Nehemia 9:10 - Katɔti Ɔku Kedee

¹⁰ Na ábla akɔla lidu lidu asiaku Ƒarao ku nwuna kabla bablane ku nwuna bekyuli bani ƒui nli-nwu kalɔ kemmo. Ɔsika ánu áti tati tati ɔni na Hetiƒuɔ béti bábla ƒula bekyuli kalala. Na awɔ nábla lɛnyi éte ƒula lɛlɔ. Na lɛnyi lɛmmɔ lise líbedu ɔmwi kadi.

Nehemia 9:10 ပူးပေါင်းရင်းမြစ်များ

Nehemia 9:16

“Nsu bula bati kuuku bamɛni béti tati tati ku atuɔkplu na bátadi ƒula ɔda bubo lɛlɔ.

Nehemia 9:29

“Na ébo-ma ɔda ka benwini bebo na babataadi ƒula ɔda bubo lɛlɔ. Nsu bátakpete-ɔ, na béni ƒula ɔda bubo na bábla likpidi básiaku ƒula ɔda bubo bɔni na si nka ukyuli ɔ́di-nwu lɛlɔ ni, ɔdubulie ngba. Nsu na bana kɔdɔlɔ kemmo ni, kama mmomu bénwini bákya-a, na báyu atuɔkplu na béni ka bénu-ɔ litemi.

Kɔgya 83:18

Ya na bati ka awɔ ɔni ndi Unwoti ni, awɔ kani ndi Ɔyikune Ƒui ɔni mɔɔdi kayawi ƒui lɛlɔ.

Israelƒuɔ Bɔlɛ 18:11

Ɔƒɛni lɛ́nu lɛ́ti ka Unwoti utulo benwoti bani ƒui nkya, ɔsika ɔ́bla ala amɛni úti ɔ́ƒɔ bekyuli bani nkya mɔɔbla Israelƒuɔ kalala.”

Israelƒuɔ Bɔlɛ 3:20

Anwuɔsu ndubudie mina kɔnu lɛtina Egyipteƒuɔ na lɛni-ma kɔtu na akɔla lidu lidu budie bɔtina kemmo. Na ɔmmɔ kama ɔdubɔtuna na bɛtɔlɔ.

Israelƒuɔ Bɔlɛ 5:2

Amu na Ƒarao úye-ma ɔnini, “Ɔma ndi Unwoti ɔmmɔ na ɔlɛka linu-nwu litemi na lite kuƒi na Israelƒuɔ batɔlɔ? Lɛɛɛgyi Unwoti ɔmmɔ, na lɛɛɛdubo bɔya na batɔlɔ.”

Israelƒuɔ Bɔlɛ 7:1

Amu na Unwoti ɔ́su Mose ɔnini, “Nu, lɛ́bla-a aani Katɔti líte Ɔga Ƒarao. Na lɛ́bla ƒula ɔnwani Aaron aani ƒula kenye udiene.

Israelƒuɔ Bɔlɛ 9:16

Nsu kasusu kamɛni geen ɔsu na líse-ɔ lɛga kalɛ na lɛtina-a mina ɔyikun na bebo-mi lɛnyi kudu bete kayawi bekyuli ƒui.

Yesaia 42:20

Bɛ́ɛnu mina ala bɔbla, nsu bɛɛdaku-ni, na bina atu ewi, nsu bɛnii bilénu lɛla lɛdi kalɔ.”

Yesaia 63:12

Ɔma muudie kɔnu taabla ɔyikun ala ani muukeye si Mose ɔ́talaku kɔnu katɔ, na úle ɛpu kemmo inyɔ na bana anumi, na nwuna lɛnyi lise lísela uwi ƒui?

Yesaia 63:14

Kalɛ na bebuo baayu teesie ɔkwalɛ kesii kani nse-ma kpoo ni, lɛni na Unwoti ɔ́ya na bákɛ bɔnwuna ɔkɛnku nwuna Kɔyu kɔni mɔɔtɔnku-ma lɛlɔ na ɔ́ƒɔ lɛnyi lɛni muukeye geen.

Yeremia 32:20

“Áƒɔ lɛnyi na akɔla budie taatina ani na ábla na Egyipte ɔsu. Amu enye aabla akɔla budie taatina ammɔ na Israelƒuɔ akɔ ku kayawi ekpo ƒui lɛnɔ.

