Nehemia 6:13 - Katɔti Ɔku Kedee

¹³ Lɛla lɛdi geen na báwia béte ukyuli ɔmɛni ka úbayila-mi kalɛ na lɛbla likpidi. Si bunu na línu litemi lɛmɛni ni, nka badubo-mi lɛnyi bubile na baláƒɔ-mi baladi.

Nehemia 6:13 ပူးပေါင်းရင်းမြစ်များ

Nehemia 6:12

Ka lílie líti litemi lɛmɛni kasusu ni, lɛ́nu lɛ́ti ka ɔɔɔdi Katɔti nétemi éte Semai, mmomu Sanbalat ku Tobia náwia egulabi adi éte-nwu.

Nehemia 6:6

na etemila ani ńkya-ka kemmo anya ndi amɛni, “Búnu bɔ́siku kadi bekyuli pii ku Gasmu kudɔ ka aasu ani sɔsɔ ɔdi ka awɔ ku Yudaƒuɔ bɛɛyɔ́ ka bɛda Israel batɔnkune bidie liboku lɛlɔ na ásɔku Yerusalem awodu aatu. Na kalɛ buunú baayɔ́ beti-ɔ babla bana ɔga.

Agba 22:1

Si élie ngba buni na bekyuli baalɔ-ɔ lɛnyi buni ni, ɔdia utulo lɛlakɛ linengudi. Ɔsika si bekyuli bényene-ɔ keliekɔ kenengudi na ƒula lɛnyi ɔsu ni, ɔdia utulo ka akɛ sika ɔƒualadi ku ugyiedi ƒui.

Agba 29:5

Ukyuli ɔni mɔɔnyi ɔkɔ teemwi ukyuli ni, kakpagyuɛ na ɔɔkywɛ-nwu ka ɔnu-ka kemmo.

Etemila 7:1

Lɛnyi buni bɔƒɔ bɔdia butulo nnɔmii ku ɔnyi ƒɛƒɛɛ. Na likpimeyi lɛdia litulo lɛwɔmeyi.

Yesaia 51:7

“Anwuɔsu amii bani ngyi lɛbuni lɛni na ɔdi ka bɛbla na bɛda mina ɔda bubo ku kayi ƒui ni, bise atu. Enu ataƒɛ-mii si bekyuli beedumi-mii na baatɛmi enyekpi na bina lɛlɔ.

Yesaia 57:11

“Bi ndi baƒiɔ bani kama na bɛsiaku, na ama na bɛɛyia teetulo ami ɔsu na bɛ́yiƒala-mi ku mina ala ani na lɛ́bla, na bɛsɔ binyimo adi na bina kayi kemmo? Munuu ɔni na líbile kenye mɔɔnu-mii kpoo ɔsu na mina lɛlɔ liƒu lɛsɔ liiibo-mii lɛlɔ kemmo?

Yeremia 1:17

“Yeremia, klibi lɛlɔ se! Sie na atásu bekyuli bammɔ lɛla lɛni na líti mɔɔkya-a kɔnu mɛni. Taya na bana lɛlɔ lɛbla-a liƒu si ɔɔɔdi lɛni ni, ndubɔya na liƒu ala adi abla-a na lɛya na ama benye bataanu-ɔ.

Yeremia 18:18

Bekyuli bammɔ badi básu banini, “Bɛya na bɔyila Yeremia udu! Na bakpane badubɔkya-bu kudɔ uwi ndi uwi na batina-bu Unwoti ɔda bubo. Na bɔdubɔkɛ banundane na balɛ-bu. Na bɔkɛ kenye bediene bani ndubɔsu-bu Unwoti kenye kani na ubo ute-bu. Anwuɔsu si ɔni na bɔsɔ buteenu Yeremia etemila bɔsu ɔsu ni, bɛya na bɔda-nwu kenye ka ɔ́bla likpidi bonwu lɛdi.”

