Nehemia 12:27 - Katɔti Ɔku Kedee

²⁷ Uwi ɔni na badubo Yerusalem awodu ani bátu mmɔ buti bɔkya Katɔti enu kemmo ni, bávi bálɔ Lewiƒuɔ bani nli ekpo ekpo ƒui ka bebo Yerusalem. Báwia-ma ka babadiku-ma limeyi lɛmmɔ ku ebiti, na batu linungya lɛnu na beti agyala beteedie lɛnu.

Nehemia 12:27 ပူးပေါင်းရင်းမြစ်များ

Samuel 2 6:12

Amu na ukyuli ɔdi úbasu Dawid ka Unwoti úte Obed Edom ku lɛla biala na ubo kusɛ kusɛ na ɔ́ya na ala aatɛ teete nwuna kaduli bekyuli na Bunyimi Adaka ɔni nse-nwu kudɔ ɔsu. Ɔmmɔ ɔsu Dawid ɔ́si Yerusalem mmɔ úsie Obed Edom kudɔ na ɔ́ya na béti Bunyimi Adaka ku kɔgya ku lɛnu yoo na baakɛ́ ebiti.

Baga 1 8:63

Na ɔ́du ɔmantɛ bakɔ mpim aavlanyɔ-inyɔ (22,000) ku baƒonu ku bese mpim eti anyɔ ku aavlanyɔ (120,000) na béti bábla unwi bɔbla akpala béte Unwoti. Anwuɔsu Ɔga Salomo ku Israelƒuɔ bammɔ béti kakpakɔ kammɔ bákya Unwoti enu kemmo.

Ala Alɛdi 1 13:8

Na ulu lɛlɔ ni, Dawid ku Israelƒuɔ bammɔ bakɛ beemwi Katɔti ku agya. Na beedie lɛnu na baatɔ́. Bada lɛbentaa ku ebi ku enukpɛ agyala ku abambadi baagyá ku kɔkpɛɛ.

Ala Alɛdi 1 15:12

na ɔ́su-ma ɔnini, “Amii ndi Lewiƒuɔ atɔƒi amɛni benengu anwuɔsu amii Lewiƒuɔ banwa bakladi ni, ɔlɛka bikisi lɛlɔ na bɛbla lɛlɔ bɔbla sɛɛn ɔdi ɔmmɔ na bitéti Unwoti Bunyimi Adaka ɔni ndi Israelƒuɔ Katɔti mmɔ biboku na biti bibese kesii kani na lɛ́klibi líte-nwu mɛni.

Ala Alɛdi 1 15:16

Amu na Dawid ɔ́su batɔnkune bammɔ ɔnii baƒuna Lewiƒuɔ badi na beteedie lɛnu na bataagya agyala na lɛbentaa ku kɔbuli agyala bamba lɛlɔ ku enukpɛ agyala.

Ala Alɛdi 1 15:28

Na uwi ɔni na beti Bunyimi Adaka ɔmmɔ na beeduo Yerusalem ni, ukyuli biala ɔɔva ku lɛdi momoomo na baagyá agyala ku bebuo ese ku kɔkpɛɛ ku enukpɛ agyala ku lɛbentaa ku kɔbuli agyala bamba lidu lɛnɔ.

Ala Alɛdi 1 15:4

Na ɔ́lɔ Aaron kaba bekyuli ƒui ɔ́sala ku Lewiƒuɔ bamɛni.

Ala Alɛdi 1 16:42

Na Heman ɔmɛni ku Yedutum ndubo kɔkpɛɛ lɛnɔ butaavwi na bataagya enukpɛ agyala ku agyala bamba lɛnɔ si uwi ɔni na baakpá na kevo kammɔ kemmo mmɔ. Na Yedutum kɔdua bekyuli ndi bagyumanane na Gibeon.

Ala Alɛdi 1 16:5

Na Asaƒ ndi bana ɔtɔnkune na Sekaria ɔdi nwuna ubunkune. Yeiel ku Semiramot ku Yehiel ku Matitia ku Eliab ku Benaia ku Obed-Edom ku ukyuli bamba ɔni lɛnɔ na baalɔ Yeiel ama na báƒuna ka bataagya lɛbentaa ku lidu ku enukpɛ agyala.

Ala Alɛdi 1 23:5

Na mpim ine ndubo kakpakɔ bagyumanane bunwini na mpim ine beteedie lɛnu na bataagya agyala ani na líte-ma teemwi Unwoti.”

Ala Alɛdi 1 26:31

Yeriya lɛnɔ ɔdi Hebron kɔdua unengu. Na anwu ku nwuna lɛlɔ bekyuli mpim inyɔ ku eti leevu-ine bani ndi atɔƒi benengu na bekyuli baabu-ma geen ni, bana lɛkɔkɔ na bɔƒɔtaadi ulu lɛlɔ ala ku aban lɛgadi lɛlɔ ala bɔbla bɔkya. Na ama mɔɔnu ala ammɔ lɛlɔ na Ruben ku Gad ku Manase adua na ɔƒɛ katukɔ kakɛ kemmo.

