Nehemia 8:17 - Katɔti Ɔku Kedee

¹⁷ Na bekyuli bani ƒui na kekpo béƒie-ma na bénwini bébo ni, bátu nvuo amɛni na bélie-nya kemmo. Ɔmɛni ndi lɛla lideedi lɛni na bábla ɔ́si Nun ubidi Yosua uwi. Na ɔdi biala ɔ́kɛ kubiti geen.

Nehemia 8:17 ပူးပေါင်းရင်းမြစ်များ

Ala Alɛdi 1 29:22

Bekyuli bammɔ bákɛ ebiti geen na bádi na báni na Unwoti lɛkpabi kudɔ mmɔ. Amu na limeyi lɛmmɔ kani lɛlɔ ni, bése Salomo lɛga na bébi-nwu kagabwa. Bádi limeyi ku lɛlɔyɔ na béti nnɔmii béwi Salomo lili béti bátina ka anwu ndubɔdi lɛga na ɔti kenye. Na Sadok lɛnɔ béwi-nwu nnɔmii lili bátina ka anwu ndi bana ɔkpane.

Ala Alɛdi 2 30:26

Na ka ɔ́si Dawid ubidi Ɔga Salomo uwi ƒui ni, limeyi lɛni ndi limeyi linengudi ƒui lɛmɛni udu, bátadi-ni kudii.

Ala Alɛdi 2 35:18

Yerusalem ɔma ku lɛma lɛni na Yuda ku Israel kalɔ ƒui bekyuli bébo mmɔ. Na ka ɔ́si Kenye Udiene Samuel uwi ƒui ni, bátadi Kukpi Lili Bɔvia Limeyi lɛmɛni lɛni kudii. Na geen ni, ɔ́si uwi ɔni na bése kalɔ ku limeyi lɛmɛni bɔdi ni, ɔmɛni ndi limeyi linengudi ƒui lɛni na bádi dii na Israel!

Ala Alɛdi 2 8:13

Na ɔ́bla akpala amɛni ɔ́siaku kalɛ na Mose únweni úse ka babla ute akpala bɔkyula na lɛnwunameyi lɛlɔ ku kɔbuli biala limeyi lideedi lɛlɔ ku Bodobodo Ɔni Néteƒu Limeyi ku Edula Bɔƒɛ Limeyi bɔdi lɛlɔ ku Kevo Kemmo Bulie Emeyi bɔdi kemmo.

Esra 3:4

Na kalɛ na bénweni bákya ɔda bubo ɔku kemmo ni, bádi Kevo Kemmo Bulie Emeyi, na bábla bɔkyula akpala bumomo bɔni na bénweni bése béte limeyi biala.

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Lɛkpa Ulu 16:15

Na bɛya na lɛlɔyɔ lɛƒɔ limeyi lɛmmɔ kaduɛ, ɔsika Unwoti néte-mii kusɛ kusɛ na ɔ́ya na bina enu kemmo kabla kammɔ kádia. Na bɛbla ɔmɛni na emeyi maatɛ kemmo na kesii kani na bina Unwoti ɔ́su ka bitaakpa-nwu mmɔ.

Hebriƒuɔ 11:13

Bekyuli bamɛni ƒui ni, bélie ngba ku bɔƒɔtaadi útédu uwi ɔni na békpi. Ala ani kenye na Katɔti ɔ́su-ma úse ni, étetuku-ma kɔnu. Nsu ni, bánu-nya ɔ́gyu kakaaka na bégyingya enu bése ka baƒɔ linyese lɛmmɔ. Na básu nwaa ka badi baƒɔ na kalɔ kamɛni lɛlɔ.

Hebriƒuɔ 11:9

Ɔkɛnku bɔƒɔtaadi lɛlɔ na úlie kalɔ kani na Katɔti ɔ́su ka ɔdubute-nwu mmɔ kemmo. Na ɔ́kya mmɔ aani ɔƒɔ na kalɔ kammɔ lɛlɔ. Kevo lɛtɔ kemmo kani na ɔ́kya. Na lɛni kani na Isak ku Yakob lɛnɔ bebelie. Ama lɛnɔ badi Katɔti ala badine aani anwu Abraham kalɛ úte ala ani na Katɔti ɔ́su úse.

Hebriƒuɔ 4:8

Ɔsika si bɔya na Yosua ɔ́ya na bákɛ bɔnwuna ni, nka Katɔti ɔ́sɔ útasu lɛla lɛdi útasiku limeyi lɛbambadi lɛdi lɛlɔ.

Yosua 1:1

Ka Mose ɔni ndi Unwoti kabla ɔblane úkpi kama ni, Unwoti ɔ́su Yosua ɔni ndi Nun ubidi ɔnini,