Esekiel 20:9

Nsu lɛ́nu ka si lɛ́bla lɛni ni, ɔmmɔ ɔdubɔtina aani si ɔkɔ ɔnyine na ndi, ɔsika bana anumi na líse kenye ka ndubo-ma bɔkpanku bɔlɛku Egyipte kalɔ lɛlɔ.

Daniel 4:37

Ɔmmɔ ɔsu na lɛ́su nnii bemwi Katɔti ɔni nli mɔɔdi lɛlɔ ɔ́si katɔ ƒui ku ɔbu! Ɔsika lɛla biala na ɔ́bla lɛdia na lɛkɛ ulu lɛlɔ siin, na bani ƒui mɔɔkɔliku lɛlɔ katɔ ni, uuboku-ma kalɔ.

Daniel 5:23

Mmomu áta énye Unwoti ɔni nli mɔɔdi lɛlɔ ɔ́siku katɔ ƒui lɛlɔ, na áya na bététi lɛɛƒɛɛ lɛni nse nwuna kakpakɔ béboku mɛni. Na awɔ ku ƒula beleku ku bakutine benengu bɛ́ni ntɛ na nina kemmo. Na binye biimwi baƒiɔ bani na béti sika ugyiedi ku ɔƒualadi ku abuala egyiedi ku atabi ku egyiiku bávɔ iye bánwi, ina ka ala amɛni elenu na alanu iye alákana kasusu buti muedi. Ébulo anii alakya lili kalɔ elete Katɔti ɔni muute-ɔ ɔƒɛƒɛɛ ɔni na aanwuna na ɔɔdi ƒula lɛla biala na aabla lɛlɔ.

Daniel 9:15

“Unwoti bula Katɔti, awɔ ɔlati ƒula kɔnu kɔni na eeti taabla ɔyikun ala na éti édie-bu ásiku Egyipteƒuɔ enu kemmo, na áya na ƒula lɛnyi lísie ɔgyu úti úbedu ɔmwi limeyi lɛmɛni lɛlɔ, nsu alaekpidi bonwu bonwu bɔbla lɛlɔ kani na bɔmu bunye.

Batalane Kabla 7:36

Anwu nédie-ma na Egyipte ɔkɛ akɔla budie taatina pii kemmo ani na ɔ́bla na Egyipte mmɔ ku Ɛpugyie kɔtu ku uwi ɔni na bakɛ ketele kemmo akwa aavlene sɔɔn.

Romaƒuɔ 9:17

Na Bunweni Kedee Ɔku kemmo ni, Katɔti ɔ́su Ɔga Ƒarao ɔnini, “Kasusu kamɛni geen ɔsu na líse-ɔ lɛga kalɛ na lidie mina ɔyikun lɛtina bekyuli ɔkɛnku ƒula lɛlɔ, na bebo-mi lɛnyi kudu bete kayawi bekyuli ƒui.”

Lɛkpa Ulu 4:34

Na muuye-mii nnii baƒiɔ badi bésie kalɔ kadi lɛlɔ dii na bétédie bekyuli bálɛku kalɔ kammɔ lɛlɔ na béti-ma bábla nwuna bekyuli aani kalɛ na bina Unwoti Katɔti údie-mii ɔ́lɛku Egyipte kalɔ lɛlɔ? Na bina anumi lɛlɔ ni, údie nwuna ɔyikun ɔ́tina-mii na ɔ́ya na lɛlɛ lidu lidu líbo bekyuli lɛlɔ, na údie akɔla lidu lidu ku ala ani mɔɔda liƒu geen ɔ́tina.

Lɛkpa Ulu 7:19

Na bɛ́nu kalɛ na ɔkɛnku Unwoti Katɔti ɔyikun bonwu ku akɔla lidu lidu budie taatina lɛlɔ na Katɔti ɔ́da-mii údie Egyipte kalɔ lɛlɔ. Na lɛni kani na ɔdubɔbla akɔla na bina akɔ si bɛ́siaku bina bekisine bani mɔɔda-mii liƒu mmɔ.

Petro 1 5:5

Lɛni kani na ɔlɛka amii bani ndi baƒɔtaadine bawɔdi lɛnɔ biboku lɛlɔ kalɔ bite baƒɔtaadine benengu bammɔ. Na bina ƒui bɛda lɛlɔ na biboku lɛlɔ kalɔ na biteebunku lɛlɔ. Ɔsika Bunweni Kedee Ɔku ɔɔsu ɔnini, “Katɔti uléte bekyuli bani mɔɔtalaku lɛlɔ katɔ kuƒi. Mmomu uubunku bani muuboku lɛlɔ kalɔ.”