Nehemia 9:19 - Katɔti Ɔku Kedee

¹⁹ “Na ɔ́si ƒula kɔnyana bonwu kɔni na ébo ɔsu ni, étenwini kama átakya-ma na ketele kemmo mmɔ. Na si ƒula bekyuli bakɛ ɔƒiiwi ni, eeti liƒlukutu teetile-ma ɔƒɛ. Na si bákɛ usien aayá lɛgyavonku bonwu liite-ma bukeye na ɔɔtina-ma ulu.

Nehemia 9:19 ပူးပေါင်းရင်းမြစ်များ

Nehemia 9:12

Na si ƒula bekyuli bakɛ ɔƒiiwi ni, eeti liƒlukutu teetile ɔƒɛ. Na si bákɛ usien aayá na lɛgyavonku bonwu liite-ma bukeye na ɔɔtina-ma ulu.

Nehemia 9:27

Ɔmmɔ ɔsu éti-ma éte bana bekisine, na bábla-ma kalala. Nsu na bana lɛbibo kemmo ni, béwulo bákpali-ɔ na énu-ma bɔ́kpali na kesii kani akya na katɔ mmɔ. Na ƒula kɔnyana bonwu bɔnu kemmo ni, édie ukyuli ɔni ndubukpo bɔƒɔ-ma. Na úbekpo ɔ́ƒɔ-ma ɔ́lɛku bana bekisine enu kemmo.

Nehemia 9:31

Nsu na ƒula kɔnyana bɔnu bɔni ebo ɔsu, átaya na bádi-ma lɛlɔ iye étenwini kama átakya-ma. Ɔsika adi Katɔti ɔni mɔɔnu kɔnyana na ebo lɛƒɔndia.

Kɔgya 106:45

Ɔ́si nwuna lɛƒɔndia ɔsu ni, na kaƒɔ kasɔ kaakywí-nwu. Na únyimo bunyimi bɔni na únyimiku-ma.

Kɔgya 136:16

Bɛgya anwu ɔni nátɔnku nwuna kadi bekyuli ɔ́siaku kalɔ kakwiidi kemmo enu. Ɔsika ɔɔyɔ́-bu uwi ndi uwi.

Israelƒuɔ Bɔlɛ 40:36

Na Israelƒuɔ ulu buse biala kemmo ni, si bánya bánu ka liƒlukutu lɛmmɔ lɛ́ta Adi Kevo kammɔ eli ni, na ɔlɛka ama lɛnɔ basiaku-nwu.

Israelƒuɔ Bɔlɛ 40:38

Anwuɔsu na Israelƒuɔ ulu busie kemmo ƒui ni, Unwoti liƒlukutu lɛmmɔ liibi Adi Kevo kammɔ lɛlɔ na kadi nwaa. Na usien lɛnɔ liinwíni aani lɛgyavonku lɛkpa taatɔnku-ma.

Yesaia 44:21

O Israel kadi bekyuli, bitaakali ala amɛni taanu, ɔsika mina kabla bablane na bɛdi, na budie na lídie-mii nnii bitaabla mina kabla. Anwuɔsu lɛɛɛdubo-mii bɔyiƒala kudii.

Kɔnyana Buwulo 3:22

Unwoti uleni lɛƒɔndia bɔbla kudii! Ɔsika si ɔɔɔdi nwuna kɔnyana kɔni na ɔ́nu-bu ɔsu ni, nka bɔ́yii ku udu.

Esekiel 20:14

Nsu ɔmmɔ lɛnɔ ami ɔla kɔƒa na kɔdi. Ɔsika kadi bamba bekyuli pii bánu ka ami nákpanku Israelƒuɔ lɛ́lɛku Egyipte kalɔ kemmo.

Esekiel 20:17

“Nsu bana lɛlɔ lɛ́sɔ lɛ́bla-mi kɔnyana ka lɛya na bekpi na kalɔ kakwiidi kammɔ kemmo lɛni.

Esekiel 20:22

Nsu ńtabla ńtasiaku lɛni. Ɔsika nka ɔmmɔ ɔdubɔbla-mi kɔƒa na kadi bekyuli bani nánu-mi ka lɛ́kpanku Israelƒuɔ lɛ́lɛku Egyipte kalɔ kemmo.

Daniel 9:18

Buvele, nu ƒula ɔma ɔƒunadi ɔmɛni kɔnyana ɔɔɔdi ɔni na abu bɔ́manku ɔsu mmomu na ƒula lɛƒɔndia bonwu lɛni ebo ete bekyuli ɔsu.

Daniel 9:9

Unwoti Katɔti, aanu kɔnyana na eeti likpidi taakyiɛ ina ka bɔ́bla alaekpidi na bɔ́ƒiɔ-ɔ,

Malakai 3:6

Yakob bebi ku bawɔ, ami ndi Unwoti Ɔyikune Ƒui ɔni naaavumana uwi ɔdi. Anwuɔsu na ńtayila-mii udu ńtedie ƒui

Bumomo Bɔka 14:14

Na badubo bekyuli bani nlie kalɔ kamɛni lɛlɔ lɛla lɛmɛni bɔsu. Kalɔ kamɛni bekyuli béenu kukuuku kalɛ na awɔ Unwoti akya Israelƒuɔ akɔ, na bánu-ɔ anumi ku anumi ku kalɛ na ƒula liƒlukutu lɛ́yu líbelie-ma eli ku kalɛ na aatɔ-ma anumi aani liƒlukutu lɛkpa bonwu kalɛ na ɔƒiiwi, na usien lɛnɔ aani lɛgyavonku bonwu kalɛ.

Lɛkpa Ulu 8:2

Na bitayiƒala kalɛ na bina Unwoti Katɔti ɔ́tɔnku-mii na kalɔ kakwiidi kamɛni kemmo akwa aavlene. Ɔ́bla ɔmɛni ɔnii ɔɔnu si bɛdubɔti ka anwu nda-mii. Na ɔkɔku-mii ɔnu si bina kasusu kadubɔsia-nwu lɛlɔ na bɛdi nwuna ɔda bubo lɛlɔ.

Samuel 1 12:22

Nwuna lɛnyi bonwu lɛni náƒɔ kuye ɔsu ni, Unwoti ɔɔɔdubo nwuna bekyuli buni, ɔsika ɔɔyɔ́-nwu kaƒɔ ka ɔbla-mii nwuna kadi bekyuli.