Ala Alɛdi 2 29:25

Amu na ɔmmɔ kama ni, Hesekia ɔ́ya na Lewiƒuɔ bammɔ bésie béténye bana kunyekɔ na bana kabla kenye na kakpakɔ kammɔ kemmo. Na úti enukpɛ agyala ku lɛbentaa ku agyala bamba ani na béti kɔbuli bábla úte-ma aani kalɛ na Unwoti úbo Ɔga Dawid ku kenye bediene bani ndi Gad ku Natan ɔda kalɛ.

Ala Alɛdi 2 29:30

Na Hesekia ku nwuna bakutine benengu bammɔ bébo Lewiƒuɔ bammɔ ɔda banii beteedie bumwi lɛnu lɛni na Ɔga Dawid ku Kenye Udiene Asaƒ bénweni bése mmɔ. Anwuɔsu béboku eli kalɔ na bédie bumwi lɛnɔ béte Unwoti ku lɛlɔyɔ.

Ala Alɛdi 2 7:6

Na ɔdi ɔmmɔ bɔbla kemmo ni, ukyuli biala ɔ́ta únye. Na bakpane benye bana kenyekɔ kani na béte-ma na baavwi bana kɔkpɛɛ. Na Lewiƒuɔ lɛnɔ bana anumi aatina bakpane bammɔ kudɔ na baagyá bana lɛbentaa ku agyala ani na Dawidi ɔ́bla úte-ma ka bataagya si uwi ɔni na beemwi Katɔti na kalɛ na ɔɔyɔ́-bu uwi ndi uwi na uuubo kawɔkɔ ɔsu.

Esra 6:16

Amu na Yudaƒuɔ ku bakpane ku Lewiƒuɔ bammɔ ƒui bádi kakpakɔ kammɔ buti taakya Katɔti lɛkɔkɔ limeyi ku lɛlɔyɔ.

Nehemia 11:20

Na Israelƒuɔ ku bakpane ku Lewiƒuɔ bakladi bétélie bana bati kɔlɔ lɛlɔ na lɛma libendi ku libliidi na Yuda kalɛkɛ kemmo.

Nehemia 12:43

Na limeyi lɛmmɔ ni, bábla akpala enengudi béte Katɔti. Na lɛlɔ lɛɛyɔ́-ma, ɔsika Katɔti ebiti áƒɔ-ma lɛlɔ kemmo geen! Na beleku ku bebi lɛnɔ béduo lɛlɔyɔ lɛmmɔ kemmo. Na kudu kɔni na bédie mmɔ ni, kúsie kútédu ɔgyu kakaaka.

Nehemia 8:17

Na bekyuli bani ƒui na kekpo béƒie-ma na bénwini bébo ni, bátu nvuo amɛni na bélie-nya kemmo. Ɔmɛni ndi lɛla lideedi lɛni na bábla ɔ́si Nun ubidi Yosua uwi. Na ɔdi biala ɔ́kɛ kubiti geen.

Kɔgya 149:3

Bɛtɔ katɔ na biti bimwi-nwu lɛnyi. Na biti enukpɛ agyala ku lɛbentaa bidie lɛnu bimwi-nwu.

Kɔgya 30:1

O mina Unwoti, muubó-ɔ kudu na mɔɔkɔliku-ɔ lɛnyi katɔ, ɔsika awɔ nédie-mi na átaya na mina bekisine badi-mi lɛlɔ na bakɛ ebiti.

Lɛkpa Ulu 16:11

Na si bísela ni, biti bina bebi ku bina kabla bablane banana ku beleku ku baƒɔ bani nkya-mii akɔ ku Lewiƒuɔ ku bekpinebi ku bekpinele bani nkya bina lɛma kemmo ƒui bɛda. Na biti kubiti bɛdi limeyi lɛmmɔ na Katɔti anumi.

Lɛkpa Ulu 20:5

Na baduɔti bammɔ lɛnɔ badubɔlɛ bebo na betemi bete bekpone bammɔ na beye-ma banini, “Ɔnana ɔdi ɔkya-mii akɔ mɛni na ɔ́tu ɔtɔ ɔwɔdi na útesie útetélie-nwu kemmo tɔ?” Na si ɔdi údie kenye ka “Ɛɛn” ni, na unwini uteesie kaduli. Na si ɔɔɔdi lɛni na ɔ́ta na útékpi na kekpo kammɔ kemmo ni, ukyuli ɔbambadi ndubo kaduli kammɔ kemmo bulie.

Ƒilipiƒuɔ 4:4

Na mɔɔsu-mii nnii bɛya na lɛlɔ litaayɔ-mii na Blɔti kemmo. Na nsɔ mɔɔsia kama nnii bɛya na lɛlɔ litaayɔ-mii.

Budie Taatina 5:8

Na uwi ɔni na Koƒonu Ubi ɔmɛni ɔɔƒɔ́ kakunkɛ kamɛni ni, ngba batu ine bammɔ ku benengu aavlanyɔ-ine bammɔ báyu bébi kalɔ na Koƒonu Ubi ɔmmɔ anumi. Ɔdi biala ɔda agyala ani béti kɔbuli bábla na baagyá taatu lɛnu. Na ɔdi biala ɔda sika ugyiedi kɔlaku kɔni néyi ku oloƒui. Na oloƒui ɔmɛni unye ute Katɔti bekyuli katɔ bɔkpali.