Nehemia 9:30 - Katɔti Ɔku Kedee

³⁰ Na ákɛku-ma kayi akwa pii. Na átala ƒula kɔyu ákya ƒula kenye bediene ka basu-ma ɔkplu bɔkya etemila. Nsu ɔmɛni kama ƒui ni, bétenu ƒula litemi. Anwuɔsu ányonu-ma éte bana liku bekyuli.

Nehemia 9:30 ပူးပေါင်းရင်းမြစ်များ

Baga 2 18:11

Asiriaƒuɔ ɔga úƒie Israelƒuɔ úsienku Asiria kalɔ lɛlɔ, na ɔ́ya na bétélie Hale na Gosan kalɔ kemmo na Habor Ketudɔ ku Media lɛma kemmo.

Baga 2 21:10

Na Unwoti úti ɔ́siaku nwuna kenye bediene lɛlɔ na ɔ́su ɔnini,

Ala Alɛdi 2 24:19

Nsu ɔmmɔ ƒui kama ni, Unwoti ɔmu uumene-ma nwuna kenye bediene kalɛ na batálɛ-ma na benwini bebo-nwu kudɔ, nsu béni na bátaƒɔ-ma litemi.

Esra 9:10

“Nsu ɔƒɛni ni, O Katɔti, bi na bɔdubɔsu na ala ani ƒui nálɛ mɛni lɛlɔ? Bula ƒui bútabu ƒula ɔda bubo

Nehemia 9:20

Na éte-ma ƒula Kɔyu kɔbuni kɔmmɔ ka kɔ́da-ma. Na átada ƒula manna étedie-ma kenye kemmo. Na éte-ma ntu na béti bádu bana ntukwɛ.

Nehemia 9:26

“Nsu báyu atuɔkplu na báta bénye-ɔ lɛlɔ. Na béti ƒula ɔda bubo bábala bana kama. Na bádu ƒula kenye bediene bani bákya-ma ɔkplu ka nka benwini bebo-ɔ kudɔ. Na bétemi enyekpi ani mɔɔda lɛƒu béwi-ɔ.

Nehemia 9:29

“Na ébo-ma ɔda ka benwini bebo na babataadi ƒula ɔda bubo lɛlɔ. Nsu bátakpete-ɔ, na béni ƒula ɔda bubo na bábla likpidi básiaku ƒula ɔda bubo bɔni na si nka ukyuli ɔ́di-nwu lɛlɔ ni, ɔdubulie ngba. Nsu na bana kɔdɔlɔ kemmo ni, kama mmomu bénwini bákya-a, na báyu atuɔkplu na béni ka bénu-ɔ litemi.

Kɔgya 86:15

Nsu awɔ ni, Katɔti ɔni mɔɔnu kɔnyana na aayɔ́-bu geen na adi. Eléti kɔnyi buti buti mmomu aayɔ́-bu uwi ndi uwi na alalɛ ƒula litemi kama lɛnɔ.

Kɔgya 95:10

Na ɔmmɔ ɔsu akwa aavlene sɔɔn na líti kɔnyi lɛ́kya-ma geen na lɛ́su nnini, “Badi likyulikpi ala bablane bani naaasia mina ulu lɛlɔ.”

Yesaia 28:10

Unye ɔɔká ɔda bubo bɔmmɔ taasia kama egyu egyu kɔlɛ kɔlɛ.”

Yesaia 42:24

Israelƒuɔ bábla likpidi na béni banii belenu Unwoti litemi iye basiaku nwuna ala bɔtina kama. Ɔmmɔ ɔsu na Unwoti ɔ́ya na béƒie-ma ala ƒui báƒɔ.

Yesaia 48:9

Na ukyuli ɔni na ndi ku kalɛ na bekyuli bemwi-mi ku ɔbu ɔsu ni, muuwi lɛlɔ ku mina kɔnyi ablala kalɛ na naaayila bekyuli udu.

Yesaia 63:10

Nsu ina amu béni na báta bénye nwuna Kɔyu Kedee lɛlɔ ka kɔdi-ma lɛlɔ. Anwuɔsu na ɔ́sɔ-ma kama na únwini bana ukisine na anwu ɔlati úkpoku-ma geen.

Yeremia 25:4

Unwoti ɔ́tala kenye bediene ɔ́kya-mii kɔlɛ kɔlɛ, nsu bíni na bítenu-nwu litemi.

Yeremia 44:22

Na uwi ɔni na útulo-nwu na ɔ́nɔ bɔnu ni, úwida bina kalɔ na káta kénwini ketele kalɔ kakwiidi kalɛ udu na kese ɔmwi na bɛɛnu mɛni.

