Ka Dawid ɔ́tɔlɔ ni, úsie ɔkpane ɔni baalɔ banii Ahimelek kudɔ na Nob. Uwi ɔni na Ahimelek ɔ́nu ka Dawid ɔdubo na úsie útásiaku-nwu ni, lɛlɔ kani mɔɔtɔ́-nwu, ɔsika ɔ́yia geen. Na úye Dawid ɔnini, “Dɛ na ɔ́bla na ébo mɛni na awɔ lɛti nkɛ?”
Amu na Dawid údie kenye ɔnini, “Ami lɛti nkɛ, ɔsika bula ɔga nátala-mi ɔnii mbabla lɛla kpakplaa lɛdi nte-nwu. Na ɔ́su-mi ɔnii ntaya na ɔdi ɔti lɛla lɛni na ɔ́tala-mi ɔnii mbabla. Na mina bekyuli ama ni, lɛ́su-ma nnii ami ku-ma bɔdubɔsa na kesii bamba.
Na ɔ́du Nob bekyuli ƒui, banana ku beleku ku banamu ku bebiwɔ ku ɔmantɛ bebuo ku bebuo ala betine ku baƒonu ƒui na ɔma ɔni kemmo na bakpane bammɔ bélie mmɔ.
