Nehemia 9:16 - Katɔti Ɔku Kedee

¹⁶ “Nsu bula bati kuuku bamɛni béti tati tati ku atuɔkplu na bátadi ƒula ɔda bubo lɛlɔ.

Nehemia 9:16 ပူးပေါင်းရင်းမြစ်များ

Baga 2 17:14

Nsu ɔmɛni kama ƒui ni, béni mina ɔda bubo bɔmmɔ na bábla atuɔkplu aani bana bati bani néteti bana kayi ƒui bátasia Unwoti bana Katɔti lɛlɔ, bati bani na bátaƒɔ bana Unwoti bátadi mmɔ.

Ala Alɛdi 2 29:6

Bula bati kuuku badi ɔbladu útadia bɔnu munu munu, ɔsika bátasiaku-nwu kama siin. Na ɔɔɔdi ɔmmɔ lɛti mmomu béni Katɔti kakpakɔ muedi ƒui kede kede.

Ala Alɛdi 2 30:8

Na bitabla atuɔkplu aani bina bati kuuku bammɔ. Bɛlɛ ugyii geen ɔƒɛni ka bɛdubɔdi Unwoti bula Katɔti litemi lɛlɔ! Bibo Yerusalem na bibadi limeyi na bɛkpa-nwu na nwuna kakpakɔ kani ndubɔdi nwuna kadi uwi ƒui na ɔdubɔda kɔnyi buti bɔkya-bu ɔya.

Ala Alɛdi 2 36:13

Amu na Sedekia ɔ́ta únye Ɔga Nebukadnesar lɛlɔ ina ka ɔ́kpali Unwoti lɛnyi na úse ɔga ɔmmɔ kenye ka ɔdubɔdi nwuna litemi lɛlɔ siin. Nsu Sedekia ɔ́bla atu ɔkplu na úni ka ɔvumana kayi na unwini ubo Unwoti Israel Katɔti kudɔ. Na ɔ́ta únye Nebukadnesar lɛlɔ.

Nehemia 9:10

Na ábla akɔla lidu lidu asiaku Ƒarao ku nwuna kabla bablane ku nwuna bekyuli bani ƒui nli-nwu kalɔ kemmo. Ɔsika ánu áti tati tati ɔni na Hetiƒuɔ béti bábla ƒula bekyuli kalala. Na awɔ nábla lɛnyi éte ƒula lɛlɔ. Na lɛnyi lɛmmɔ lise líbedu ɔmwi kadi.

Nehemia 9:29

“Na ébo-ma ɔda ka benwini bebo na babataadi ƒula ɔda bubo lɛlɔ. Nsu bátakpete-ɔ, na béni ƒula ɔda bubo na bábla likpidi básiaku ƒula ɔda bubo bɔni na si nka ukyuli ɔ́di-nwu lɛlɔ ni, ɔdubulie ngba. Nsu na bana kɔdɔlɔ kemmo ni, kama mmomu bénwini bákya-a, na báyu atuɔkplu na béni ka bénu-ɔ litemi.

Kɔgya 106:6

Bɔ́bla alaekpidi bɔ́ƒiɔ-ɔ aani kalɛ na bula bati kuuku báƒiɔ-ɔ kalɛ kani. Bɔ́bla likyulikpi ku kalala.

Kɔgya 81:8

“O mina kadi bekyuli Israelƒuɔ, binu mina bɔlɛ. O Israel kadi bekyuli, mɔɔyɔ́ ka binu-mi litemi.

Israelƒuɔ Bɔlɛ 15:26

Ɔnini, “Si biinú ami bina Unwoti Katɔti litemi na bɛɛbla ala ani nse siin na mina anumi na bɛɛdi mina ɔda bubo ƒui lɛlɔ kpakplaa ni, lɛɛɛdubo bɔya na lɛlɛ lidu lidu lɛni na lɛ́ya na líbo Egyipteƒuɔ lɛlɔ ɔdi ubo-mii lɛlɔ kudii. Ɔsika ami ndi bina Unwoti ɔni mɔɔbwi-mii lɛlɛ.”

Israelƒuɔ Bɔlɛ 32:9

“Na ami Unwoti ngyi kalɛ na bekyuli bamɛni bese.

Agba 29:1

Ukyuli ɔni mɔɔbla atuɔkplu na úni ɔnii ukyuli ɔdi utedie-nwu bɔƒiɔ ni, ɔdubo lɛlɔ udu bɔyila na ɔdi ɔsɔ ulakana-nwu bɔbwi.

Yesaia 48:18

Si bunu na nka bínu-mi litemi ni, nka bíilie kalɔ kpi ku atu bɔyɔ aani kalɛ na ketu kaatɛ taagba buɛɛ na bɛbla siin aani kalɛ na ɛpu ntu bɔɔta ku bukeye.

Yesaia 48:4

Ngyi ka bibo atu ɔkplu ku lili ɔkplu.