Yeremia 44:4

Mɔɔyá na mina kabla bablane kenye bedie beebo taabatɛmiku-ma taasia kama uwi ndi uwi kalɛ na nkisi bana ablala ani muusé lɛlɔ mmɔ. Na bébo-ma ɔda kpakplaa ka bada bana alaekpidi bɔbla baya.

Yeremia 44:5

Nsu béni na bétenu na banii balada bana baƒiɔ bɔkpa lɛnɔ baláya.

Yeremia 7:25

Ɔ́si uwi ɔni ƒui na bina bati kuuku bátɔlɔ Egyipte ni, uwi ɔmmɔ kani lɛlɔ na mɔɔtala mina kabla bablane kenye bediene taakya-ma nnii babatɛmiku-ma.

Kɔnyana Buwulo 2:17

Lɛla lɛni na Unwoti ɔ́su úse kuuku ka wabla ni, ɔ́bla-ni lɛni kani, na ɔ́yila-a udu ɔni na útanu-ɔ kanyana, na ɔ́ya na ƒula bekisine baakun lɛmɛnɛ ka bana ɔyikun udu ɔdi ɔsɔ uuubo.

Daniel 9:6

Na bútenu ala ani na ƒula kenye bediene bani ndi ƒula kabla bablane básu bula baga ku batɔnkune ku bula bati kuuku ku bula kadi bekyuli ƒui, na búdie-ni atu.

Sakaria 7:13

“Na lɛ́su nnini, ‘Uwi ɔni na lɛ́kpali-mii límene ni, bina akɔ ɔdi biala útenu-mi litemi. Anwuɔsu ami lɛnɔ lɛɛɛdubo bina litemi bunu.

Bumomo Bɔka 11:26

Nsu banana inyɔ bádi bákya na baalɔ-ma Eldad ku Medad na báƒuna ama lɛnɔ bákya benengu bammɔ akɔ, nsu báƒɔ lɛlɔ bákya bana nvo kemmo mmɔ na bétesie kasakɔ mmɔ, nsu Kɔyu kɔmmɔ kɔ́ƒɔ-ma lɛlɔ kemmo na ama lɛnɔ bákya béteedie Unwoti ablala kenye na bana kakyakɔ mmɔ.

Batalane Kabla 13:18

Na ɔ́nu-ma lɛlɔ na ketele kemmo ɔni na bákɛ baaví laa na akwa aavlene kemmo.

Batalane Kabla 28:25

Amu na etemila amɛni ébenwini unyeƒi na bana akɔ. Na bégyingya uwi ɔni na Paulo ɔ́su-ma litemi likplodi lɛmɛni ɔnini, “Ɔdi litemi geen ka Katɔti Kɔyu kɔ́sia Yesaia lɛlɔ na ɔ́su bula bati kuuku ɔnini,

Batalane Kabla 7:51

Amu na Steƒano ɔ́sɔ ɔ́su-ma ɔnini, “Batuɔkplune geen bɛdi! Amii lɛnɔ bɛɛda atu teedie Katɔti litemi lɛlɔ aani kalɛ na bina bati bábla kalɛ. Uwi ndi uwi bɛɛta teenye Katɔti Kɔyu lɛlɔ.

Romaƒuɔ 2:4

Munuu bɛɛbu bɛnii keeke na Katɔti ɔɔbla-bu kaƒɔbuni na ɔɔkɛ́ kayi na uuwiku-bu lɛlɔ? Bɛti geen ka ni, Katɔti ɔɔbla-bu lɛƒɔndia lɛmɛni ɔsika ɔɔwia ka ubunku-bu na bunwini kayi.

Petro 1 1:11

Básia ulu biala lɛlɔ ka bati uwi ku ukyuli ɔni lɛlɔ na ala amɛni adubɔlɛ. Na Kristo Kɔyu náƒɔ-ma lɛlɔ kemmo na kɔ́ya na básu-bu ala bése. Kɔyu kɔmmɔ kɔ́su kúse kalɛ na Kristo ɔdubo abi bubo ku kalɛ na lɛlɔ lɛdubo-nwu bɔyɔ na ɔmmɔ kama.

Petro 2 1:21

Ɔsika kenye bediene bátasia lɛla lɛni na ukyuli ɔɔyɔ́ kenye bátasu lɛla lɛdi bétese. Mmomu Katɔti Kɔyu náƒɔ-ma lɛlɔ kemmo ƒui na kɔ́ya na básu kenye kani nási Katɔti ɔlati kudɔ bése.

Petro 2 3:9

Katɔti uuuse nyɔɔ ka ɔbla lɛla lɛni kenye na ɔ́su úse aani kalɛ na badi baakali. Mmomu ni, ɔɔkɛ́ kayi teete-bu. Ɔsika ulayɔ ɔnii ɔdi ɔyii. Mmomu ɔɔyɔ́ ka bula ƒui bɔda bula ekpidi bɔbla bɔya.