Nehemia 13:15 - Katɔti Ɔku Kedee

¹⁵ Uwi ɔmmɔ kemmo ni, lɛ́nu bekyuli ka baabla ntɛ na lɛnwunameyi lɛlɔ na Yuda. Na badi lɛnɔ bákya beeti bana edula ku ntɛ ku adingyii ebi ku ala bamba na bényimi básia bana bebuo ala betine kama. Na líbo-ma ɔda kpakplaa ka ɔdi úteti nwuna lɛla lɛdi utéye lɛnwunameyi lɛmmɔ lɛlɔ.

Nehemia 13:15 ပူးပေါင်းရင်းမြစ်များ

Ala Alɛdi 2 24:19

Nsu ɔmmɔ ƒui kama ni, Unwoti ɔmu uumene-ma nwuna kenye bediene kalɛ na batálɛ-ma na benwini bebo-nwu kudɔ, nsu béni na bátaƒɔ-ma litemi.

Nehemia 10:31

Na si bula ala beyene beti bana ala iye edula ebi bebeye bete-bu lɛnwuna limeyi iye limeyi kedee lɛdi lɛlɔ ni, buléye bulásiku-ma kudɔ. Na lɛkwa maatɛdi biala lɛlɔ ni, bulatuma kalɔ kammɔ lɛlɔ kalɛ na kakɛ bɔnwuna. Na kayu biala na báda-bu na uwi ɔmmɔ kemmo ni, bɔdubuti bɔkyiɛ.

Nehemia 10:32

Lɛkwa biala ni, ukyuli biala ɔdubuyi sika ɔƒualadi atabi na buti bubunku kakpakɔ lɛlɔ bɔnu.

Nehemia 13:16

Na banana badi bási Tiro ɔma unengudi na belie Yerusalem na béti kɔkpaku ku ala eyedi lidu lidu pii béboku Yerusalem ka beti bebeye bete bula bekyuli na lɛnwunameyi lɛlɔ.

Nehemia 13:21

Nsu líye-ma kpakplaa nnii, “Bi ɔsi na bíbo bíbatɛ awodu amɛni kudɔ usien ɔmɛni? Si lɛ́sɔ lɛ́nu-mii lɛni ndubuƒie-mii!” Na ɔ́si limeyi lɛmmɔ kama ni, kuye badine bammɔ básɔ bétebo mmɔ kudii na lɛnwunameyi lɛlɔ.

Nehemia 9:29

“Na ébo-ma ɔda ka benwini bebo na babataadi ƒula ɔda bubo lɛlɔ. Nsu bátakpete-ɔ, na béni ƒula ɔda bubo na bábla likpidi básiaku ƒula ɔda bubo bɔni na si nka ukyuli ɔ́di-nwu lɛlɔ ni, ɔdubulie ngba. Nsu na bana kɔdɔlɔ kemmo ni, kama mmomu bénwini bákya-a, na báyu atuɔkplu na béni ka bénu-ɔ litemi.

Hiob 39:12

Na adubɔsia-nwu anu ka uti kamu ubewi-ɔ kakpa na ebo, na ɔni-ka ku kɛɛkɛ utése-ɔ unwu kudɔ?

Kɔgya 50:7

Mina kadi bekyuli Israelƒuɔ, binu. Ami ndi Katɔti bina Unwoti na ndubo-mii litemi bɔtɛku na lidie bina ala ani bɛ́bla bɛ́ƒiɔ ƒui lɛtina.

Israelƒuɔ Bɔlɛ 31:12

Amu na Unwoti úbo Mose ɔda ɔnini,

Israelƒuɔ Bɔlɛ 31:16

Na Israelƒuɔ ɔlɛka basia limeyi lɛmɛni anu na bataadi-ni aani bunyimi bɔni nse nte uwi ƒui.

Israelƒuɔ Bɔlɛ 34:21

“Emeyi aku na ebo kuƒi ka abla kabla biala. Nsu ɔtuma uwi na ɔdi o-o, edula ɔƒɛwi o-o ni, tabla kabla kadi na limeyi maatɛdi lɛlɔ.

Israelƒuɔ Bɔlɛ 35:2

Ɔnii bibo emeyi aku ka biti bɛbla bina kabla. Nsu limeyi maatɛdi lɛlɔ ni, bɛbla-ni kedee bite Unwoti na ɔdi utabla kabla kadi. Na si ukyuli ɔdi ɔ́bla kabla kadi lɛnwunameyi lɛlɔ ni, ɔlɛka badu-nwu.

Agba 28:4

Bekyuli bani muuní ɔda bubo ni, ama muumwi bekyuli bekpidi. Nsu bekyuli bani mɔɔdi ɔda bubo lɛlɔ balátunaku-ma.

