Nehemia 6:12 - Katɔti Ɔku Kedee

¹² Ka lílie líti litemi lɛmɛni kasusu ni, lɛ́nu lɛ́ti ka ɔɔɔdi Katɔti nétemi éte Semai, mmomu Sanbalat ku Tobia náwia egulabi adi éte-nwu.

Nehemia 6:12 ပူးပေါင်းရင်းမြစ်များ

Nehemia 6:11

Amu na lídie kenye nnini, “Lɛɛɛdi ɔnana ɔni udu mɔɔyia, na ukeli utabɛ. Munuu aakali ka si líkeli ńtábɛ Katɔti kakpakɔ na ndubɔƒɔ mina ngba? Lɛɛɛdubo bukeli kudii.”

Nehemia 6:13

Lɛla lɛdi geen na báwia béte ukyuli ɔmɛni ka úbayila-mi kalɛ na lɛbla likpidi. Si bunu na línu litemi lɛmɛni ni, nka badubo-mi lɛnyi bubile na baláƒɔ-mi baladi.

Yesaia 56:11

Batɔnkune badɔlɔdi, bítavumanaku bakpewe bani na bɔdi kani na bagyi na lɛla lɛla lilemo-ma kudii. Baƒonu badane bekpidi bani muulie taabla bana bebuo ulikplu na bɛdi, na amii lɛti bɔdia kani na bilie bite.

Yeremia 14:14

Mmɔ na Unwoti údie kenye ɔnini, “Ama alati mɔɔsu taatina ka ami mina kenye na beedie, nsu ɔkɔ na baanyi! Ɔsika ńtasu-ma lɛla lɛdi muedi útédu ka mɔɔƒuna-ma nnii benwini mina kenye bediene. Kenye kani baasu kási ana ekpludi ani na beegyé ku like lɛni na beebó ku ama alati ala ani na baakali taanu kemmo.

Yeremia 23:16

Unwoti ɔ́su bekyuli bammɔ ɔnini, “Amii Yudaƒuɔ! Bitenu ɔkɔ kenye bediene bamɛni ɔkɔ etemila ani na baasu. Ɔsika ama alati bana kasusu kani na belie beeti etemila na adi na ɔɔɔdi ami Unwoti Ɔyikune Ƒui kudɔ na ási.

Yeremia 23:25

“Kenye bediene bani nálɛ-mii kama mɛni baasu taatina ka ami náya na bégye ana iye ami nédie lɛla lɛdi lɛ́tina-ma na kɔyu kemmo na benye-mi lɛnyi lɛlɔ baanyi ɔkɔ.

Yeremia 28:15

Na ńtatala awɔ Hanania uwi ɔdi nnii tédie-mi litemi lɛdi kenye. Nsu éesie átábla kenyemini na átɔlɔ mina bekyuli na báƒɔ-ɔ ɔkɔ kenye budie bádi na baata teenye-mi lɛlɔ. Anwuɔsu ndubɔda-a lidie kalɔ kammɔ lɛlɔ ƒui kula kula na ekpi asa na lɛkwa lɛmɛni lɛsa.”

Esekiel 13:19

Baayá na mina bekyuli beete-ma antabi ku bodobodo blii ɔdi kani na beedumi-mi na bana linyesia lɛni na bebo kemmo. Na baasia ɔkɔ etemila ammɔ lɛlɔ na baadú bekyuli bani na nka bátabla lɛla lɛdi na beebunku bekyuli bani na nka báƒiɔ na baatɔlɔ kɔtu tani tani. Na mina bekyuli baaƒɔ́-ma taadi.

Esekiel 13:22

“Baabla ala ani na ami lɛɛɛdubo bɔbla kudi kudii. Baatɔ́lɔ bekyuli babuni na baakya-ma ogya ka babla likpidi na baayá na kayi keelie bekyuli bekpidi kalɔ ka bataabla bana ekpidi na bayila bana ngba bumodi bɔmmɔ ƒui.

Esekiel 13:7

Baasu ka mina etemila lɛsa na baakɔ́, nsu ɔkɔ etemila sɔɔn na adi na ɔɔɔdi ami mɔɔsu-ma lɛla lɛdi!

