Nehemia 6:16 - Katɔti Ɔku Kedee

¹⁶ Ka bula bekisine ƒui bénu etemila amɛni ni, liƒu lɛ́da ama ku kadi bamba bekyuli bani ƒui nde-bu. Na ama bani nánu báti ka bula Katɔti kɔnu kɔkya kabla kani bɔ́bla mmɔ kemmo ni, enu áƒɛ-ma.

Nehemia 6:16 ပူးပေါင်းရင်းမြစ်များ

Nehemia 2:10

Uwi ɔni na Horonni Sanbalat ku Tobia ɔni ɔdi Amonni kabla ɔblane ɔdi bénu etemila amɛni ni, ékpoku-ma geen. Ɔsika bénu ka ukyuli ɔdi úbo ka ɔsɔku Israel ɔklibi.

Nehemia 4:1

Uwi ɔni na Sanbalat únu ka abu Yudaƒuɔ bɔ́sɔku awodu ammɔ bɔɔtu ni, úti kɔnyi geen na ɔ́ma-bu.

Nehemia 4:7

Nsu uwi ɔni na Sanbalat ku Tobia ku Arabiƒuɔ ku Amonƒuɔ ku Asdodƒuɔ bénu ka bátu Yerusalem awodu ammɔ bákɔliku katɔ kaduɛ na bakya beeyile eƒi ani nkya awodu ammɔ kemmo ntɛ ni, bákɛ kɔnyi geen.

Nehemia 6:17

Emeyi ammɔ kemmo lɛnɔ ni, bakutine pii bani nási Yuda kalɔ lɛlɔ béteenweni lɛku pii teemine Tobia. Na Tobia lɛnɔ úteenweni teemine-ma.

Kɔgya 109:27

Ya na mina bekisine banu bati geen ka awɔ ɔlati néti ƒula enu edie-mi.

Kɔgya 126:2

Na lɛma ku bumwi lɛnu sɔɔn néyi-bu akpu na buudie. Mmɔ na kadi bamba bekyuli básu banini, “Unwoti ɔ́bla ala bonwu úte-ma.”

Kɔgya 129:5

Bani ƒui na muukisi Sion ni, anumi éwi-ma kalɔ na bénwini-mi kama.

Kɔgya 147:2

Unwoti Katɔti ɔ́sɔku Yerusalem ɔ́tu, na ɔ́sala bani na béƒie bátɔlɔku ƒui ɔ́sɔku-ma úboku ɔma.

Israelƒuɔ Bɔlɛ 14:25

Na ɔ́ya na bana bapɔnkɔ kɛɛkɛ lɛmmɔ lɛgba lɛ́ƒɛ na lɛsɔ liládia bɔni. Amu na Egyipteƒuɔ básu lɛlɔ banii, “Unwoti ɔkya uukpóku-bu teete Israelƒuɔ, anwuɔsu bɛya na bɔda-ma bɔnyonu na bɔtɔlɔ-ma kudɔ.”

Yeremia 33:9

Na si uwi ɔni na ala amɛni álɛ lɛni ni, kalɔ lɛlɔ kadi bekyuli ƒui badububo ala abuni ani na lɛ́bla líte Yerusalem bɔnu ku kalɛ na lɛ́ya na ɔ́kɛ keyi buɛɛ geen. Na lɛlɔ lɛdubɔyɔ-ma na batɔ ku ebiti na bemwi-mi na bataabu-mi lɛnɔ. Nsu liƒu bonwu lɛdubo-ma bɔda na lɛlɔ litaatɔ-ma.

Bumomo Bɔka 23:23

Na like ubone udu biala ɔdi uuubo na beti-nwu na ɔsu ukpidi na Israelƒuɔ lɛlɔ. Ɔƒɛni lɛni na bekyuli badubɔsu na Israelƒuɔ lɛlɔ, ‘Bɛnu lɛla lɛni Katɔti ɔ́bla!’

Batalane Kabla 5:38

Anwuɔsu lɛla lɛni na ami mɔɔsu-mii ndi ka ni, bɛnyonu bekyuli bamɛni. Si ala ani baatina ku ala ani baabla adi ama ɔlati adi ni, uwi uletu asa na ala amɛni adubugyingya.

Yosua 2:11

Uwi ɔni na bɔ́nya búnu ala amɛni ƒui ni, ɔtɔtɔ úse kalɔ ɔɔgyú-bu. Na enu ése kalɔ aaƒɛ-bu ɔ́si amii ɔsu. Ɔsika Unwoti Katɔti ɔmɛni ndi katɔ ku kalɔ ɔti.

Yosua 2:9

“Ngyi ka Unwoti úuti kalɔ kamɛni úte-mii. Ɔsika ukyuli biala ɔni nkya kalɔ kamɛni kemmo ɔtɔtɔ ɔɔgyú-nwu geen ɔ́si amii ɔsu.

Yosua 5:1

Amu ka Amoriƒuɔ baga bani nlie bésie Yordan Ketu ɔƒɛ kanukɔ ku Kanaanƒuɔ baga bani nlie ɛpu amadɔ ƒui bénu kalɛ na Unwoti ɔ́ya na Yordan ɔ́kwii na Israelƒuɔ bésie bávi-nwu kemmo ni, liƒu lɛda-ma geen na enu áƒɛ-ma na Israelƒuɔ bamɛni ɔsu.