Nehemia 12:44 - Katɔti Ɔku Kedee

⁴⁴ Uwi ɔmmɔ kemmo ni, bédie bekyuli ka bátaanu kakpakɔ kammɔ etela kesekɔ lɛlɔ. Na etela ammɔ adi ndi etela lɛkpa leevudi ku edula ebi edeedi ku adingyii ebi edeedi. Na bekyuli bani na bédie mɛni mɔɔví taaƒɔ ala ammɔ na mmo bɔni nde lɛma libendi, na ama muudie bakpane ku Lewiƒuɔ ɔdi téteete-ma aani kalɛ na ɔda bubo bɔmmɔ bɔɔtina. Na bakpane ku Lewiƒuɔ bani nkya Yuda kalɛkɛ ƒui lɛlɔ lɛɛda bekyuli bammɔ ebiti.

Nehemia 12:44 ပူးပေါင်းရင်းမြစ်များ

Ala Alɛdi 1 23:28

badubo Unwoti kabla bɔbla na beteebunku Aaron kaba kemmo bebi. Na bada kakpakɔ kaduli ku kakpakɔ kammɔ kemmo ƒui sɛɛn na banu ka ala ani na beeti taabla akpala lɛlɔ kabla mmɔ ƒui ese sɛɛn.

Ala Alɛdi 1 26:20

Amu na báƒuna bana lɛlɔ bekyuli bani ndi Lewiƒuɔ bamba ka bataanu kakpakɔ kammɔ egulabi kesekɔ lɛlɔ ku etela ani bédie bése sɛsɛɛ béte Katɔti mmɔ lɛlɔ.

Ala Alɛdi 1 9:26

Na bagyumanane benengu bammɔ badi ine. Na ama mɔɔbla kabla kammɔ taawɔlɔ. Na ama mɔɔnu kakpakɔ lɛtɔ lɛmmɔ kemmo iye si ukyuli ɔdi ɔɔwia lɛla lɛdi.

Nehemia 10:36

Na bula bebi bananabi bani na bula akɔ ɔdi biala ɔdubɔwɔ ni, bɔdubuti-nwu busienku ɔkpane ɔni nkya mmɔ na uti-nwu ɔkya Katɔti enu kemmo. Na lɛnɔ ni, bula ɔmantɛ bakɔ ku baƒonu ku bese ku bebuo bakladi bebi bedeedi bani badubɔwɔ ni, bɔdubuti-ma bɔkya Unwoti enu kemmo.

Agba 8:34

“Lɛlɔ lɛdubɔyɔ bekyuli bani muunú-mi litemi na baanu-mi ulu limeyi ndi limeyi na benye bagya-mi na mina kayakun kenye.

Yesaia 40:31

Nsu bani néti bana anu básia Unwoti lɛlɔ ni, bana ɔyikun ɔdubɔsɔ ɔbla ɔwɔdi. Na bana ɔyikun ɔdubuse aani kalɛ na kɔdigbo aasɛ uuveyi taavi kayaa. Na badubo usi bukeli na balanɔ bukeli. Na badubusie lɛgba na lɛgba lilakpulu-ma.

Bumomo Bɔka 3:10

Na aƒuna Aaron ku nwuna bebi na bataabla bakpane kabla. Na ukyuli bamba biala ɔni makpɛ mede kevo kammɔ ni, ɔlɛka badu-nwu.”

Romaƒuɔ 12:7

Si ukyuli ɔdi litela lɛdi bekyuli kabla bɔbla ni, ɔdi ka utaabla kabla lɛni kani. Si ɔdi ala bɔtina ni, ɔdi ka ɔtina ala ammɔ lɛni kani.

Lɛkpa Ulu 18:8

Na ɔlɛka bete-nwu adila aani kalɛ na beete bakpane bani nlie mmɔ adila ina ka nwuna kaduli bekyuli béte-nwu egulabi adi.