israelƒuɔ.

Yosua 23:14

“Na ɔƒɛni mina kukpi uwi úude. Na amii alati bɛgyi bɛsiku bina kɔyi ku kɔyu kemmo ka bina Unwoti Katɔti úte-mii ala abunidi ani ƒui na úse kenye ka wete-mii. Na kenye biala na úse-mii ni, ɔ́di-ka lɛlɔ na útada unwi pɛ útese.

Yosua 9:1

Ka Israelƒuɔ békpo badi bekyuli pii lɛlɔ ɔsu ni, bana lɛnyi lísie ɔgyu. Na baga bani nlie Yordan ɔƒɛ kanukɔ abi lɛlɔ ku bani nlie abi kaƒɔna ku bani nlie kalɔ ƒiaa na Mediterenia kɔtu úti útédu Lebanon Kɔbi lɛnɔ bénu-ma kɔku. Na baga bamɛni ndi Hitiƒuɔ ku Amoriƒuɔ ku Kanaanƒuɔ ku Perisiƒuɔ ku Hiwiƒuɔ ku Yebusiƒuɔ.

Yohane 1 1:9

Nsu ka Katɔti use siin na ɔdi bula kama kekpokɔ ɔsu ni, si búdie bula alaekpidi kalɔ bɔ́tina-nwu ni, ɔdubɔnu-bu kɔnyana na uti bula alaekpidi ɔkyiɛ-bu na ɔbla-bu sɛɛn ɔlɛku ala ani mɔɔyá na buusé lɛlɔ ƒui kemmo.