Nehemia 6:10 - Katɔti Ɔku Kedee

¹⁰ Amu na limeyi lɛdi lísie Semaia ɔni ndi Delaia ubidi na ɔdi Mehetabel uwɔ kaduli, na bákalɛ-nwu bákya nwuna ɔtɔ. Na ɔ́su-mi ɔnini, “Ya na busie Katɔti kakpakɔ bɔsala, na bɔkalɛ lɛlɔ bɔda nwuna ɔtɔ kemmo. Ɔsika báwia-a badu. Na usien ɔmɛni kani badubo na babadu-ɔ.”

Nehemia 6:10 ပူးပေါင်းရင်းမြစ်များ

Ala Kalɔ Buse 36:39

Na nwuna kama ni, Hadar nébelie-nwu kenye. Uwi ɔni na Baal-Hanan úkpi ni, Hadad nélie-nwu kenye aani ɔga. Na ɔma ɔni na úlie baalɔ Pau. Na ulekudi ndi Matred ubidi ulekubi Mehetabel na ɔdi Me-Sahab uwɔ.

Baga 1 6:5

Na ɔ́tu katutaasia kɔtɛ lɛtɔ bamba ɔ́mana kakpakɔ keliekɔ kenengudi ku katɔma kedee kammɔ awodu kama adi lɛlɔ ɔ́mana.

Baga 2 11:3

Na Yehoseba úti ɔnamu ɔmmɔ ɔ́bɛla ɔtɔ ɔmmɔ kemmo akwa aku na ɔɔnu-nwu lɛlɔ mmɔ uwi ɔni na Atalia ɔdi uleku ɔga.

Baga 2 9:8

Na Ahab kaduli bekyuli ƒui badubɔyii udu. Na lɛyila Ahab kaba kemmo bebi bananabi geen ku kabla bablane ƒui na Israel kalɔ lɛlɔ aani kalɛ na beekúlo lɛla teedie útédu ɔnanabi ukplodi lɛlɔ.

Ala Alɛdi 2 28:24

Ala ani ƒui na bánwi bése kakpakɔ kammɔ kemmo ni, Ahas útiku-nya ɔ́lɛku na útáƒɛ-nya ekuku ekuku na ɔ́kalɛ kakpakɔ kammɔ únyene. Ɔmmɔ kama na úsie útátu akpabi ɔ́lɛ lilu ƒui lɛlɔ na Yerusalem úte kadi bamba baƒiɔ.

Ala Alɛdi 2 29:3

Na nwuna lɛga bɔdi lɛkwa lideedi lɛmmɔ kɔbuli kudeedi kɔni baalɔ bani Abib iye Nisan kemmo ni, Hesekia ɔ́ya na bálɛmi Katɔti kakpakɔ kammɔ kɔyakun na bɔsɔku-ku báklibi.

Ala Alɛdi 2 29:7

Bákalɛ kakpakɔ kammɔ bényene na lɛsogya lɛmmɔ ƒui líni. Na basɔ balákyula oloƒui ɔdi iye babla akpala adi bete Katɔti lɛnɔ.

Esra 10:31

Na Harim kaba kemmo ni, Elieser ku Yisia ku Malkia ku Semaia ku Simeon

Esra 8:16

Amu na lɛ́tala na bátálɔ batɔnkune bani ndi Elieser ku Ariel ku Semaia ku Elnatan ku Yarib ku Elnatan ku Natan ku Sakaria ku Mesulam ku ala batinane inyɔ bani ndi Yoiarib ku Elnatan béboku-mi.

Nehemia 6:12

Ka lílie líti litemi lɛmɛni kasusu ni, lɛ́nu lɛ́ti ka ɔɔɔdi Katɔti nétemi éte Semai, mmomu Sanbalat ku Tobia náwia egulabi adi éte-nwu.

Kɔgya 12:2

Na ɔkɔ kani na ɔdi biala ɔɔnyi taatɔlɔ ɔnwani. Na ɔkɔ ku kɔtɛ keeke kɔmmɔ udu kani néyi-ma inye.

Kɔgya 37:12

Bekyuli bekpidi beeti kasusu kekpidi na bekyuli babuni lɛlɔ na baadu anyi kpakplaa na bana lɛlɔ.

Agba 11:9

Enyekpi aayila ukyuli ɔkpana udu. Na ala bɔnu bɔti na lɛnunda kemmo uudie bekyuli babuni.

Yeremia 36:5

Mmɔ na lɛ́lɔ-nwu nnini, “Baruk, benengu bammɔ béni banii nteduo Unwoti kakpakɔ mmɔ.

Esekiel 3:24

Nwuna Kɔyu kɔ́ƒɔ-mi lɛlɔ kemmo na kɔ́tala-mi kúnyene mina lɛgba lɛlɔ. Mmɔ na Unwoti ɔ́su-mi ɔnini, “Nwini sie na atákalɛ lɛlɔ akya ƒula ɔtɔ kemmo!

Malakai 1:10

Unwoti Ɔyikune Ƒui ɔnii, “Mɔɔyɔ́ geen si nka ukyuli ɔdi ɔkalɛ mina kakpakɔ kammɔ na bɛda uwi bubile bɛya bɛnii ogya na bɛɛsala na mina lɛkpabi lɛlɔ bite akpala adi bɔbla. Amii bakpane bammɔ lɛlɔ liláda-mi kubiti, anwuɔsu na líni nnii nsɔ lɛɛɛdubo bina akpala adi bɔƒɔ.

Mateo 7:15

“Bɛnu kaduɛ na ɔkɔ banyine bani nábla lɛlɔ aani Katɔti kenye bediene. Beebo-mii kudɔ aani baƒonu bani nse buɛɛ. Nsu na bana lɛlɔ kemmo geen ni, badi begiti.

Yohane 3:20

Ukyuli biala ɔni mɔɔbla likyulikpi ala ni, ukisi bukeye na ulakpɛ teede-mu. Ɔsika ɔɔyia ka nwuna ablala adubɔlɛ keyi na Katɔti ɔdubɔni-nwu kɔtu.

Batalane Kabla 21:30

Amu na bɔva bɔmmɔ ɔsu ni, bekyuli ƒui béƒu na báta ku lɛsɛ na békeli bátása kakpakɔ mmɔ. Badi báni Paulo bálɛku kakpakɔ na bákalɛ kɔyakun ƒui.