Nehemia 5:19 - Katɔti Ɔku Kedee

¹⁹ Amu na lɛ́kpali katɔ lɛ́su nnini, “O Unwoti Katɔti, nyimo-mi ku kɔnyana bɔnu na ala ani ƒui lɛ́bla líte bekyuli bamɛni ɔsu.”

Nehemia 5:19 ပူးပေါင်းရင်းမြစ်များ

Ala Kalɔ Buse 40:14

Nsu si ala asɔ ábatɛ éte-ɔ kalɛ mɔɔsu mɛni ni, na enyimo na abla ami lɛnɔ lɛƒɔndia lɛdi. Mɔɔyɔ́ ka alɔ-mi lɛnyi buni ete Ƒarao na bada-mi bedie ɔtɔ ɔni na bákya-mi mɛni kemmo.

Baga 2 20:3

“Unwoti nyimo ka lɛ́bla ala siin na ulu lɛlɔ na ƒula anumi. Na líti mina kayi lɛnɔ lɛ́sia awɔ lɛti lɛlɔ. Na lɛ́kya ɔkplu ka lɛ́bla lɛla lɛni na aayɔ́.” Ɔmmɔ kama úsie kalɔ uuwulo momoomo.

Nehemia 13:14

Amu na ami Nehemia muuvele Katɔti nnii, “Mina Katɔti, nyimo-mi na kabla kabuni kani lɛ́bla na ƒula kaduli, na taya na kabla keeke.”

Nehemia 13:22

Mmɔ na líbo Lewiƒuɔ bammɔ ɔda ka ɔdi biala utábla lɛlɔ sɛɛn na beteesie batágyumana kɔyakun kɔmmɔ kalɛ beeti ɔbu beete lɛnwunameyi. Amu na lívele Katɔti nnii, “Mɛni lɛnɔ ni, nyimo-mi na anu-mi kɔnyana ɔ́si ƒula bɔyɔ bonwu bɔni ebo ɔsu.”

Nehemia 13:31

Na lɛ́ya béyi kugyiikɛ kɔni beeti taakyula akpala na béti béboku nwuna uwi lɛlɔ. Na básɔ béyi bana edula ebi edeedi ani na báƒɛ ku adingyii ebi edeedi ani béde na béti béboku bábabla akpala na uwi lɛlɔ. Amu na lívele Katɔti ka unyimo-mi na nwuna kɔnyana bɔnu kemmo.

Kɔgya 106:4

Unwoti, tayiƒala-mi uwi ɔni na adubɔbla lɛbuni ete bekyuli bani na áƒuna. Nyimo-mi uwi ɔni na adubɔƒɔ-ma.

Kɔgya 40:17

Na ami amu ni, ɔwabane na ndi na mɔɔyáki ala pii. Anwuɔsu ya na ƒula anu asia-mi lɛlɔ. Awɔ muubunku-mi na aaƒɔ́-mi. O Katɔti, tetu uwi.

Yeremia 29:11

Lɛ́lɛ ugyii ka ndubute-mii kusɛ kusɛ bitaasia ala abuni anu na bina ngba bɔni na bɛdubulie uwi ɔni mebo kemmo ƒui na ala adianku-mii, na lɛbibo lɛdi lɛsɔ lilebo-mii lɛlɔ.

Mateo 10:42

Binu ɔmɛni kaduɛ ka ukyuli biala meti ntu ɔɔƒɛɛ mete mina basiakune bamɛni akɔ ubliidi ƒui ka ɔsiaku-mi ɔsu ni, nwuna lɛyuƒɔla lilabɔ-nwu.”

Marko 9:41

“Na muute-mii bɔti ka ukyuli biala ɔni ndubute-mii ntu ɔnii bɛni ka mina badi na bɛdi ɔsu ni, Katɔti ɔdubɔƒɔ-nwu kayu.