Nehemia 13:18 - Katɔti Ɔku Kedee

¹⁸ Lɛni kani na bina bati kuuku bábla ɔsu na Katɔti ɔ́ni-ma kɔtu. Na ɔ́ya na Yerusalem ɔma unengudi ɔmɛni ɔ́yii udu. Na bɛsɔ binye kpakplaa ka Katɔti kɔnyi kɔsɔ kɔyu kubo abu Israelƒuɔ lɛlɔ ɔkɛnku ɔbu ɔni na biléte lɛnwunameyi ɔsu.”

Nehemia 13:18 ပူးပေါင်းရင်းမြစ်များ

Nehemia 10:32

Lɛkwa biala ni, ukyuli biala ɔdubuyi sika ɔƒualadi atabi na buti bubunku kakpakɔ lɛlɔ bɔnu.

Israelƒuɔ Bɔlɛ 31:12

Amu na Unwoti úbo Mose ɔda ɔnini,

Yeremia 17:27

Nsu si bɛɛgyú ala teeti taasia kɔyakun kɔmɛni taalɛ na Lɛnwunameyi lɛlɔ na bɛɛla ala nina lɛlɔ aani limeyi keeke bamba biala ni, ndubo ogya bɔtu bɔkya kɔyakun kɔmmɔ na lɛkyula ɔma unengudi ɔmmɔ ƒui ku kɔgyumanakɔ kɔmmɔ ƒui.”

Yeremia 44:22

Na uwi ɔni na útulo-nwu na ɔ́nɔ bɔnu ni, úwida bina kalɔ na káta kénwini ketele kalɔ kakwiidi kalɛ udu na kese ɔmwi na bɛɛnu mɛni.

Yeremia 44:23

Ɔgbankpi ɔmɛni úbo-mii lɛlɔ, ɔsika bɛ́kpa baƒiɔ bamba na bɛ́ta bínye Unwoti lɛlɔ na bíni bɛnii bilenu-nwu litemi na bɛsiaku nwuna ɔda bubo ku ala ani na ɔɔtina lɛlɔ ɔsu.”

Yeremia 44:9

Uwi ɔni kemmo na bilie Yerusalem ku Yuda ni, bɛ́siaku bina bati kuuku ɔbladu kama na bɛɛbla likpidi aani bina baga ku beleku baga kalɛ.

Esekiel 23:26

Ƒula adala ku sika ugyiedi asɛɛ ƒui badubo-nya bɔni budie-ɔ lɛlɔ.

Esekiel 23:8

Ɔ́si ɔni kani na úse lɛla lɛmɛni kalɔ na Egyipte ni, anwu kani na ɔmu unye-nwu lɛlɔ mɛni na útada útaya tɔ kudii. Banana bátɛnku-nwu kalɛ kalɛ, nsu ɔmmɔ ƒui útedu-nwu ɔkwɛ na ɔmu unye ɔɔnu ulu teete bamamba uwi ndi uwi.

Lewiƒuɔ Ɔda Bubo 26:18

“ ‘Na si ɔmɛni ƒui kama bíni na biládi mina ɔda bubo lɛlɔ ni, bina kɔtu bɔni bɔdubo katɔ bɔkɔ akpa maatɛ bubu.

Lewiƒuɔ Ɔda Bubo 26:28

ndubuti kɔnyi geen lɛkya-mii na lɛya na bina kɔtu bɔni bɔkɔ katɔ bubu akpa maatɛ.

Amos 8:5

Biiye bɛnii, ‘Bi ɔsu na emeyi alasa bɔdi na buse kalɔ buteeye bula antabi, na lɛnwunameyi lɛnɔ lilavi pla na ɔdia na butaadi bula kakpa kuye? Ɔƒɛni na bɔɔwia ka butaadi kuye kɔmmɔ na bɔsia ala kuye kalɛ na ala ammɔ aƒɔ-bu kuye. Na bɔƒana akɔkula ammɔ lɛnɔ kalɛ na bɔnya-ma bɔkya na bɔkɛ kɔsia kaduɛ.

Bumomo Bɔka 32:14

“Aanu amii bekyuli bekpidi bamɛni lɛnɔ ka bɛsiaku bina bati ɔbladu ɔmmɔ kani kama na bɛɛyá na Unwoti kɔnyi kɔsɔ kɔkɔ-nwu katɔ kubu na Israelƒuɔ lɛlɔ.