Nehemia 12:43 - Katɔti Ɔku Kedee

⁴³ Na limeyi lɛmmɔ ni, bábla akpala enengudi béte Katɔti. Na lɛlɔ lɛɛyɔ́-ma, ɔsika Katɔti ebiti áƒɔ-ma lɛlɔ kemmo geen! Na beleku ku bebi lɛnɔ béduo lɛlɔyɔ lɛmmɔ kemmo. Na kudu kɔni na bédie mmɔ ni, kúsie kútédu ɔgyu kakaaka.

Nehemia 12:43 ပူးပေါင်းရင်းမြစ်များ

Ala Alɛdi 2 20:13

Amu na uwi ɔni na Yudaƒuɔ banana ku beleku ku banamu bammɔ ƒui benye kakpakɔ anumi mmɔ ni,

Ala Alɛdi 2 20:27

Yehosaƒat ɔ́sɔ ɔ́tɔnku bekyuli bammɔ na bénwini bésie Yerusalem. Na bakɛ baagyá lɛbentaa na baavwi kɔkpɛɛ. Na lɛlɔ lɛ́yɔ-ma geen, ɔsika Unwoti ɔ́ya na bádi bana bekisine lɛlɔ. Na ka bébeduo ɔma kemmo ni, bávi bésie kakpakɔ kɔnakunwi.

Ala Alɛdi 2 7:10

Ɔmmɔ kama kɔbuli maatɛdi limeyi aavlanyɔ-lɛtɛdi lɛlɔ ni, Salomo údie ɔdi biala ulu na ɔ́sɔ únwini úsie nwuna ɔma. Na lɛlɔ lɛ́yɔ-ma geen uwi na bakɛ ulu bésela na ala abuni ani na Unwoti ɔ́bla úte Dawid ku Salomo ku nwuna kadi bekyuli Israelƒuɔ ƒui ɔsu.

Esra 3:13

Na ukyuli biala ɔdi ɔsɔ ulenu buwulo ku lɛlɔyɔ kudu kavumana kadi taati. Ɔsika kudu kɔmmɔ kɔ́kɔ katɔ geen na beenú-ku na ɔgyu kakaaka ƒui.

Nehemia 12:27

Uwi ɔni na badubo Yerusalem awodu ani bátu mmɔ buti bɔkya Katɔti enu kemmo ni, bávi bálɔ Lewiƒuɔ bani nli ekpo ekpo ƒui ka bebo Yerusalem. Báwia-ma ka babadiku-ma limeyi lɛmmɔ ku ebiti, na batu linungya lɛnu na beti agyala beteedie lɛnu.

Nehemia 12:42

Na bakpane bakladi ndi Maaseia ku Semala ku Eleasar ku Usi ku Yehohanan ku Malkia ku Elam ku Eser. Na lɛnu bediene bani na Yisrahia ntɔnku-ma bákpɛ-ma kama na beedie lɛnu momoomo.

Hiob 34:29

Na ina bunye na únye ɔ́nu na útakpete-ma muedi ni, kadi bekyuli bamani, munuu ɔma ndubɔkana na udie Katɔti bɔƒiɔ bɔdi? Na si bɔbɛla na ɔ́bɛla nwuna anumi ni, ɔma ndubɔnu-nwu? Anwu kani mɔɔdi bekyuli ku kadi ƒui lɛlɔ.

Kɔgya 27:6

Na ka ɔ́ya na lɛ́di mina bekisine bani náka báma-mi lɛlɔ ɔsu ni, ndubuti mina akpala liboku-nwu na libo kudu ku lɛlɔyɔ na lidie lɛnu limwi-nwu.

Kɔgya 28:7

Unwoti mɔɔgyumana-mi na uute-mi ɔyikun. Nwuna lɛlɔ na mina kayi kasia na úbunku-mi sɔsɔ. Ɔmmɔ ɔsu na kayi kaayɔ́-mi geen. Na ndubɔtu enugya ɔnu lite-nwu.

Kɔgya 9:2

Ndubɔtu lɛlɔyɔ kɔgya na awɔ ɔsu. O Katɔti ɔni ntulo ƒui, ndubɔtu kɔgya limwi-ɔ lɛnyi.