Mika 3:11

Na amii batɔnkune bammɔ bɛɛƒɔ́ ala na bɔbɛ kemmo na bɛɛsia kasusu kekpidi kɔnu. Amii bakpane ku kenye bediene ƒui sika ɔsu kani na bɛɛtina ala na bɛɛsu Katɔti litemi lɛmmɔ. Na ɔmɛni ƒui kama bɛɛsu bɛnini, “Unwoti unye-bu kama na likpidi lɛdi lɛɛɛdubo-bu bɔlɛku.”

Batalane Kabla 20:33

Anumi étegyie-mi na ɔkpanadi sika ugyiedi iye ɔƒualadi iye lɛwu lɛlɔ.

Korintoƒuɔ 1 12:10

Ukyuli bamba ni, ɔɔkana na ɔɔbla akɔla budie taatina. Na ɔdi ni, kalɛ na ɔsu Katɔti litemi. Na ɔbambadi ni, ayu lidu bɔnu taati. Na ɔdi ni, adi lidu bɔtɛmi. Na ɔbambadi ni, adi lidu kalɔ budie.

Korintoƒuɔ 1 2:15

Ukyuli ɔni na Katɔti Kɔyu kɔ́ƒɔ-nwu lɛlɔ kemmo ni, ɔɔkana na ɔɔnu lɛla biala taati. Nsu anwu ni, bekyuli balakana-nwu bɔnu bɔti.

Timoteo 1 3:3

Útalɛka utaani ntɛ teekpi, na ulekpo udi. Mmomu ɔlɛka ɔbla ukyuli ɔni nse buɛɛ, na ulayɔ kadɔ, na uuubo sika lɛnungyie lɛnɔ.

Tito 1:7

Na ɔƒɔtaadine ɔtɔnkune ɔni mɔɔnu Katɔti kabla lɛlɔ ni, utalɛka litemi lɛdi lɛda-nwu iye utaakɔliku lɛlɔ katɔ iye uteeti kɔnyi buti buti. Na ɔɔɔdi ka utaani ntɛ teekpi, na ulekpo udi, iye anumi lɛnɔ elégyie-nwu na egulabi lɛlɔ.

Petro 1 5:2

Na mɔɔsu-mii nnii bɛda bina baƒɔtaadine bani na Katɔti úti úte-mii kaduɛ aani kalɛ na baƒonu ɔdane ɔɔnu nwuna baƒonu lɛlɔ. Bɛda-ma aani kalɛ na Katɔti ɔɔwia, na utabla aani si ukyuli ɔdi nnye-mii lɛlɔ. Na bitabla kabla kammɔ na lɛyuƒɔla ɔsu, mmomu ka bɛɛyɔ́ ka bibunku bekyuli ɔsu.

Petro 2 2:3

Ɔkɔ ala batinane bamɛni bɔdubɔkɛ egulabi kɔsia na bina lɛlɔ na ɔkɔ ala ani na badubɔnwi basu-mii ɔsu, ɔsika baayɔ́ ama lɛti lɛkɛ geen. Ukyuli ɔni ndubɔtɛku-ma litemi ɔ́ɔklibi lɛlɔ úse-ma kuuku. Na ukyuli ɔmɛni ɔni ndubo-ma bɔkyula ni, ɔɔnu-ma nwaa.

Yohane 1 4:1

Banwa bayɔne, bitaƒɔ kɔyu biala muulie ukyuli lɛlɔ bitadi. Mmomu bɛkɔku ɔdi biala bɛnu si kɔyu kɔmmɔ kɔ́si Katɔti kudɔ. Ɔsika ɔkɔ kenye bediene béegyingya bakya kayawi ekpo ƒui.

Budie Taatina 18:13

Na evete ani muudie nnɔmii ƒɛƒɛɛ ku kutu akyala lidu lidu ku klobo ku oloƒui ku ugyulo ƒɛƒɛɛ lɛnɔ kuye kúbo kalɔ. Ntɛ ku nnɔ ku ɔlaaƒɔ ku edula ebi lɛnɔ ébo kalɔ. Na balakɛ bekyuli bani na beye bana ɔmantɛ bakɔ ku baƒonu ku bapɔnkɔ ku kɛɛkɛ ɔni na bapɔnkɔ baaní ku bekyuli bani na béƒie betéye kalɛ na badubɔbla akpala lɛnɔ ƒui.