Nehemia 5:11 - Katɔti Ɔku Kedee

¹¹ “Anwuɔsu egulabi o-o iye edula ebi o-o iye nnɔmii o-o iye adingyii ntɛ bɔwɔdi ni, bɛsɔku kuvonsia kɔni na bíkulo bídie bite-ma. Na bɛsɔku ɔdi biala nwuna kalɔ iye adingyii mmo iye nnɔmii mmo iye kɔduli bite balati. Ɔmɛni ndi kenye kani mɔɔsu-mii ka bɛbla!”

Nehemia 5:11 ပူးပေါင်းရင်းမြစ်များ

Samuel 2 12:6

Na ɔlɛka ɔƒɔ koƒonu kɔni na úƒie mmɔ kayu akpa ene. Ɔsika ɔ́bla ulikplu na útanu kɔnyana.”

Nehemia 5:10

“Anwuɔsu ami ku mina banwani bani búti egulabi ku edula ebi búvo búte-ma mmɔ ƒui ni, nsu ɔlɛka bɔda kevonsia bute bɔya.

Nehemia 5:12

Amu benengu bammɔ básu banini, “Bɔdubɔsɔku bana ala ƒui bute-ma. Bɔsɔ baláƒɔ lɛla biala bulásiku ɔdi biala kudɔ. Na lɛla biala ásu-bu ni, bɔdubɔdi-ni lɛlɔ.” Amu na ami Nehemia lɛ́lɔ mina bakpane ƒui ku mina bakutine ƒui, na lɛ́ya na bákpali Katɔti bése kenye kalɛ na badi bana linyese lɛlɔ.

Yesaia 58:6

“Kudii, mmomu lɛla lɛni mɔɔyɔ́ Unwoti kaƒɔ ndi kalɛ na bɛya na bekyuli bani na baanya taakya bakɛ bɔnwuna na belie bete lɛlɔ. Na kalɛ na bekyuli baládi litemi lɛlɔ siin teete bekyuli na únwini aani kɔgba na kɔda bekyuli ɔkwɛ ni, bidie-ku bana ɔkwɛ na bikulo kɔbuli kɔmmɔ ƒui bana lɛlɔ.

Luka 3:8

Bɛtina na bina ɔbladu kemmo ka bínwini kama bɛ́kya bina alaekpidi. Na bitakali ka Abraham kaba kemmo bebi bɛdi ɔsu ni, Katɔti ɔɔɔdubo-mii kɔtu bɔni. Mɔɔsu-mii nnii Katɔti ɔkana udie kaba ɔsiku atakpɛ amɛni kemmo ute Abraham.

Lɛkpa Ulu 6:11

Na ala abuni éyi lɛtɔ lɛmmɔ kemmo ɔni na ɔɔɔdi amii náwia ala ammɔ bɛ́kya-ni kemmo ku abiɔ ani na ɔɔɔdi amii néku ku mmo bɔni na ɔɔɔdi amii nátuma-mu ku nnɔ egyii ani na ɔɔɔdi amii nálɛ-nya. Na si bɛ́di na bímo ni,

Samuel 1 12:3

Na bɛɛnu kalɛ na nnye-mii anumi ɔmwi. Na ɔni na bunye Unwoti ku bina ɔga ɔƒunadi anumi mɛni ni, ɔdi ɔdubɔkana na udie ɔtina likpidi lɛni na lɛ́bla-nwu? Bina akɔ ɔmani ɔmantɛ akɔ iye ebuo ala utine na líƒie lɛ́ƒɔ? Munuu ɔdi ɔkya-mii akɔ ɔni na lɛ́nya-nwu lɛ́kya na ulu ɔdi lɛlɔ? Iye ni, líti etila adi lɛ́sia ɔdi lɛlɔ? Iye lɛ́bɛ lɛ́ƒɔ lɛla lɛdi lɛ́siku ɔdi kudɔ lɛ́di, na lɛ́du ɔbambadi kalala kɔtɔ na líte anwu ubo? Na si ɔdi ɔ́kana na údie kenye ka ala amɛni ɔdi use lɛni ni, bɛsu bɛlɛku na lɛƒɔ kayu kammɔ na lɛla lɛmmɔ lili.”