Nehemia 5:5 - Katɔti Ɔku Kedee

⁵ Nsu ina ka abu ku Yudaƒuɔ benwi bɔdi na bula bebi lɛnɔ bese aani bana badi ni, búuti bula bebi badi búye búte-ma kalɛ na buti bɔƒɔ kayu kammɔ. Báƒɔ bula begblebi badi, na ɔƒɛni bɔsɔ bulati lɛla lɛni bɔbla. Ɔsika békpeli bula mmo ku adingyii mmo báƒɔ bula enu kemmo.”

Nehemia 5:5 ပူးပေါင်းရင်းမြစ်များ

Ala Kalɔ Buse 29:14

Amu Laban ɔ́su-nwu ɔnini, “Ami ɔlati ubugya ku ɔtɔ kemmo ubi geen na adi.” Uwi ɔni na Yakob ɔ́ɔkya Laban kudɔ aani kɔbuli kunwi ni,

Ala Kalɔ Buse 37:27

Bɛya na buti-nwu buye bute Ismael kadi bekyuli bamɛni na abu buleti bula enu bulabla-nwu lɛla lɛdi. Kavumana kadi keeebo abu ku-nwu ntɛ, bula ɔnwani kani na ɔdi.” Amu na nwuna banwani bammɔ lɛnɔ bénu kalɔ.

Baga 2 4:1

Ukpinele ɔdi na nka ɔgyani ɔ́kya kenye bediene lɛkpa kemmo úsie Elisa kudɔ na ɔ́su-nwu ɔnini, “Ati, mina ɔgyani úkpi. Na aani kalɛ na agyi ni, ɔdi ukyuli ɔni mɔɔyia Katɔti geen. Na mina ɔgyani ukyuli ɔni na ɔda kayu ɔdubo ubeti mina bebi bananabi inyɔ ɔtɔlɔku na bátátaabla-nwu kabla.”

Agba 22:7

Kalɛ na balakɛne baadi bawabane lɛlɔ ni, lɛni na bekyuli bani muuvó ala bekyuli kudɔ beenwíni kabla bablane teete-ma.

Yesaia 50:1

Ɔmmɔ kama ni, Unwoti úye nwuna kadi bekyuli ɔnini, “Bi mɔɔtina ka lɛ́nyonu-mii aani kalɛ na ɔnana ɔɔnyonu ulekudi? Munuu bɛɛkali ka buti na líti-mii líye aani kalɛ beeti bebi teeye banii beténwini ukyuli ɔdi kabla bablane na kayu kadi kenye? Oowo, mmomu bina likyulikpi ku alaekpidi ɔsu na béƒie-mii bátɔlɔku bésienku kaƒɔ.

Yesaia 58:7

Na bile bina adila bite ukyuli biala na kɔka kɔɔda. Na bɛya na bawabane ku bani neeebo kuduokɔ bakɛ kuduokɔ bina kudɔ na bakɛ kɔtɛnkɔ. Na bani mɔɔyaki adala lɛnɔ na bite-ma adala na babɛ kɔyɔ. Na bilénwini kama bilakya bina lɛlɔ bekyuli.

Mateo 18:25

Na ka ɔnana ɔmmɔ uuubo lɛla lɛni na ɔkana kayu kammɔ bɔƒɔ ɔsu ni, ɔga ɔmmɔ údie lɛdi ɔnii beti anwu ku ulekudi ku nwuna bebi ku ala ani ƒui na ubo beye na baƒɔ kayu kammɔ.