Nehemia 9:31 - Katɔti Ɔku Kedee

³¹ Nsu na ƒula kɔnyana bɔnu bɔni ebo ɔsu, átaya na bádi-ma lɛlɔ iye étenwini kama átakya-ma. Ɔsika adi Katɔti ɔni mɔɔnu kɔnyana na ebo lɛƒɔndia.

Nehemia 9:31 ပူးပေါင်းရင်းမြစ်များ

Baga 2 13:23

Nsu Unwoti ɔ́nu Israelƒuɔ kɔnyana na útete kuƒi na bayila-ma udu. Mmomu úbunku-ma ɔ́si bunyimi bɔni na únyimi ku Abraham ku Isak ku Yakob ɔsu. Anwuɔsu ulátuna ka ɔyila-ma udu úti úbedu ɔmwi kadi.

Ala Alɛdi 2 30:9

“Na bekisine bani néƒie bina lɛlɔ bekyuli badi bátɔlɔku ni, badubɔya na basɔ benwini bebo ɔma. Unwoti Katɔti ubo lɛƒɔndia na ɔɔnu kɔnyana. Na si bínwini bíbo-nwu kudɔ ni, ɔsɔ ɔɔɔdubo nwuna kama bunwini bɔkya-mii kudii.”

Nehemia 9:17

Na béni ka benyimo ƒula akɔla lidu lidu ani na édie átina na bana akɔ. Na bana atuɔkplu ku bɔta bunye kemmo ni, bédie ɔtɔnkune ɔni nsɔ makpanku-ma matákya bana lɛbibo kabla kemmo. Nsu awɔ Katɔti aanu kɔnyana, na éyi ku bɔyɔ ku lɛƒɔndia, na éti bana ekpidi akyiɛ-ma. Ɔmmɔ ɔsu étenwini kama átakya-ma.

Nehemia 9:19

“Na ɔ́si ƒula kɔnyana bonwu kɔni na ébo ɔsu ni, étenwini kama átakya-ma na ketele kemmo mmɔ. Na si ƒula bekyuli bakɛ ɔƒiiwi ni, eeti liƒlukutu teetile-ma ɔƒɛ. Na si bákɛ usien aayá lɛgyavonku bonwu liite-ma bukeye na ɔɔtina-ma ulu.

Yesaia 48:9

Na ukyuli ɔni na ndi ku kalɛ na bekyuli bemwi-mi ku ɔbu ɔsu ni, muuwi lɛlɔ ku mina kɔnyi ablala kalɛ na naaayila bekyuli udu.

Yeremia 4:27

Unwoti ɔnini, “Lɛ́ɛbla mina kasusu lɛ́wɔlɔ na nsɔ lɛɛɛdubo-ka bɔvumana. Kalɔ kamɛni kadubo udu bɔyii, nsu lɛɛɛdubo-ka udu bɔyila ƒui kede kede. Kayaa kadubo bɔbla suu na kalɔ kammɔ ƒui kabla kɔnyana na ɔmmɔ ɔsu.”

Yeremia 5:10

“Ndubo bana bekisine bɔsu nnini, ‘Bisie mina adingyii kemo kammɔ kemmo na bikulo kɔgba kɔmmɔ ƒui biwi kalɔ mmomu bitadu kugyii kɔmmɔ ɔlati, ɔsika kɔgba kɔmmɔ ndi bekyuli bani naaadi mina badi.

Yeremia 5:18

Unwoti ɔ́su ɔnini, “Yeremia, bekisine bekpone bammɔ baaadubo ukyuli biala bɔdu na Yuda.

Kɔnyana Buwulo 3:22

Unwoti uleni lɛƒɔndia bɔbla kudii! Ɔsika si ɔɔɔdi nwuna kɔnyana kɔni na ɔ́nu-bu ɔsu ni, nka bɔ́yii ku udu.

Daniel 9:9

Unwoti Katɔti, aanu kɔnyana na eeti likpidi taakyiɛ ina ka bɔ́bla alaekpidi na bɔ́ƒiɔ-ɔ,

Lɛkpa Ulu 4:31

Ɔsika Katɔti ubo lɛƒɔndia na ulada-mii ulanyonu iye ɔyila-mii udu na ulayiƒala bunyimi bɔni na anwu ɔlati únyimi ku bina bati kuuku.