Nehemia 8:15 - Katɔti Ɔku Kedee

¹⁵ Anwuɔsu béti ɔda bubo bɔmɛni béte-ma ka bataakɔ-ni lɛsa na Yerusalem ku lɛma libendi ku libliidi ƒui na basu-ma banii bakɔ besie abi lɛlɔ na batada like ku egyii kɔgba na beti babla nvuo aani kalɛ na ɔda bubo bɔmmɔ bɔɔsu.

Nehemia 8:15 ပူးပေါင်းရင်းမြစ်များ

Ala Kalɔ Buse 8:11

Amu ka Abloduma ɔmmɔ únwini úbo ni, nnɔ kugyii livete lɛwɔdi lɛtu-nwu kenye. Mmɔ na Noa ɔ́ti ka ntu bɔmmɔ bɔ́ɔkpɛ bɔ́wɔlɔ.

Lewiƒuɔ Ɔda Bubo 23:4

“ ‘Emeyi amɛni na Unwoti údie úse ka bitaadi úte bɔsa kedee na ɔlɛka akɔ-nya lɛsa ete-ma si uwi ɔmmɔ údu.

Lewiƒuɔ Ɔda Bubo 23:40

Na limeyi lideedi lɛlɔ ni, na bɛƒɛ like ku kugyii kɔgba kɔni mbo evete na bɛdi limeyi lɛmmɔ ku lɛlɔyɔ na Unwoti Katɔti anumi emeyi maatɛ.

Sakaria 1:8

Usien ɔmmɔ ni, lɛ́nu ka ukyuli ɔdi ulie ɔpɔnkɔ ugyiedi ɔdi lɛlɔ na kɔwɛ lɛku lɛdi kemmo. Na babambadi badi lɛnɔ belie bapɔnkɔ begyiedi ku bani nse ƒuƒuu ku baƒualadi bamba lɛlɔ na nwuna kama.

Mateo 21:1

Uwi ɔni na Yesu ku nwuna batɛyane bákpɛ béde Yerusalem na bétédu Betƒage na Inɔ Egyii Kɔbi lɛlɔ ni, Yesu ɔ́tala nwuna batɛyane inyɔ na batɔ anumi.

Yohane 12:13

Anwuɔsu béti kuke na bálɛ bésie bátásiaku-nwu. Na baava taasu banini, “Hosiana! Bimwi anwu ɔni ndubo na Blɔti lɛnyi kemmo! Bimwi Israelƒuɔ Ɔga!”

Lɛkpa Ulu 16:16

Na lɛkwa biala kemmo ni, Israelƒuɔ ƒui banana ɔlɛka bebo Unwoti anumi kɔtɛ babakpa-nwu na kesii kani na ɔ́su úse ka bitaakpa-nwu mmɔ. Na emeyi ani badubɔdi mmɔ ndi Bodobodo Ɔni Néteƒu Limeyi ku Edula Bɔƒɛ Limeyi ku Kevo Kemmo Bulie Emeyi. Na ukyuli ɔdi utebo Katɔti anumi mmɔ ku enukplu.

Budie Taatina 7:9

Na ɔmɛni kama ni, lɛ́nu ka bekyuli pii badi benye mmɔ bani na ukyuli ɔdi ulakana bɔka! Bekyuli bamɛni bási kalɔ biala kemmo ku kadi biala akɔ ku bekyuli lidu lidu ƒui akɔ ku adi lidu biala kemmo ka bénye lɛgaboku lɛmmɔ ku Koƒonu Ubi ɔmmɔ anumi, na bákya lɛwu lɛƒualadi na bada like.