Nehemia 12:26 - Katɔti Ɔku Kedee

²⁶ Na bamɛni nábla kabla béte Yosadak ku ubidi Yesua ku ubidi Yoiakim. Na bábla kabla na uwi ɔni na Nehemia ɔdi kalɔ kammɔ lɛlɔ ɔnune, na Ɔkpane Esra ɔdi ɔku unwenine.

Nehemia 12:26 ပူးပေါင်းရင်းမြစ်များ

Ala Alɛdi 2 9:26

Amu na ɔ́di kayawi kemodi kammɔ lɛlɔ ɔ́si Euƒrate Ketu na kalɔ kammɔ katɔ kakɛ útédu Ƒilistia na kada kakɔ na Egyipteƒuɔ ɔmii lɛlɔ.

Esra 7:11

Na ɔku ɔni na Ɔga Artasasta únweni úte Esra ɔni ndi ala ɔtinane ku ɔkpane ku okloƒu ɔni ngyi Unwoti ɔda bubo ku ala ani ƒui na únyimi úte Israelƒuɔ kemmo kaduɛ na búdie mɛni.

Esra 7:6

Na Esra ɔmɛni lɛnɔ ɔ́si Babilon úbo. Na ɔdi ala ɔtinane ɔni ngyi Mose ɔda bubo etemila ani Israelƒuɔ Katɔti úti úte-ma kaduɛ. Na lɛla biala na úye ɔga ɔmmɔ ni, uuti-ni teete-nwu, ɔsika nwuna Unwoti Katɔti ɔsiku-nwu geen.

Nehemia 8:1

Na ɔni na uteedu kɔbuli maatɛdi kawɔlɔkɔ ni, ɔdi biala ɔ́tɔlɔ úsie nwuna ɔma. Na limeyi lideedi na kɔbuli kɔmmɔ lɛlɔ ni, Israelƒuɔ ƒui bása na Yerusalem na kesii kani balɔ banii Ntu Kayakun. Na básu Ɔkpane Esra ɔni ndi ɔku unwenine ka udie Mose Ɔda Bubo Ɔku ɔni Unwoti úti úte Israelƒuɔ uboku. Anwuɔsu Esra úsie na útéti ɔda bubo ɔku ɔmmɔ úboku na kesii kani na básala béli. Na banana ku beleku ku banamu bani beenú ala kalɔ násala mmɔ.

Nehemia 8:9

Ka bekyuli bammɔ bénu ala ani na ɔda bubo bɔmmɔ bɔwia bɔsiku-ma kudɔ ni, ɔ́bla-ma kalɛ kadi na bése kalɔ beewulo. Ɔmmɔ ɔsu Israelƒuɔ ɔtɔnkune Nehemia ku Ɔkpane Esra ɔni ndi Ɔku Unwenine ku Lewiƒuɔ bani nkya muudie ɔda bubo etemila ani báka mmɔ kalɔ básu-ma banini, “Ɔmwi limeyi lɛmɛni lɛdi limeyi kedee lite Unwoti, bina Katɔti. Ɔmmɔ ɔsu bitewulo na bitadu kɔnyana.”