Kɔgya 92:4

O Unwoti, áya na lɛlɔ lɛɛyɔ́-mi na ƒula ablala ebendi ɔsu. Na anya ɔsu na muudie ebiti lɛnu.

Yesaia 61:3

Na lɛƒɔ lite bani nkya Yerusalem, na lɛya na bana anumi eteekeye ku lɛlɔyɔ ku lɛma na bana kɔnyana buwulo kenye. Na beteedie bumwi lɛnu, na kɔnyana lɛnu kenye. Na babla aani egyii ani na Unwoti ɔlati ɔ́lɛ, na aalɛ́ lili siin, na batina kalɛ na Unwoti uukeye.

Yeremia 31:13

Na bakloƒu ku begblebi ku benengu ƒui lɛlɔ lɛdubɔyɔ-ma na batɔ ku ebiti. Ɔsika ndubɔsia-ma kɔnu na lɛya na bana kɔnyana buwulo bunwini ebiti.

Yeremia 33:11

lɛlɔyɔ kɔvanu ku ebiti kasala lidu lidu. Na adubunu ka beeti beleku taawɛɛ-ma ku ebiti katɔ. Na si bekyuli bébo-mi kudɔ na mina kakpakɔ banii beeti etela babakpa bete-mi ni, adubunu ka baasu banini, “ ‘Buumwi-ɔ, Unwoti Ɔyikune Ƒui! Bɛgya Unwoti enu, ɔsika ɔdia na ɔɔyɔ́-bu uwi ndi uwi.’ Na kalɔ kammɔ kadubɔsɔ kadia edula.

Bumomo Bɔka 10:10

Na bina lɛlɔyɔ emeyi ku emeyi ani na bɛ́lɛ ugyii bíse aani kɔbuli kɔwɔdi bɔlɛ ku abamba ni, bɛvwi kɔkpɛɛ kɔmmɔ na bɔkyula akpala ku unwi bɔbla akpala ammɔ lili na adubunwini bina lɛlɔ enyimo ete Unwoti na bina lili. Ami ndi bina Unwoti Katɔti.”

Mateo 21:15

Na ka bakpane benengu ku ɔda bubo ala batinane bánu akɔla ani na Yesu ɔdaku bɔbla ku banamu bani mɔɔva taasu banii, “Bimwi Ɔga Dawid Uwɔ” mmɔ ni, béti kɔnyi geen.

Mateo 21:9

Amu na bekyuli bani ntɔ ku bani nkpɛ ƒui bése kalɔ baava taasu banii, “Yiidu! Ɔga Dawid Uwɔ ɔmmɔ ɔ́si ɔdubo o-o! Bimwi anwu ɔni ndubo na Blɔti lɛnyi kemmo! Hosiana!”

Yohane 16:22

Lɛni geen na use ute amii lɛnɔ. Ɔƒaani ni, bina lɛlɔ libo kɔnyana. Nsu ndubɔsɔ mbanu-mii. Na mmɔ ni, lɛlɔyɔ lɛdubɔƒɔ-mii kayi kemmo ƒui. Lɛlɔyɔ lɛmɛni udu na ukyuli ɔdi biala ulakana bɔƒɔ bɔsiku-mii kudɔ kudii!

Eƒesoƒuɔ 5:19

Na biti Bunweni Kedee Ɔku kemmo lɛnu etemila bɛtɛmiku lɛlɔ, na bidie bɔƒɔtaadi lɛnu ku lɛnu lɛni ndanku Katɔti Kɔyu ala. Bɛtu lɛnu ku agyala biti bimwi Blɔti na bina kayi kemmo.

Yakobo 5:13

Si bina ɔdi ɔkya lɛbibo kemmo ni, ɔlɛka ɔkpali Katɔti na ɔdububunku-nwu. Na si lɛlɔ mɔɔyɔ́ ɔdi lɛnɔ ni, utaatu lɛnu teemwi Katɔti.

Samuel 1 4:5

Ka Bunyimi Adaka ɔmɛni úbeduo Israelƒuɔ kakyakɔ mmɔ ni, Israelƒuɔ bébo kudu momoomo geen ɔni náya na kalɔ kákunku.