Yeremia 20:10

Muunú ka bekyuli bammɔ baatɛmi kabɛnsɛ banini, “Ukyuli biala ɔɔyia na uwi ɔmɛni geen na ɔlɛka budie Yeremia bɔƒiɔ na bɔdu-nwu kɔtɔ!” Na bekyuli bani ƒui na mɔɔlɔ nnii mina bakpana ƒui benye kagyumana ka banu mina likpidi lɛdi na bakɛ kasiakɔ. Na baasu banini, “Ɔƒɛni kalɛ Yeremia ɔdubɔƒiɔ ɔbla lɛla lɛdi na ɔnu-bu kakpagyuɛ na bɔsia ɔmmɔ lɛlɔ bɔkɛ-nwu.”

Esekiel 2:6

Tayia-ma iye lɛla lɛni na badubo-ɔ bɔsu. Ɔdubo-ɔ bɔbla aani si lɛnyɛ livongu kemmo na báyula-a bákya iye batamlukpa akɔ na atɛ. Nsu se kayi ina ka batuɔkplune na badi.

Mateo 10:28

Bitayia bekyuli bani na ɔlɔna kani na badubɔkana bɔdu na balakana ukyuli kɔyu aku bɔdu. Mmomu bɛyia Katɔti ɔni ndubɔkana na ɔdu ukyuli kɔyu ku ɔlɔna na lɛgyavonku kemmo.

Mateo 22:15

Ƒarisiƒuɔ badi bátása na bábla kasusu banii betéwi Yesu kenye benu na bawia-nwu litemi.

Mateo 26:59

Bakpane benengu bamɛni ku litemi batɛne bani nlie mmɔ ƒui báyɔ ka bawiaku Yesu litemi lɛdi lɛni lɛlɔ na basia na bakɛ-nwu badu.

Batalane Kabla 6:13

Amu na bekyuli bani náda-nwu kenye mɛni básɔ bábada Steƒano kenye ka ni, “Uutemi teewi kakpakɔ kamɛni uwi biala ku Mose ɔda bubo lɛlɔ.

Korintoƒuɔ 2 11:12

Ndubusie anumi na naaaƒɔ bina kebunku. Ɔmɛni ɔdubɔya na bani mɔɔlɔ lɛlɔ banii batalane ni, balákɛ kuƒi na bakun lɛmɛnɛ na basu banii ama lɛnɔ baabla kabla aani bula kalɛ.

Timoteo 1 5:14

Anwuɔsu ni, mɔɔyɔ́ ka bekpinele bamɛni udu belie agya na bawɔ bebi na bataanu bana kɔduli ala lɛlɔ mmomu. Ɔmɛni ɔdubɔya na balabla ala ani nátamanku na wete bula bekisine kuƒi na bataasu ala taasiku-bu lɛlɔ.

Timoteo 2 1:7

Ɔsika Katɔti úteti kɔyu kɔni náya na liƒu litaada-bu útete-bu. Mmomu ni, úte-bu Kɔyu kɔni mɔɔyá na bɔɔkɛ́ ɔyikun, na bɔɔyɔ́ lɛlɔ, na bɔɔkana na bɔɔtí lɛlɔ bɔda lɛnɔ.

Tito 2:8

Ti kalɛ na atɛmiku bekyuli ku etemila ani mbo ɔbu kalɛ na beledie-ɔ bɔƒiɔ bɔdi, na ƒula bekisine lɛnɔ balasu lɛla lɛdi balásiku-bu lɛlɔ, mmomu na kɔƒa kukpo-ma.

Yakobo 4:17

Anwuɔsu ukyuli ɔni ngyi lɛla lɛbuni bɔbla nsu ulábla-ni ni, ɔdi likpidi ute-nwu.

Budie Taatina 21:8

Nsu bekyuli bani mbo liƒu ku bani nátaƒɔ bátadi ku bani muusé lɛlɔ ku bekyuli badune ku bayalɛ ku evo baƒɛne ku bani mɔɔkpá baƒiɔ ku ɔkɔ banyine ku bana udu ƒui ni, badubuduo lɛgyavonku lɛni mɔɔda ku ogya atabi mmɔ kemmo. Na ɔmmɔ madi kukpi kunyɔdi kɔmmɔ.”