Yesaia 58:13

“Nsu ɔlɛka bɛka mina Lɛnwunameyi bɔbu aani lɛlɔyɔ lɛkpa limeyi na bɛda enyekpi bɔtɛmi kalɛ kalɛ bɛya ku ala basa basa bɔbla bɛya na limeyi linengudi lɛmɛni lɛlɔ.

Yeremia 17:27

Nsu si bɛɛgyú ala teeti taasia kɔyakun kɔmɛni taalɛ na Lɛnwunameyi lɛlɔ na bɛɛla ala nina lɛlɔ aani limeyi keeke bamba biala ni, ndubo ogya bɔtu bɔkya kɔyakun kɔmmɔ na lɛkyula ɔma unengudi ɔmmɔ ƒui ku kɔgyumanakɔ kɔmmɔ ƒui.”

Yeremia 42:19

Lɛ́su bekyuli bammɔ nnini, “Amii bíkeli ɔgbankpi ɔni nálɛku Yuda, nsu ɔƒɛni amu ni, Unwoti uubó-mii ɔda ɔnii bitanya Egyipte ɔgba.

Esekiel 20:13

Nsu Israelƒuɔ báta bénye-mi lɛlɔ na ketele kalɔ kakwiidi kemmo mmɔ. Na béni banii baaadubo-mi litemi bunu na badi mina ɔda bubo ku ala ani mɔɔtina-ma mmɔ lɛlɔ. Na baabla Lɛnwunameyi lɛmmɔ kalɛ kalɛ aani limeyi keeke bamba biala kalɛ. “Mmɔ na lɛ́lɛ ugyii ka nka mɔɔyila Israelƒuɔ bammɔ ƒui udu na kalɔ kakwiidi kemmo mmɔ kɔnakunwi kani na ɔsa.

Amos 8:5

Biiye bɛnii, ‘Bi ɔsu na emeyi alasa bɔdi na buse kalɔ buteeye bula antabi, na lɛnwunameyi lɛnɔ lilavi pla na ɔdia na butaadi bula kakpa kuye? Ɔƒɛni na bɔɔwia ka butaadi kuye kɔmmɔ na bɔsia ala kuye kalɛ na ala ammɔ aƒɔ-bu kuye. Na bɔƒana akɔkula ammɔ lɛnɔ kalɛ na bɔnya-ma bɔkya na bɔkɛ kɔsia kaduɛ.

Mika 6:3

“Mina kadi bekyuli, bɛsu na linu si lɛ́ƒiɔ-mii na ulu ɔdi lɛlɔ?

Batalane Kabla 2:40

Amu na Petro ɔ́tɛmiku-ma laa na ɔ́lɛ-ma ɔ́su ɔnini, “Bɛda lɛlɔ bidie kɔtu bɔni bɔmɛni kemmo, bɔni mebo bekyuli bekpidi bamɛni ɔnwa lɛlɔ.”

Batalane Kabla 20:21

Na kesi kesii na lísie ni, lɛ́su Yudaƒuɔ ku Helaƒuɔ ƒui kpakplaa ka bada ekpidi bɔbla baya na benwini besie Katɔti kudɔ, na baƒɔ Blɔti Yesu Kristo badi.

Galatiƒuɔ 5:3

Na nsɔ mɔɔsu-mii nwaa ka si ukyuli ɔdi ɔ́ya na békulo-nwu lego ni, na únyimi lɛlɔ ka ɔdi ɔda bubo bɔkukudi bɔmmɔ ku ala ani na adanku-nwu lɛlɔ ƒui.

Eƒesoƒuɔ 4:17

Anwuɔsu mɔɔlɛ-mii na Blɔti lɛnyi kemmo nnii bɛsɔ bitelie ngba aani bekyuli bani naaagyi Katɔti na beeti kasusu kekpludi,

Lɛkpa Ulu 8:19

Nsu mɔɔsu-mii nwaa ɔmwi ka si bínwini kama bɛ́kya bina Unwoti Katɔti na bísie bɛɛkpá ala bamba ni, Unwoti Katɔti ɔdubɔyila bina ƒui udu.

Tesalonikaƒuɔ 1 4:6

Ɔkɛnku ɔmɛni lɛlɔ ni, ɔdi biala lɛnumi litegyie na ɔnwani ulekudi lɛlɔ kalɛ na waƒiɔ-nwu. Bɔ́su-mii na bɔ́lɛ-mii na ɔmɛni lɛlɔ búse kpakplaa ka ni, Blɔti ɔdubɔni bani mɔɔbla ala amɛni kɔtu geen.