Nehemia 13:31 - Katɔti Ɔku Kedee

³¹ Na lɛ́ya béyi kugyiikɛ kɔni beeti taakyula akpala na béti béboku nwuna uwi lɛlɔ. Na básɔ béyi bana edula ebi edeedi ani na báƒɛ ku adingyii ebi edeedi ani béde na béti béboku bábabla akpala na uwi lɛlɔ. Amu na lívele Katɔti ka unyimo-mi na nwuna kɔnyana bɔnu kemmo.

Nehemia 13:31 ပူးပေါင်းရင်းမြစ်များ

Nehemia 10:34

Na abu ku bakpane ku Lewiƒuɔ bɔdubutaatu egulabi teenwini lɛkwa biala teeti taawia kaba kani ɔlɛka bawia ekyweni ani badubuti bɔbla bɔkyula akpala teeti teete bula Unwoti Katɔti aani kalɛ na ɔda bubo bɔmmɔ bɔɔsu.

Nehemia 10:35

Na lɛkwa biala ni, bɔdubuteeti bula edula ebi edeedi ku bula adingyii ebi edeedi teesienku kakpakɔ mmɔ.

Nehemia 10:38

Na bakpane bani nási Aaron kaba kemmo ku Lewiƒuɔ ɔlɛka basiaku lɛlɔ asa na bataaƒɔ bekyuli bammɔ lɛkpa leevudi. Na kakpakɔ kammɔ ala ni, Lewiƒuɔ badubuti ala buyi bɔmmɔ ana lɛkpa leevudi beteesienku Katɔti kakpakɔ kavumi kemmo.

Nehemia 13:14

Amu na ami Nehemia muuvele Katɔti nnii, “Mina Katɔti, nyimo-mi na kabla kabuni kani lɛ́bla na ƒula kaduli, na taya na kabla keeke.”

Nehemia 13:22

Mmɔ na líbo Lewiƒuɔ bammɔ ɔda ka ɔdi biala utábla lɛlɔ sɛɛn na beteesie batágyumana kɔyakun kɔmmɔ kalɛ beeti ɔbu beete lɛnwunameyi. Amu na lívele Katɔti nnii, “Mɛni lɛnɔ ni, nyimo-mi na anu-mi kɔnyana ɔ́si ƒula bɔyɔ bonwu bɔni ebo ɔsu.”

Nehemia 5:19

Amu na lɛ́kpali katɔ lɛ́su nnini, “O Unwoti Katɔti, nyimo-mi ku kɔnyana bɔnu na ala ani ƒui lɛ́bla líte bekyuli bamɛni ɔsu.”

Kɔgya 106:4

Unwoti, tayiƒala-mi uwi ɔni na adubɔbla lɛbuni ete bekyuli bani na áƒuna. Nyimo-mi uwi ɔni na adubɔƒɔ-ma.

Kɔgya 25:7

Na takali tánu mina lɛkloƒu uwi ekpidi ani na lɛ́bla. Mmomu kali nu ƒula lɛƒɔndia ku bɔyɔ bɔni na átina-mi.

Luka 23:42

Amu na ɔ́su Yesu ɔnini, “Yesu, nyimo-mi si éduo ƒula lɛga kadikɔ.”