Nehemia 3:25 - Katɔti Ɔku Kedee

²⁵ Na Usai ubidi Palal nábla kabla na ɔga kaduli na kesii kani katutaasia gyɔlɔɔ ɔtɔ ɔlɛ. Na ɔni nsɔ nsia ni, Paros ubidi Pedaia lɛnɔ ɔ́tu.

Nehemia 3:25 ပူးပေါင်းရင်းမြစ်များ

Esra 2:3

Paros bebi 2,172,

Nehemia 12:39

Na ka bɔ́si mmɔ ni, bútásia Eƒraim Kayakun ku Kayakun Kakukudi ku Kɔbɛ Kayakun ku Hananel Katutaasia ku Eti Anyɔ Katutaasia na bútédu Baƒonu Kayakun na búdi búnye na kakpakɔ mmɔ na bɔ́wɔlɔ.

Nehemia 7:8

Paros kaba kadi 2,172,

Nehemia 8:4

Na Esra ɔ́kɔ únye kugyiikɛ kɔni na bekyuli bammɔ bátu béte kasala kammɔ lɛlɔ. Na Matitia ku Sema ku Anaia ku Uria ku Hilkia ku Maaseia bénye-nwu kɔdianu. Na Pedaia ku Misae ku Malkia ku Hasum ku Hasbadana ku Sakaria ku Mesulam bénye-nwu kɔmii kakɛ.

Yeremia 22:14

Édie lɛƒansili bonwu bonwu na ákya kɔyakun kɔlɛmikɔ kɔmmɔ akya ku ligyii kpakplaa. Na ákwaa-ni ku ɔyikwaa kɔba kugyiedi. Nsu átabla ala siin étete batune ku kabla kammɔ bablane na aƒɔ-ma bana kayu.

Yeremia 32:2

Uwi ɔmmɔ ni, Babilonƒuɔ bekpone báka bámana Yerusalem. Na ami lɛnɔ ntɛ aban ɔtɔ na ɔga kesii kaduli bagyumane enu kemmo na Yerusalem mmɔ.

Yeremia 33:1

Bagyumanane bammɔ bámu bábala-mi bákya ɔga kaduli mmɔ aani ɔtɔntɛne kalɛ asa na Unwoti ɔ́su-mi ɔnini, “Ami ndi Unwoti, na ami nédie kayawi kemodi kammɔ ƒui.

Yeremia 37:21

Ɔmmɔ ɔsu Ɔga Sedekia ɔ́ya na béti-mi bátákya ɔtɔ na ɔga kesii kaduli bagyumanane bammɔ enu kemmo, na ɔ́su bekpone bammɔ ɔnii bataasíku bodobodo na bodobodo keƒikɔ mmɔ teeboku-mi limeyi ndi limeyi wetédu ka adila ása ɔma bonwu ɔmmɔ kemmo.

Yeremia 38:13

bekpone bammɔ báni-mi bálɛku libiɔ lɛmɛni kemmo. Na ka ɔ́si uwi ɔmmɔ lɛlɔ ni, báda-mi bákya ɔga kesii kaduli kemmo mmɔ na bagyumanane bammɔ akɔ.

Yeremia 39:8

Na uwi ɔmmɔ kemmo ƒui ni, na Babilonƒuɔ bekpone báakyula kɔduli kɔni nkya Yerusalem ƒui úbunku ɔga kesii lɛtɔ lɛmmɔ ƒui. Na báƒɛ ɔma unengudi awodu ammɔ ƒui béwi kalɔ.

Mika 4:8

Sion Kɔbi na Yerusalem, awɔ ndi mina bekyuli lɛlɔ ɔnune na adubɔsɔ adi lɛga na mina bekyuli lɛlɔ.