Nehemia 9:15 - Katɔti Ɔku Kedee

¹⁵ Na ka kɔka kɔɔda-ma ni, éte-ma adila ásiku katɔ. Na ka ntukwɛ ɔɔda-ma ni, áya na ntu bɔ́bwɛ bɔlɛ lɛtakpɛ bonwu kemmo. Na ásu-ma ka béteesie bététi kalɔ kani átalaku kɔnu katɔ na ése kenye ka eeti-ka eete-ma.

Nehemia 9:15 ပူးပေါင်းရင်းမြစ်များ

Ala Kalɔ Buse 14:22

Nsu Abram údie kenye na ɔ́su Sodom ɔga ɔnini, “Katɔti ɔni Ntulo Ƒui na anwu nédie katɔ ku kalɔ ni, anwu na lɛkɔliku mina enu lite. Na lɛ́kpali ala lɛ́lɔ-nwu lɛnyi lɛ́su nnini,

Nehemia 9:20

Na éte-ma ƒula Kɔyu kɔbuni kɔmmɔ ka kɔ́da-ma. Na átada ƒula manna étedie-ma kenye kemmo. Na éte-ma ntu na béti bádu bana ntukwɛ.

Kɔgya 114:8

Anwu mɔɔyá na ntu bɔɔbwɛ taalɛ atakpɛ kemmo. Na agyasu eenwíni abiɔ ani mɔɔyu.

Israelƒuɔ Bɔlɛ 16:4

Amu na Unwoti ɔ́su Mose ɔnini, “Ndubɔya na adila ataana taasi katɔ teete-mii aani ɔnantu. Na limeyi ndi limeyi ni, ya na bekyuli bammɔ balɛ na batála kalɛ kani medu-ma bɔdi limeyi kenye. Na ɔmɛni ndubuti bɔkɔku-ma bɔnu si badubo mina ɔda bubo lɛlɔ bɔdi.

Israelƒuɔ Bɔlɛ 17:3

Nsu ka utukwɛ mɔɔda bekyuli bamɛni ɔsu ni, baadɔnku Mose banini, “Bi ɔsu na ákpanku-bu ásiku Egyipte na áya na utukwɛ ɔdubo abu ku bula bebi ku bebuo ƒui bɔdu?”

Israelƒuɔ Bɔlɛ 17:6

Na ami Unwoti ndubunye-ɔ kudɔ na lɛtakpɛ lɛni nlɛ Horeb kɔbi lili mmɔ lɛlɔ. Na eti ugyii ɔmmɔ aƒiɛmi lɛtakpɛ lɛmmɔ, na ntu bɔdubɔlɛ bɔsiku-ni kemmo na bekyuli bammɔ bani.” Na Mose ɔ́bla kalɛ kani na Unwoti ɔ́tina-nwu na batɔnkune bammɔ anumi.

Israelƒuɔ Bɔlɛ 6:8

Na ndubuti-mii lisienku kalɔ kani na lɛ́kɔliku mina kɔnu katɔ líse kenye ka meti mete Abraham ku Isak ku Yakob. Na ndubuti-ka lite-mii na biti-ka bɛbla bina kadikɔ. Ami ndi Unwoti.’ ”

Yesaia 48:21

Ɔ́kpanku-bu ɔ́sia kalɔ kakwiidi kemmo na ɔ́ya na ntu bɔ́bwɛ bɔ́lɛ lɛtakpɛ kemmo na bɔ́ni na bɔ́du bula utukwɛ.

Yeremia 32:23

“Nsu ka kalɔ kamɛni kétuku bula bati kuuku lɛkɔkɔ ni, bétenu ƒula litemi na badi-ni lɛlɔ. Na ɔƒaani ni, áni Israel kalɔ kemodi kammɔ kɔtu ku ɔgbankpi lidu.

Esekiel 20:15

Na ɔmmɔ ɔsu ni, lɛ́su-ma na kalɔ kakwiidi kemmo mmɔ nnii lɛɛɛdubo-ma bɔtɔnku busienku kalɔ kani kenye na líse-ma mmɔ lɛlɔ, kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii mmɔ.

Lɛkpa Ulu 1:21

Anwuɔsu bɛɛnu kalɔ kammɔ ka kewi mmɔ. Biteesie na bitéti-ka aani kalɛ na Unwoti ɔni ndi bina bati kuuku Katɔti ɔ́su-mii. Na bitayia ukyuli ɔdi, na enu ataƒɛ-mii lɛnɔ.

Lɛkpa Ulu 1:8

Bɛnu bɛti ka kalɔ kamɛni ƒui na líti muute-mii. Biteesie na bitéti-ka binwini bina kadikɔ. Kalɔ kammɔ na Lɛ́su líse ka ndubuti lite bina bati kuuku bani ndi Abraham ku Isak ku Yakob ku nwuna bawɔ.”

Lɛkpa Ulu 8:3

Anwuɔsu ɔ́ya na kɔka kɔ́da-mii na úte-mii adila ani baalɔ banii manna ɔ́siku Katɔ na bɛ́di. Na adila ammɔ udu ni, bina bati kuuku iye amii bina ɔdi útanu-nya kudii. Ɔ́bla ɔmɛni ɔ́tina-mii na biti bɛtɛya ala ka ɔɔɔdi lɛdila lɛti pɛ muute ukyuli ngba. Mmomu litemi biala na lɛ́si Katɔti kudɔ lɛlɔ bɔdi muute ngba geen bɔmmɔ.