Nehemia 5:13 - Katɔti Ɔku Kedee

¹³ Amu na lídie kɔdi kɔni nda-mi kavobi na lɛ́kuna-ku na lɛ́su nnini, “Lɛni na Katɔti ɔdubo bɔkuna bina akɔ ɔdi biala ɔni naaadi nwuna linyese lɛlɔ.” Na lɛ́sɔ lɛ́su nnini, “Katɔti ɔdubɔƒɔ bina kɔduli ku bina lɛla biala lise-mii ku lɛla lɛni nébu-mii.” Na ukyuli biala ɔni nése mmɔ ɔ́su ɔnii, “Ɔsia lɛni!” Na bana ƒui bémwi Unwoti. Na bekyuli bammɔ bábla aani kalɛ na básu.

Nehemia 5:13 ပူးပေါင်းရင်းမြစ်များ

Baga 2 23:3

Na ɔ́ta na úténye bagadine kenyekɔ na únyimiku Unwoti ka ɔdubunu-nwu litemi. Na úti nwuna kɔyu ku kayi ƒui utaadi etemila ammɔ lɛlɔ, na unye utaabla ala ani ƒui ɔda bubo bɔmmɔ bɔɔtina. Na bekyuli bammɔ ƒui bése kenye ka badubɔdi ɔda bubo bɔmmɔ lɛlɔ.

Ala Alɛdi 1 16:36

Bimwi Unwoti ɔni ndi Israelƒuɔ Katɔti lɛnyi ɔsi ɔƒɛni úsela uwi ƒui. Mmɔ na ukyuli biala ɔ́su ɔnini, “Ɔsia lɛni,” ku “Bimwi Unwoti.”

Nehemia 8:6

Amu na Esra ɔ́su ɔnini, “Bɛya na bumwi Unwoti Katɔti ɔni nébomo!” Amu na bekyuli bammɔ ƒui bátalaku bana enu katɔ na básu banini, “Ɔsia lɛni! Ɔsia lɛni!” Na bálɛ akɔnkɔ na béti anumi bébi kalɔ.

Kɔgya 119:106

Líse kenye na lɛ́su ka ndubɔdi ƒula ɔda bubo bɔni nse siin lɛlɔ ƒui.

Kɔgya 50:14

Ami ndi bina Unwoti Katɔti Ɔyikune Ƒui anwuɔsu biti enugya binwini aani akpala bite-mi. Na ala ani na bíse kenye ka bɛdubɔbla ni, bɛbla bɛsiaku-nya lɛlɔ lɛni bite-mi.

Kɔgya 76:11

Bise Katɔti kenye, na bɛbla bɛsiaku lɛni kani. Na amii kadi bekyuli bani na amadɔ ƒui biti bina etela biboku Katɔti ɔni kani na ɔlɛka bayia ku ɔbu.

Agba 28:4

Bekyuli bani muuní ɔda bubo ni, ama muumwi bekyuli bekpidi. Nsu bekyuli bani mɔɔdi ɔda bubo lɛlɔ balátunaku-ma.

Etemila 5:5

Ɔdia si étese Katɔti kenye kadi utulo ka ese-nwu kenye na aladi-ka lɛlɔ.

Bumomo Bɔka 5:22

Ɔ́ya na ntu bɔmɛni buduo-ɔ kaƒɔ kemmo na ƒula kaƒɔna kaƒɔ ɔlɛ na liƒi lɛsia-a na ukulo-ɔ kɔwɔ.” “ ‘Mmɔ na uleku ɔmmɔ ɔdubɔsu ɔnii, “Ɔsia lɛni.”

Mateo 10:14

Na si ama iye ɔma ɔmmɔ bekyuli bátaƒɔ-mii iye béni bina litemi ni, bɛtɔlɔ na biveli bina lɛgba kalɔ ɔtumu biwi-ma.

Batalane Kabla 13:51

Nsu uwi ɔni na baalɛ́ ɔma ɔmɛni kemmo ni, béveli bana lɛgba kalɔ ɔtumu béwi ɔma ɔmmɔ béti bátina ka ɔma ɔmmɔ bekyuli béni-ma. Ɔmɛni kama ni, bátɔlɔ bésie Ikonion.

Batalane Kabla 18:6

Amu uwi ɔni na Yudaƒuɔ bamɛni báta bénye-nwu lɛlɔ na beetemi enyekpi taasiku Yesu lɛlɔ ni, Paulo úveli enu úwi-ma, na ɔ́su-ma ɔnini, “Si bɛ́yii ni, mina kɔnu, mina ɔgba uuubo-nwu kemmo. Ɔ́si ɔƒaani ni, lísela bekyuli bani naaadi Yudaƒuɔ kudɔ ntásu-ma litemi buni lɛmɛni.”

Korintoƒuɔ 1 14:16

Na si enye aagyá Katɔti enu na ƒula kɔyu kemmo kani ni, dɛ na wabla asa na ukyuli ɔni nkya-a kudɔ unu lɛla lɛni na aasu asa na wasu ɔnii ƒula katɔ bɔkpali bɔsia lɛni aani kalɛ na aagyá Katɔti enu ka ulenu lɛla lɛni geen na aasu mmɔ kalɔ?

Samuel 1 15:28

Amu na Samuel ɔ́su-nwu ɔnini, “Unwoti ɔ́bwɛ Israelƒuɔ lɛga kadikɔ ɔ́lɛku-ɔ lɛkɔkɔ. Na úti-ka úte ƒula badi bammɔ akɔ ɔdi. Na ɔdi ukyuli ɔni na ɔdia utulo-ɔ ƒui.