Nehemia 10:36 - Katɔti Ɔku Kedee

³⁶ Na bula bebi bananabi bani na bula akɔ ɔdi biala ɔdubɔwɔ ni, bɔdubuti-nwu busienku ɔkpane ɔni nkya mmɔ na uti-nwu ɔkya Katɔti enu kemmo. Na lɛnɔ ni, bula ɔmantɛ bakɔ ku baƒonu ku bese ku bebuo bakladi bebi bedeedi bani badubɔwɔ ni, bɔdubuti-ma bɔkya Unwoti enu kemmo.

Nehemia 10:36 ပူးပေါင်းရင်းမြစ်များ

Ala Alɛdi 2 31:5

Uwi ɔni kani na bekyuli bamɛni bénu lɛla lɛni na ɔga ɔɔwia ka babla mmɔ ni, béti bana akɛla lɛkpa leevudi béboku úbunku anta ku kamu udu edula ani na bebo ku nnɔ ku uwɔ ku edula bamba lɛnɔ.

Nehemia 12:44

Uwi ɔmmɔ kemmo ni, bédie bekyuli ka bátaanu kakpakɔ kammɔ etela kesekɔ lɛlɔ. Na etela ammɔ adi ndi etela lɛkpa leevudi ku edula ebi edeedi ku adingyii ebi edeedi. Na bekyuli bani na bédie mɛni mɔɔví taaƒɔ ala ammɔ na mmo bɔni nde lɛma libendi, na ama muudie bakpane ku Lewiƒuɔ ɔdi téteete-ma aani kalɛ na ɔda bubo bɔmmɔ bɔɔtina. Na bakpane ku Lewiƒuɔ bani nkya Yuda kalɛkɛ ƒui lɛlɔ lɛɛda bekyuli bammɔ ebiti.

Nehemia 13:5

Anwuɔsu úte Tobia ɔtɔ ubendi ɔni na nka béteeti edula ebi akpala ku oloƒui ku kakpakɔ kabla ala ku etela lɛkpa leevudi lɛni na bekyuli bammɔ beeyi ku ntɛ ku nnɔ bɔni beete Lewiƒuɔ ku kakpakɔ lɛnu batune ku bagyumanane teese.

Israelƒuɔ Bɔlɛ 13:2

“Die ubi ɔnanabi udeedi biala se-mi. Ɔsika Israelni kɔwɔ kudeedi ku bana bebuo ƒui kɔwɔ kudeedi kɔdi mina ɔdi. Na abla-ma sɛsɛɛ ete-mi.”

Israelƒuɔ Bɔlɛ 23:19

“Biti edula edeedi abuni ƒui ani bɛ́kɛ na kalɔ kammɔ kemmo biboku ami, bina Unwoti Katɔti kakpakɔ. “Biteƒulo ese ubi ɔdi lɛna na uni anyi ntu kemmo.

Israelƒuɔ Bɔlɛ 34:19

“Na ubi ɔnanabi udeedi ku ɔmantɛ ebuo ɔgyani ubi udeedi biala ɔdi ami Unwoti ɔdi.

Malakai 3:10

Ami ndi Unwoti Ɔyikune Ƒui, na nnye-mii anumi mɔɔsu-mii nnii bɛkɔku-mi bɛnu na biti ala lɛkpa leevudi lɛmmɔ ƒui bibese-mi kaduli ala kesekɔ, na adila emomo-mi kɔduli. Na ndubɔlɛmi kayaa na mina kusɛ kusɛ ubo-mii lɛlɔ ɔsia kama aani kalɛ na ɔnantu ɔɔna.

Bumomo Bɔka 3:13

ɔsika ubi udeedi biala ɔdi mina ɔdi. Uwi ɔni na lɛ́du Egyipteni ubi udeedi biala na Egyipte ni, mmɔ na lídie Israelni ubi udeedi biala, ɔnana ɔdi o-o, iye ebuo na ɔdi o-o líse sɛsɛɛ líse líte lɛlɔ, na ɔlɛka benwini mina badi. Ami ndi Unwoti.”

Galatiƒuɔ 6:6

Ukyuli ɔni na bátina-nwu bɔƒɔtaadi kemmo etemila ni, anwu lɛnɔ ule nwuna akɛla ku ukyuli ɔni mɔɔtina-nwu ala mmɔ.

Lɛkpa Ulu 12:6

Na mmɔ na bɛdubuti bina akpala akyuladi ku akpala bamba ku bina etela ku bina akɛla lɛkpa leevudi ku etela ani bíse kenye ka bɛdubute Unwoti ku bina kaƒɔ ƒaa etela ku bina ɔmantɛ bakɔ ku baƒonu ku bese bebi bedeedi biboku na bɛkpa bite-nwu.