Nehemia 2:14 - Katɔti Ɔku Kedee

¹⁴ Na kayakun kani késie ɔƒɛ kanukɔ kakɛ ni, nkɛ kayakun kani ntu bɔkya-ka ku ɔga ntu ligyu lɛni na ɔɔkpí ulu lɛlɔ. Na ka ɔpɔnkɔ ɔni lɛlɔ na nli ulakɛ ulu ƒelee ulavi ɔsu ni,

Nehemia 2:14 ပူးပေါင်းရင်းမြစ်များ

Baga 2 18:17

Ɔmmɔ kama ni, Asiriaƒuɔ ɔga úti bekpone batɔnkune lidu ɛtɛ ɔ́siku nwuna bekpone akɔ na bátɔnku bekpone pii badi básiku Lakis na bésie Ɔga Hesekia kudɔ na Yerusalem. Na ka bétéduo Yerusalem ni, béduo ɔkwalɛ ulu ɔni na ntu bɔɔsí teetéwi ligyu lɛni nnye katɔ kakɛ kemmo.

Baga 2 20:20

Na lɛla biala na Ɔga Hesekia ɔ́bla ku nwuna kayi buse ablala ku kalɛ na ɔ́bla asa na ɔ́tu ntu kewikɔ na úku libu na ntu buubo teebewi ɔma kemmo ni, bénweni-nya bákya Yudaƒuɔ baga lɛlɔ kɔtɛ ɔku kemmo.

Ala Alɛdi 2 32:30

Na údie ubu ɔni kemmo na beeti ntu taasiaku ɔ́si Gihon libiɔ útéduoku Yerusalem ɔma unengudi ɔmmɔ kemmo. Na sɔsɔ ni, ala ani ƒui na Hesekia ɔ́bla ni, álɛ kɔsia na átɛ geen.

Nehemia 12:37

Na ka bédu Ntu Kalɛkɔ Kayakun ni, bátásia ulu ɔni ntɛ úsie Dawid Ɔma na bákɛ Dawid kaduli katɔ kakɛ, na bésie bétédu Ntu Kayakun na Yerusalem ɔƒɛ katukɔ kakɛ.

Nehemia 3:15

Na kayakun kani kese kesii kani na ntu bɔɔlɛ taasiku ni, Kol-Hose ubidi Sulum ɔni mɔɔnu Mispa kalɛkɛ lɛlɔ násɔku-ka ɔ́tu. Na ɔ́kya ɔpunu ku kɔbwɛlɛmii ku lɛla biala pɛpɛɛpɛ. Na ɔ́sɔku lɛwoduku lɛni ntɛ ese Siloa Ligyu lɛni nde ɔga kevomadɔ kemo útédu Dawid ɔma kayakun ɔ́tu.

Nehemia 3:16

Na ɔni nsɔ nsia ni, Asbuk ubidi Nehemia ɔni mɔɔnu Bet-Sur kalɛkɛ lɛlɔ náklibi lɛwoduku lɛni nkya ɔ́si Dawid bekyuli kɔƒiɔtɔ útédu ligyu lɛni bekyuli béti enu béku ku kɔduli kɔni baalɔ-ku Lɛlɔ Bɔdi Kɔduli.

Etemila 2:6

Lɛ́tu ntu kewikɔ bonwu na ńtaaƒɔ ɔnantu ntu teewi edula mmo ku egyii bamba mmo bɔmmɔ na bɔ́lɛ lili kaduɛ.