Nehemia 13:25 - Katɔti Ɔku Kedee

²⁵ Mmɔ na lɛ́dɔnku-ma na líwida-ma, na líbo bananabi bammɔ badi na lɛ́ni-ma linwini. Na lɛ́ya na bése kenye na Unwoti lɛnyi kemmo banii, “Bɔsɔ buleti bula bebi belekubi bulete kadi bamba banana na beti-ma. Na bula bananabi lɛnɔ ni, beleti kadi bamba belekubi. Na abu lɛnɔ buleti ɔdi lɛnɔ.

Nehemia 13:25 ပူးပေါင်းရင်းမြစ်များ

Baga 2 2:24

Amu na Elisa únwini na ɔ́nu-ma ɔnusɛ, na úwida-ma na Unwoti lɛnyi kemmo. Mmɔ na begiti inyɔ bási lɛku kemmo na bábaduli banamu aavlene-inyɔ na béle-ma kɔkɛ kɔkɛ.

Esra 10:5

Ɔmmɔ ɔsu Esra ɔ́ta na ɔ́ya na bakpane ku Lewiƒuɔ benengu ku Israelƒuɔ bakladi bése kenye ka badubɔbla lɛla lɛni na Sekania ɔ́su mmɔ.

Esra 7:26

Na ukyuli ɔni na uládi ƒula Katɔti ɔda bubo bɔmmɔ lɛlɔ iye ɔga ɔda bubo lɛlɔ ni, ɔlɛka badu-nwu iye babɔku-nwu balɛku kalɔ kammɔ lɛlɔ iye beti kɔnu basia nwuna akɛla ƒui lɛlɔ iye bakya-nwu ɔtɔ kɔnakunwi.

Nehemia 13:11

Anwuɔsu lɛ́lɔ benengu bammɔ na lɛ́dɔnku-ma na líye-ma nnini, “Bi ɔsu ba béni Unwoti Kaduli bése lɛni?” Amu na lɛ́lɔ Lewiƒuɔ ku lɛnu batune bani nénwini bésie bana akpaklɔ na lɛ́su-ma nnii ɔdi biala ɔsɔ unwini usie uténye nwuna kabla kenye na kakpakɔ mmɔ.

Nehemia 13:17

Amu na lɛ́dɔnku Yudaƒuɔ benengu bammɔ. Na lɛ́su-ma nnii, “Bi likyulikpi ala benye baabla mɛni? Na bɛɛyá na lɛnwunameyi lɛmɛni lɛɛlɛ́ ɔbu?

Nehemia 13:24

Na bebi bani na báwɔ kakɛ beenú Asdod lɛdi ku lɛma lɛkladi adi. Nsu belenu Yudaƒuɔ lɛdi.

Nehemia 5:13

Amu na lídie kɔdi kɔni nda-mi kavobi na lɛ́kuna-ku na lɛ́su nnini, “Lɛni na Katɔti ɔdubo bɔkuna bina akɔ ɔdi biala ɔni naaadi nwuna linyese lɛlɔ.” Na lɛ́sɔ lɛ́su nnini, “Katɔti ɔdubɔƒɔ bina kɔduli ku bina lɛla biala lise-mii ku lɛla lɛni nébu-mii.” Na ukyuli biala ɔni nése mmɔ ɔ́su ɔnii, “Ɔsia lɛni!” Na bana ƒui bémwi Unwoti. Na bekyuli bammɔ bábla aani kalɛ na básu.

Nehemia 5:6

Uwi ɔni ami Nehemia línu bana kɔvanu ku bana etemila ani báasu ni, líti kɔnyi geen.

Kɔgya 119:53

Livo geen liiƒí-mi si mɔɔnu kalɛ na belikplune baládi ƒula ɔda bubo lɛlɔ.

Kɔgya 15:4

Bekyuli bani na Katɔti ɔɔnu ka badi alaekpidi bablane ni, ɔɔɔdaku-ma lɛda. Mmomu bani mɔɔyia Unwoti na baadi nwuna litemi lɛlɔ ni, ɔɔbu-ma. Ukyuli ɔmmɔ udu ɔɔdi lɛla biala na ɔ́su úse lɛlɔ ina dɛ na lɛla lɛmmɔ liikpóku-nwu.

Israelƒuɔ Bɔlɛ 34:16

Mmɔ na bina bebi badubusie betéti bana beleku na ɔmɛni ɔdubɔkpanku-ma na balɛ-mi kama na besie batákpa bana baƒiɔ.

Agba 28:4

Bekyuli bani muuní ɔda bubo ni, ama muumwi bekyuli bekpidi. Nsu bekyuli bani mɔɔdi ɔda bubo lɛlɔ balátunaku-ma.

Yesaia 50:6

Mɔɔda mina kama teese na beebó kugyiimi na baagyɔ-mi keduo linwini. Na ina ka bédumi-mi na bétuo lisuo béwi-mi anumi muedi ni, ńtedeyi ńtesie kɔmadɔ kesii bamba kadi.

Lɛkpa Ulu 6:13

Bɛyia bina Unwoti Katɔti ɔmmɔ na bɛkpa anwu lɛti. Na si biisé kenye kadi ni, bise-ka na anwu lɛti lɛnyi kemmo.

Lɛkpa Ulu 7:3

Na bitaya na amii ku kadi bamba bammɔ bekyuli biti lɛlɔ. Biteti bina bebi beleku bitete-ma iye biti bana belekubi bite bina bananabi.

Yosua 23:12

“Nsu si bɛ́lɛ bina Unwoti kama na bíti lɛlɔ bɛ́sala ku kadi bamba bekyuli bani nébu mmɔ akɔ na biiti lɛlɔ ni,