Yesaia 63:10

Nsu ina amu béni na báta bénye nwuna Kɔyu Kedee lɛlɔ ka kɔdi-ma lɛlɔ. Anwuɔsu na ɔ́sɔ-ma kama na únwini bana ukisine na anwu ɔlati úkpoku-ma geen.

Yeremia 19:15

“Bina ɔdi biala use kɔtu na unu! Uwi ɔdi návi kemmo ni, Unwoti Ɔyikune Ƒui, Israel Katɔti, ɔ́su-mii kpakplaa ka ɔdubɔya na ɔgbankpi ubo Yerusalem lɛlɔ ku lɛma lɛni na amadɔ mmɔ ƒui. Nsu bɛbla atuɔkplu na bíbulo-nwu litemi bunu. Na ɔƒaani ni, Unwoti ɔdubo bɔya na ɔgbankpi ɔmmɔ ɔlɛ aani kalɛ na úse kenye úse.”

Yeremia 2:31

“Bise atu na binu lɛla lɛni na mɔɔsu. Budie na lídie-mii atu na kalɔ kakwiidi kammɔ kemmo na bɛ́sɔ bɛkya lɛdisa kemmo? Mina bekyuli na bɛdi, nsu bɛ́kana na bɛ́su-mi bɛnini, ‘Lɛla lɛni na abu bɔɔyɔ́ na bɔdubo bɔbla, na bɔɔɔdubo-ɔ lili kalɔ bɔkya.’

Yeremia 7:26

Nsu béni-mi na bébenwini batuɔkplune ku ekpidi bablane bétulo bana bati kuuku bammɔ muedi!”

Esekiel 5:6

Nsu Yerusalemƒuɔ báta bénye-mi lɛlɔ na banii belenu-mi litemi. Béni mina ɔda bubo na bénwini alaekpidi bablane bonwu betulo kadi bamba bekyuli bani náka bámana-ma muedi.

Batalane Kabla 7:51

Amu na Steƒano ɔ́sɔ ɔ́su-ma ɔnini, “Batuɔkplune geen bɛdi! Amii lɛnɔ bɛɛda atu teedie Katɔti litemi lɛlɔ aani kalɛ na bina bati bábla kalɛ. Uwi ndi uwi bɛɛta teenye Katɔti Kɔyu lɛlɔ.

Romaƒuɔ 2:5

Na ka bina atu ebo ɔkplu na bítenwini kayi ɔsu ni, Katɔti ɔdubo-mii kɔtu bɔni geen na limeyi lɛni na údie úse lɛlɔ ka ɔdubɔtɛku bayawine ƒui litemi na nwuna ulu siin lɛlɔ.

Lɛkpa Ulu 31:27

Ɔsika ngyi kalɛ na baatá teenye ala lɛlɔ na bebo atuɔkplu. Na baata teenye Unwoti lɛlɔ uwi ɔni na ami Mose nlie ngba na nkya-ma kudɔ. Na ngyi ka badubo bɔbla butulo lɛni na mina kekpima.”

Lɛkpa Ulu 32:15

Unwoti bekyuli bákɛ lɛlɔ, nsu balábu-nwu. Bélie lɛmwi, na bádi bémo. Nsu bénwini kama bákya bana Katɔti ɔni ndi bana Udiene. Na béni bana Ɔƒɔne Ɔyikune ƒui.

Lɛkpa Ulu 5:29

Si lɛni na bekyuli bamɛni badubutaabla na beteeti ɔbu teete-mi na bataadi mina ɔda bubo ƒui lɛlɔ ni, lɛla biala lɛdubuteesie kaduɛ teete-ma, ama ku bana kaba bekyuli ƒui, ɔ́si ɔƒɛni úsela uwi ƒui.”

Lɛkpa Ulu 9:13

Na Unwoti ɔ́sɔ ɔ́su-mi ɔnini, “Ami Unwoti ngyi ka bekyuli bamɛni bebo atuɔkplu geen.

Lɛkpa Ulu 9:27

Na enyimo ƒula kabla bablane bani ndi Abraham ku Isak ku Yakob, na alakpete bekyuli bamɛni atuɔkplu ku likyulikpi ku bana ekpidi ani bábla.

Lɛkpa Ulu 9:6

Anwuɔsu bɛnu ka ɔɔɔdi bina ala bɔbla ulu lɛlɔ ɔsu na Unwoti úti kalɔ kani na kélie lɛmwi mɛni uute-mii. Ɔsika batuɔkplune na amii lɛnɔ bɛdi.

Hebriƒuɔ 3:13

Mmomu bɛkya lɛlɔ ogya limeyi ndi limeyi si kadi biala kégye-mii na baalɔ-ka banii ɔmwi. Ɔmmɔ ndubɔya na likpidi lilátɔlɔ ɔdi na wenwini ukyuli ɔni mɔɔbla atuɔkplu.

Hebriƒuɔ 3:15

Lɛni na básu bábavi ɔƒɛni banini, “Si bínu Katɔti lɛdi ɔmwi ni, bitabla atuɔkplu aani kalɛ na bɛ́bla uwi ɔni na bɛ́ta binye Katɔti lɛlɔ.”