Nehemia 7:2 - Katɔti Ɔku Kedee

² Na líti mina ɔnwani ɔni baalɔ banii Hanani ku bana bekpone unengu Hanania ka bataanu Yerusalem lɛlɔ. Na Hanania ɔmmɔ ni, ɔdi ukyuli ɔni na ɔɔbla ala ulu lɛlɔ, na ɔɔyɔ́ Katɔti teetulo bekyuli bammɔ ketulodikɔ.

Nehemia 7:2 ပူးပေါင်းရင်းမြစ်များ

Ala Kalɔ Buse 42:18

Na limeyi lɛtɛdi lɛlɔ ni, Yoseƒ úbasu nwuna banwani bammɔ ɔnini, “Si bɛɛyɔ́ ka bɛkɛ ngba bɔdi ni, amu bɛbla lɛla lɛni na ndubo-mii bɔsu mɛni, ɔsika ami ɔlati ni, ndi ukyuli ɔni mɔɔbu Unwoti Katɔti geen.

Samuel 2 23:3

Israel Katɔti ɔni ndi lɛtakpɛ lɛni lɛlɔ na békpo kama násu-mi ɔnini, ‘Ukyuli ɔni mɔɔdi bekyuli lɛlɔ na ulu siin lɛlɔ, na ɔɔyia Katɔti na ulu ɔni lɛlɔ na ɔ́sia ɔɔdi bekyuli lɛlɔ ni,

Baga 1 18:12

Nsu lɛɛɛgyi kesii kani na Unwoti Kɔyu kɔdubuti-ɔ kusienku si lɛ́tɔlɔ-ɔ kudɔ mɛni. Na si lísie ńtásu Ahab na úbo na útanu-ɔ ni, ɔdubo-mi bɔdu. Nsu ami ƒula kabla ɔblane líse kalɔ mɔɔkpá Unwoti mina lɛkloƒu uwi.

Baga 1 18:3

na Ahab ɔ́tala ka bátalɔ Obadia ɔni mɔɔnu nwuna ɔga kaduli lɛlɔ teete-nwu beboku. Na Obadia ɔdi ukyuli ɔni mɔɔbu Katɔti geen.

Nehemia 1:2

Mina ɔnwani ɔni baalɔ Hanani ku bekyuli bamba badi bási Yuda bébo-mi kudɔ. Mmɔ na líye-ma Yerusalem ku Yudaƒuɔ bakladi bani béteƒie na kekpo kammɔ kemmo lɛlɔ.

Nehemia 10:23

ku Hosea ku Hanania ku Hasub

Nehemia 13:13

Na lɛ́ya na bekyuli bamɛni baanu kakpakɔ ala kesekɔ kammɔ lɛlɔ. Na lɛ́ƒɔ lɛ́di ka bekyuli bamɛni badubo bɔbla bana kabla ulu lɛlɔ na beteete kabla bablane bammɔ ala kalɛ na ɔ́manku. Na bekyuli bammɔ ndi Ɔkpane Selemia ku Ɔku Unwenine Sadok ku Pedaia ɔni nási Lewiƒuɔ kaba kemmo. Na Hanan ɔni ndi Sakur ubidi na ɔdi Matania uwɔ ni, anwu ndi bana ubunkune.

Nehemia 2:8

Na asɔ ete-mi kakunkɛ kabambadi lisienku Asaƒ ɔni mɔɔnu ɔga ɔmmɔ lɛku lɛlɔ teete-nwu, kalɛ na anwu lɛnɔ wete-mi kugyiikɛ kɔni ndubuti lɛnwi lɛpunu lɛkya kakpakɔ kɔyakun ku awodu kɔyakun ku kaduli kani kemmo ndubulie kayakun.” Na ɔga ɔmɛni úte-mi kɔkunkɛ kɔmɛni ƒui, ɔsika Unwoti ɔsiaku-mi ɔsu.

Nehemia 7:3

Na lɛ́su-ma nnii bataya-nwu balɛmi Yerusalem kɔyakun utédu ka ɔƒɛ kenye kayu ɔkplu asa. Na si uwi ɔni na kɔyakun bagyumanane bammɔ benye bana kabla lɛlɔ ni, na baya na bakalɛ kɔyakun kɔmmɔ ƒui na babala-ku. Na lɛnɔ ni, na bedie Yerusalemƒuɔ bammɔ badi na bataagyumana kɔyakun kɔmmɔ. Na baya na badi besie ɔgyu, na badi lɛnɔ bataagyumana bana kɔduli amadɔ mmɔ kani.

Hiob 1:1

Ɔnana ɔdi ɔ́kya Us kalɔ lɛlɔ na baalɔ-nwu Hiob. Útaayia Katɔti geen, anwuɔsu ɔ́da lɛlɔ siin ɔni na lɛla lɛdi lɛɛɛda-nwu na Katɔti anumi, ɔsika ɔɔdi nwuna etemila ƒui lɛlɔ kaduɛ.

Kɔgya 101:6

Ndubɔsia anu na bekyuli bani mɔɔdi Katɔti litemi lɛlɔ na kalɔ kamɛni lɛlɔ na ami ku-ma bulie. Na bekyuli bani mɔɔbla ala ulu geen lɛlɔ ni, ama ndubɔbla-mi kabla.

Israelƒuɔ Bɔlɛ 18:21

Na awɔ édie ɔma ɔmmɔ bekyuli bani na bebo ɔlɔkplu na beeti ɔbu teete Katɔti, na baabla ala ulu lɛlɔ, na badi bekyuli bani neeebo egulabi lɛnungyie, na eti-ma enyene nkyuli mpim mpim kenye ku eti anyɔ anyɔ kenye ku liti liti kenye ku leevu leevu kenye.

Daniel 6:4

Amu na bekyuli bakladi bammɔ ƒui báwia ulu ɔni lɛlɔ na bedie Daniel bɔƒiɔ na nwuna kabla bɔbla kemmo, nsu bátakana, ɔsika Daniel ɔɔsu litemi geen na ulalɛ ɔga ɔmmɔ kama taabla lɛla bamba lɛdi.

Bumomo Bɔka 12:7

Nsu mina kabla ɔblane Mose anwu ni, ɔɔɔdi lɛni na mɔɔbla-nwu. Ɔdi ukyuli ɔni mɔɔbla ala ulu lɛlɔ na mina kaduli.

Mateo 24:45

“Kabla Ɔblane ɔni náda anu na ɔɔbla ala ulu lɛlɔ ni, anwu na nwuna unwoti uuti teenye kabla bablane bakladi kenye. Na uunye-ma kenye teete-ma adila na uwi ɔbuni kemmo.

Mateo 25:21

“Nwuna unwoti ɔmmɔ ɔ́su-nwu ɔnii, ‘Kabla ɔblane ɔbuni, ábla lɛla biala ulu lɛlɔ geen! Ka ásia ala blii suɛ amɛni anu kaduɛ ɔsu ni, ndubuti-ɔ linyene ala enengudi kenye. Bo butaadi na butaani na butaakɛ ebiti!’

Korintoƒuɔ 1 4:2

Na lɛlakpa linwi lɛni kani na Unwoti ɔɔwia taasiku nwuna ala lɛlɔ ɔnune ɔmɛni udu kudɔ ndi ka ɔ́bla kabla kammɔ ulu lɛlɔ.

Timoteo 2 2:2

Na ala ani na énu ka lɛ́tina bekyuli pii anumi ni, anya kani na ɔlɛka eti akya bekyuli bani náƒɔ bádi enu kemmo na beti-nya batina bekyuli bamba lɛnɔ.