Nehemia 10:31 - Katɔti Ɔku Kedee

³¹ Na si bula ala beyene beti bana ala iye edula ebi bebeye bete-bu lɛnwuna limeyi iye limeyi kedee lɛdi lɛlɔ ni, buléye bulásiku-ma kudɔ. Na lɛkwa maatɛdi biala lɛlɔ ni, bulatuma kalɔ kammɔ lɛlɔ kalɛ na kakɛ bɔnwuna. Na kayu biala na báda-bu na uwi ɔmmɔ kemmo ni, bɔdubuti bɔkyiɛ.

Nehemia 10:31 ပူးပေါင်းရင်းမြစ်များ

Ala Alɛdi 2 36:21

Na uwi ɔni na ɔgbankpi ɔmɛni úbo kalɔ kammɔ ƒui lɛlɔ na basɔ balátuma-ka ni, kalɔ kammɔ kákɛ kana bɔnwuna lɛkwa aani lɛnwunameyi kalɛ útédu akwa liti ku aavlanyɔ ani na Unwoti ɔ́sia nwuna kenye údie Yeremia lɛlɔ ɔ́su úse.

Nehemia 13:23

Na uwi ɔmmɔ kemmo lɛnɔ ni, lɛ́nu Yudaƒuɔ banana badi ka béti Asdod ku Amon ku Moab beleku.

Nehemia 13:27

Na muuye-mii nnii ɔlɛka bɔsiaku lɛla lɛmɛni udu kama na bɔda bɔvia Katɔti litemi na buteeti kadi bamba beleku?”

Israelƒuɔ Bɔlɛ 12:16

Na limeyi lideedi ku maatɛdi ni, bɛsa bɔsa kedee na mina lɛnyi lɛlɔ. Na ukyuli biala utabla kabla kadi emeyi ammɔ kemmo. Nsu bibo kuƒi ka bɛnwa adila bɛdi. Ɔmɛni kani na ɔlɛka bɛbla.

Israelƒuɔ Bɔlɛ 20:10

Nsu limeyi maatɛdi ndi ami Unwoti ƒula Katɔti Lɛnwunameyi lɛni kemmo na útalɛ ka abla kabla kadi, awɔ iye ƒula bebi iye ƒula kabla bablane iye ƒula bebuo iye ɔƒɔ ɔni nlie-ɔ kudɔ.

Israelƒuɔ Bɔlɛ 34:16

Mmɔ na bina bebi badubusie betéti bana beleku na ɔmɛni ɔdubɔkpanku-ma na balɛ-mi kama na besie batákpa bana baƒiɔ.

Yesaia 58:6

“Kudii, mmomu lɛla lɛni mɔɔyɔ́ Unwoti kaƒɔ ndi kalɛ na bɛya na bekyuli bani na baanya taakya bakɛ bɔnwuna na belie bete lɛlɔ. Na kalɛ na bekyuli baládi litemi lɛlɔ siin teete bekyuli na únwini aani kɔgba na kɔda bekyuli ɔkwɛ ni, bidie-ku bana ɔkwɛ na bikulo kɔbuli kɔmmɔ ƒui bana lɛlɔ.

Lewiƒuɔ Ɔda Bubo 16:29

“Na bunyimi bɔni lɛlɔ na bɛdubo butaadi ɔ́si ɔƒɛni úsela uwi ƒui ndi ka kɔbuli maatɛdi limeyi leevudi biala lɛlɔ ni, ɔlɛka bikisi lɛlɔ na bilie kɔka na bilabla kabla kadi amii ku kadi bamba bekyuli bani nkya-mii akɔ na limeyi lɛmmɔ lɛlɔ.

Lewiƒuɔ Ɔda Bubo 23:21

“ ‘Na limeyi lɛmmɔ kani lɛlɔ ni, kɔ lɛsa na bɛsa bɔsa kedee na mina lɛnyi lɛlɔ na ɔdi utabla limeyi ndi limeyi kabla kadi. Ɔda bubo bɔmɛni buse bute amii ku bina bawɔ na kesi kesii na bɛdubulie.

Lewiƒuɔ Ɔda Bubo 23:3

“ ‘Emeyi aku na bɛdubuti bɛbla bina kabla, nsu limeyi maatɛdi ni, lɛdi bɔsa kedee limeyi lite-mii. Na ɔdi utalɛka ɔbla kabla kadi na kesi kesii na bilie, ɔsika ɔdi Lɛnwunameyi ute Unwoti.

Mateo 6:12

Na eti bula ekpidi akyiɛ-bu aani kalɛ na buuti taakyiɛ bani mɔɔƒiɔ́-bu.

Koloseƒuɔ 2:16

Anwuɔsu bitaya na ukyuli ɔdi ubo-mii ɔda ɔdi na bina bɔdi ku bɔni lɛlɔ, iye emeyi kedee lɛlɔ, iye abuli awɔdi limeyi bɔdi, iye lɛnwunameyi bɔdi lɛlɔ.

Yakobo 2:13

Ɔsika si Katɔti ɔɔtɛku ɔdi litemi ni, ɔɔɔdubo-nwu kɔnyana bɔnu si ukyuli ɔmmɔ ulánu kɔnyana. Nsu si ɔdi ɔɔnu kɔnyana ni, Katɔti uládu-nwu kɔtɔ.