Nehemia 9:37 - Katɔti Ɔku Kedee

³⁷ Ɔ́si bula ekpidi ɔsu ni, baga bamba bani na édie ka bataadi-bu lɛlɔ ni, ama mɔɔdi edula ammɔ. Na baga bammɔ mɔɔdi abu ku bula ɔmantɛ bakɔ lɛlɔ kalɛ biala baayɔ́. Na buuvele-ɔ ka bɔkya ɔgbankpi bonwu kemmo.

Nehemia 9:37 ပူးပေါင်းရင်းမြစ်များ

Esra 4:13

“Na bɔɔyá na asɔ ati ka, si básɔku ɔma unengudi ɔmmɔ bátu ku nwuna awodu ni, bekyuli bammɔ basɔ baaadubo kuyii kɔni na ékulo éte-ma bɔƒɔ. Na ɔma kavumi kadubo bɔbwɛ.

Esra 6:8

“Na ɔƒɛni ni, muubó-mii ɔda na lɛla lɛni na ɔlɛka bɛbla bite Yudaƒuɔ benengu bamɛni na ɔtɔ ɔmɛni bɔtu kemmo. “Kayu kani ƒui na bekyuli bamɛni badubo bubo ni, ɔdi ka baƒɔ-ka basiku ɔga kavumi kani na bekyuli bani nkya ketu ɔvi béeyi taabakya-ka kemmo, kalɛ na kabla kammɔ kelédi kelenye.

Esra 7:24

Na mɔɔyá na bɛti ka ukyuli biala uuubo kenyekɔ kadi na ɔƒɔ kuyii ɔsiku bakpane iye Lewiƒuɔ iye kabla bablane iye ukyuli biala ɔni mɔɔbla kabla kadi na kakpakɔ kammɔ kemmo kudɔ.

Nehemia 5:8

Na lɛ́su-ma nnini, “Ama bani na béye-ma béte bekyuli bani naaadi Yudaƒuɔ ni, bɔ́bla kalɛ na bɔkana, na bɔ́ƒɔ-ma bɔ́siku bekyuli bammɔ kudɔ. Nsu amii binye bina banwani lɛlɔ kalɛ na beti lɛlɔ beye bete-mii, na amii lɛnɔ bɛsɔku-ma biye bite-bu.” Na benengu bammɔ bába lɛsɛ, ka beeebo kulɛla na basu ɔsu.

Kɔnyana Buwulo 5:5

Na baabla-bu kalala taasia kama ɔni na bula ɔyikun ɔ́sa, na buuubo bɔnwuna bɔdi.

Lewiƒuɔ Ɔda Bubo 26:17

Mina anumi adubɔlɛ-mii lɛlɔ na lɛya na bina bekisine badi-mii lɛlɔ. Na ama bani muukisi-mii mmɔ kalɔ na bɛdubo bɔkya na biteekeli uwi ɔni na ɔdi ulábɔku-mii.

Yohane 8:33

Amu na Yudaƒuɔ bammɔ básu-nwu banini, “Abraham kaba bebi na bɔdi, na bɔɔɔkya ukyuli ɔdi kalɔ! Dɛ na ɔ́bla na aasu anii bɔdubɔkɛ bɔnwuna?”

Lɛkpa Ulu 28:33

Na ɔgyu kakaaka kadi bekyuli badubo na babaƒɛ bina edula ani bíbo abi bɛ́va batɔlɔku, nsu baaadubo-mii kayu kadi bɔƒɔ. Lɛbibo kama lɛbibo na bɛdubɔnu.

Lɛkpa Ulu 28:39

Na bɛdubɔtuma adingyii mmo na biwi lɛlɔ bɛnu-nya lɛlɔ kaduɛ. Nsu bilákɛ-nya ebi bilala iye bɛkɛ ebi ammɔ adi bɛbla ntɛ. Ɔsika beklubi badubuduo egyiibi ammɔ kemmo.

Lɛkpa Ulu 28:48

Anwuɔsu kɔka ku utukwɛ ku kɔwaba bonwu kɔdubɔda-mii na bɛkɛ ku kasɔngya bitaabla kabla teete bina bekisine bani enu kemmo na Unwoti ɔdubuti-mii ɔ́kya. Na Unwoti ɔdubɔya na bibo abi laa wetédu ka bina ƒui bíkpi bɛ́yii udu.

Lɛkpa Ulu 28:51

Na bekyuli bammɔ badubo bina edula bɔdi na badu bina bebuo bakun ƒui na kɔka kɔda-mii kaduɛ úti útédu ka bíkpi bɛ́sa ƒui. Na bekyuli bammɔ baaadubo edula iye ntɛ iye nnɔ iye ɔmantɛ bakɔ iye baƒonu badi bɔda buse-mii. Badubɔkyula ala ammɔ ƒui kede kede na bikpi bɛsa.