Nehemia 7:65 - Katɔti Ɔku Kedee

⁶⁵ Na ɔkɛnku ɔmmɔ ɔsu, Israelƒuɔ ɔtɔnkune úbo-ma ɔda ka batadi adila ani nse kedee ntulo utédu ka bakɛ ɔkpane ɔni mɔɔbla kabla na ɔɔda ala ani baalɔ Urim ku Tumim ɔni kalɔ ndi ɔnii Bukeye ku Litemi Geen.

Nehemia 7:65 ပူးပေါင်းရင်းမြစ်များ

Esra 2:63

Na kalɔ lɛlɔ ɔnune úbo-ma ɔda ka ɔdi biala utadi adila ani nse kedee ntulo útédu ka bákɛ ɔkpane ɔni mɔɔbla kabla na ɔɔda ala ani baalɔ Urim ku Tumim.

Nehemia 10:1

Na bekyuli bani nákya bunyimi bɔmmɔ kɔnu kalɔ ndi bamɛni. Kalɔ lɛlɔ ɔnune Nehemia ku Hakalia ubidi Sedekia

Nehemia 7:64

Bakpane bamɛni ndi bekyuli bani báwia bana anyi na kɔduli kɔkunkɛ kemmo, nsu bétenu bana anyi. Ɔmmɔ ɔsu bátabu-ma aani bakpane. Mmomu bánu-ma aani bekyuli bani beesé lɛlɔ.

Nehemia 7:66

Bekyuli bani ƒui bénwini bébo bumomo bɔdi 42,360.

Nehemia 7:70

Na kɔduli benengu bammɔ badi béyi ala adi bébunku kabla kammɔ. Na aban ɔmmɔ úte bana egulabi ani ndi sika ugyiedi atabi 1,000 ku sika ɔƒualadi akyami 50 ku bakpane lɛwu 530.

Nehemia 8:9

Ka bekyuli bammɔ bénu ala ani na ɔda bubo bɔmmɔ bɔwia bɔsiku-ma kudɔ ni, ɔ́bla-ma kalɛ kadi na bése kalɔ beewulo. Ɔmmɔ ɔsu Israelƒuɔ ɔtɔnkune Nehemia ku Ɔkpane Esra ɔni ndi Ɔku Unwenine ku Lewiƒuɔ bani nkya muudie ɔda bubo etemila ani báka mmɔ kalɔ básu-ma banini, “Ɔmwi limeyi lɛmɛni lɛdi limeyi kedee lite Unwoti, bina Katɔti. Ɔmmɔ ɔsu bitewulo na bitadu kɔnyana.”

Israelƒuɔ Bɔlɛ 28:30

Na eti Urim ku tumim amana litemi siin bɔtɛ kayi lɛdiku lɛmmɔ lɛlɔ. Na utaama Aaron kayi lɛlɔ uwi ndi uwi ɔni na uuduo mina kakpakɔ kesii kani nse kedee mmɔ uti ɔtina Israelƒuɔ litemi bɔtɛ.

Lewiƒuɔ Ɔda Bubo 2:10

Na ɔkladi ɔni mebu ɔdi Aaron ku bebi bananabi ɔdi aani bana kadikɔ kani bédie bése sɛsɛɛ ɔ́siku akpala ani na béboku-mi kemmo.

Lewiƒuɔ Ɔda Bubo 2:3

Na ɔlaaƒɔ ɔkladi ɔni mebu ɔdi Aaron ku nwuna bebi bananabi ɔdi. Na ɔdi lɛla lɛni na bédie bése sɛsɛɛ na akpala ani na bábla béte-mi kemmo.

Lewiƒuɔ Ɔda Bubo 6:17

Utalɛ ka beƒi-nwu na bɔnyii bɔkya-nwu kemmo. Ami néti lɛla lɛmmɔ líte-ma aani bana kadikɔ ɔ́siku akpala ani na béti bákyula béte-mi kemmo. Na ese kedee aani likpidi bɔkyiɛ ku kɔtɔ bukpi akpala.

Lewiƒuɔ Ɔda Bubo 8:8

Ɔmmɔ kama úti kayi lɛbalala lɛdiku lɛdi lɛnɔ ɔ́bala-nwu kayi. Na úti Katɔti lɛyɔla bɔti atabi ani baalɔ Urim ku Tumim ɔ́kya kayi lɛdiku lɛmmɔ kemmo.

Bumomo Bɔka 27:21

Na uténye ɔkpane Eleasar anumi na uye Unwoti kasusu ute-nwu na ulu sɛsɛɛ lɛlɔ. Na si Yosua údie lɛdi asa na anwu ku Israelƒuɔ ƒui badubɔlɛ busie kesii kadi na si ɔ́sɔ údie lɛdi na basɔ benwini bebo.”

Lɛkpa Ulu 33:8

Na ɔ́su Lewi kaba ɔnini, “Na Masa ku Meriba Ketudɔ ni, Unwoti ɔ́kɔku-mii ɔ́nu. Nsu ɔ́nu ka bɛɛbla bina ala ulu lɛlɔ. Anwuɔsu akpala kabla kammɔ kadi bina ɔdi.