Nehemia 9:25 - Katɔti Ɔku Kedee

²⁵ Na békpo bádi lɛma libendi ku kɔlɔ kɔni néyii ku lɛmwi. Na béti kɔduli kɔni ala abuni éyi-ku kemmo. Na béti abiɔ ani béku bése ku ntɛ mmo ku nnɔmii mmo ku adingyii mmo pii. Na bádi na bémo na béle lɛmwi. Na bákɛ ebiti na ƒula lɛbuni bonwu lɛni na ábla ɔsu.

Nehemia 9:25 ပူးပေါင်းရင်းမြစ်များ

Baga 1 14:9

Na awɔ ni, ábla likpidi étulo baga bani ƒui nélie asa na ébo. Na éti lɛbuala ávɔ baƒiɔ éte lɛlɔ. Ɔmɛni ɔsu ákya-mi kɔnyi geen, ɔsika énwini kama ákya-mi.

Baga 1 8:66

Na ka bádi limeyi lɛmmɔ báwɔlɔ kadi kegye ni, ɔ́ya na bekyuli bammɔ ƒui bátɔlɔ. Na bekyuli bammɔ béte ɔga kusɛ kusɛ ku kubiti ku lɛlɔyɔ ɔ́si ala abuni ani na Unwoti ɔ́bla úte nwuna kabla ɔblane Dawid ku nwuna bekyuli Israelƒuɔ ɔsu.

Nehemia 9:35

Ina ɔmwi ɔni bakya bana lɛgadi kemmo na baakɛ́ ƒula ebiti bonwu na kalɔ kani kewi ƒiaa na kélie lɛmwi na aka na éti éte-ma mmɔ lɛlɔ ni, bátasiaku-ɔ iye benwini kama bakya bana ekpidi.

Kɔgya 105:44

Na úti bekyuli bamba kɔlɔ úte-ma. Na mmo bɔni kadi bamba bekyuli bése ku bana akɛla ƒui énwini bana ɔdi.

Kɔgya 65:11

Lɛkwa lɛɛdianku bekyuli na baaƒɛ edula pii. Na bekyuli baalɛ́ku-nya taasiku lɛƒɛnyi ƒui lɛlɔ.

Agba 30:9

Ɔsika ɔƒɛni kalɛ lɛ́kɛ lɛmmɔ lɛdubumo-mi lɛvili na lini-ɔ, na ndubuye nnini, ‘Ɔma ndi Unwoti?’ Na si kɔwaba lɛnɔ nda-mi kɔ́vili ni, ɔƒɛni kalɛ ndubo buyu na bekyuli balabu mina Katɔti lɛnyi kedee.

Yesaia 6:10

Geen ni, bana kɔyi kútili na bana atu áyu ɔkplu na bana anumi lɛnɔ ábwɛ. Si ɔɔɔdi lɛni ni, nka bana anumi adubɔnu nwaa na bana atu lɛnɔ adubunu na benu kalɔ na benwini bebo-mi kudɔ na lɛbwi-ma.”

Yesaia 63:7

Ndubɔsu lɛƒɔndia ala ani na Unwoti ɔ́bla, ɔsika ala ammɔ ámanku ka bemwi-nwu! Unwoti ɔ́nu nwuna kadi bekyuli Israelƒuɔ kɔnyana na ɔɔbla-ma lɛƒɔndia uwi ndi uwi na ɔɔtina kalɛ na ɔdia.

Yeremia 2:7

Lɛ́kpanku-mii líboku kalɔ kani na ala abuni áƒɔ-ka pii mɛni lɛlɔ, kesii kani na egyiibi abuni ku ala abuni akya na bɛkɛ bɛdi, nsu bɛ́bla na kalɔ kammɔ keesé lɛlɔ na bina ekpidi bɔbla ɔsu.

Yeremia 31:14

Ndubute mina bekyuli kusɛ kusɛ na lɛya na bakɛ edula pii betulo kalɛ na baawia muedi. Na bakpane badubɔkɛ bebuo bani na badubɔdu kɔdikɔ kɔbuni. Ami Unwoti násu.

Yeremia 32:23

“Nsu ka kalɔ kamɛni kétuku bula bati kuuku lɛkɔkɔ ni, bétenu ƒula litemi na badi-ni lɛlɔ. Na ɔƒaani ni, áni Israel kalɔ kemodi kammɔ kɔtu ku ɔgbankpi lidu.

Esekiel 20:6

Na líse kenye ka ndubudie-ma lɛlɛku Egyipte kalɔ lɛlɔ na lɛtɔnku-ma lisienku ɔmii ɔni na lɛ́ɛƒuna líse lɛlɔ. Na kalɔ kammɔ kadi kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii teetulo kɔlɔ kɔkladi ƒui.

Daniel 11:24

Na tati tese kemmo ni, ɔdubo kɔlɛkɛ kɔni kemmo na lɛlakɛ lɛkya kaduɛ lɛlɔ bɔdi, na ɔmɛni ɔdi lɛla lɛni na nwuna bati kuuku bátabla kudii. Na ɔdubuti lɛkɛ ku bana ala ƒui ule ute nwuna kama basiakune. Nsu ala amɛni adi biala aaadubo uwi butu.

Hosea 13:6

Nsu ka bíbeduo kalɔ kabuni kemmo kesii kani na ntu ku adila akya na bɛɛní na bɛɛdi teemo ni, bɛ́yiƒala-mi na bíse kalɔ bɛɛtina lɛlɔ.

Hosea 3:5

Nsu kama ƒui ni, Israel ɔdubɔsɔ unwini usie nwuna Unwoti Katɔti ku nwuna Ɔga Dawid kudɔ. Badubusie Unwoti kudɔ ku bɔyia ku ɔbu. Na emeyi ekplodi ammɔ kemmo ni, badubɔnu nwuna lɛƒɔndia.

Romaƒuɔ 2:4

Munuu bɛɛbu bɛnii keeke na Katɔti ɔɔbla-bu kaƒɔbuni na ɔɔkɛ́ kayi na uuwiku-bu lɛlɔ? Bɛti geen ka ni, Katɔti ɔɔbla-bu lɛƒɔndia lɛmɛni ɔsika ɔɔwia ka ubunku-bu na bunwini kayi.

Lɛkpa Ulu 3:5

Na lɛma lɛni ƒui kɔtɛ na mɔɔtɛmi-mii mɛni ni, bátu awodu ebendi báka bámana-nya na ana kɔyakun ni, abuala kɔlɛmikɔ sɔɔn na kɔdi na béti bábala-ku. Na akpaklɔ adi lɛnɔ akya na ébomo, nsu anya amu ni, bátatu awodu bátaka bátatamana-nya.

Lɛkpa Ulu 32:13

Na úbunku-ma na békpo baƒɔ kɔlɔ. Na bana edula ani báva na bana mmo ádia na bádi. Na bana nnɔ egyii adia na atakpɛ lɛlɔ. Na uwɔ úlie na atakpɛ akɔ.

Lɛkpa Ulu 32:14

Ɔ́ya na bana ɔmantɛ bakɔ ku bese bákɛ anyi ntu pii. Na bebo baƒonu ku bese ku ɔmantɛ bakɔ bani ndia ntulo. Na bákɛ edula abuni, na bákɛ ntɛ bɔni mɔɔda ɔkwɛ geen.

Lɛkpa Ulu 32:15

Unwoti bekyuli bákɛ lɛlɔ, nsu balábu-nwu. Bélie lɛmwi, na bádi bémo. Nsu bénwini kama bákya bana Katɔti ɔni ndi bana Udiene. Na béni bana Ɔƒɔne Ɔyikune ƒui.