Nehemia 2:13 - Katɔti Ɔku Kedee

¹³ Amu na lɛ́vi lɛ́lɛ Yerusalem na nkɛ kɔwɛ kayakun kani nkya ɔƒɛ kanukɔ kakɛ, na ńtásia kada kesii kani na ntu bɔdi bɔɔlɛ́ na nkɛ ńtáda lɛ́lɛ kayakun kani beewiakun alakpi. Uwi ɔni ƒui nkɛ mmɔ ni, na mɔɔtɛ anu taanu awodu ani náƒɛ éwi kalɔ ku kɔyakun lɛpunu lɛni bákyula.

Nehemia 2:13 ပူးပေါင်းရင်းမြစ်များ

Ala Alɛdi 2 26:9

Usia ɔ́tu ɔma kɔgyumanakɔ kpakplaa únyene Yerusalem na Okodo ɔban kenye ku Kɔwɛ ɔban kenye ku kesii kani na bátu kowodu kɔmmɔ béduoku aani kekpokpo.

Nehemia 1:3

Amu na bédie kenye ka bani nébu na bátakana-ma buƒie mmɔ bakya lɛbibo ku kɔƒa bonwu kɔdi kemmo geen. Ɔsika Yerusalem awodu ani na áka ámana ɔma ɔmmɔ ƒui áƒɛ éwi kalɔ. Na bákyula ana kɔyakun lɛnɔ.

Nehemia 12:31

Amu na ami Nehemia lɛ́ya na Yudaƒuɔ batɔnkune bákɔ bésie awodu ammɔ eli. Na lídie lɛnu bediene esu bonwu akpa anyɔ bani ndubo buteesie taamana Yerusalem awodu ammɔ na beteeti linugya teete Katɔti. Na lisu lideedi bésie kɔdianu kakɛ na béti anumi bátina Ruben Kayakun.

Nehemia 2:12

líti-ku bekyuli blii badi, na búsie bɔ́vi ɔma ɔmmɔ kemmo usien ɔdi. Nsu ńtasu ukyuli ɔdi lɛla lɛni na Unwoti úti ɔ́sia-mi kayi ka mbla na Yerusalem. Na ebuo ɔdi biala muedi uuude-mi amu ntu ɔpɔnkɔ ɔni lɛlɔ kani nli.

Nehemia 2:15

bɔ́yu bɔ́sia kɔwɛ kɔdi kemmo, na nkɛ mɔɔnu awodu ammɔ. Na lɛ́sɔ línwini lɛ́sia ulu ɔni lɛlɔ nkɛ na ńtéduo ɔma ɔmmɔ kemmo na kɔwɛ kayakun kɔmmɔ lɛlɔ kani.

Nehemia 2:17

Nsu ɔƒɛni mɔɔsu-ma nnii, “Bɛɛnu lɛbibo lɛni kemmo na bɔkya? Yerusalem únwini atɔnku ɔma, na nwuna kɔyakun lɛpunu ƒui lɛnɔ bákyula-ni. Anwuɔsu bibo na bɔsɔ butásɔku Yerusalem awodu ammɔ bɔtu. Na bɔlɛ kɔƒa kemmo.”

Nehemia 2:3

Nsu líse kayi na lɛ́su ɔga ɔmmɔ nnini, “Ƒula lɛgadi lise liteesie uwi ƒui! Bi ɔsu na utalɛka mina anumi adu kɔnyana? Ɔsika bula ɔma unengudi ɔni kemmo na báva mina bati kuuku awodu ani bátu bámana ƒui áƒɛ éwi kalɔ. Na bátu ogya bákya ana kɔyakun ƒui.”

Yeremia 5:10

“Ndubo bana bekisine bɔsu nnini, ‘Bisie mina adingyii kemo kammɔ kemmo na bikulo kɔgba kɔmmɔ ƒui biwi kalɔ mmomu bitadu kugyii kɔmmɔ ɔlati, ɔsika kɔgba kɔmmɔ ndi bekyuli bani naaadi mina badi.