Nehemia 1:3 - Katɔti Ɔku Kedee

³ Amu na bédie kenye ka bani nébu na bátakana-ma buƒie mmɔ bakya lɛbibo ku kɔƒa bonwu kɔdi kemmo geen. Ɔsika Yerusalem awodu ani na áka ámana ɔma ɔmmɔ ƒui áƒɛ éwi kalɔ. Na bákyula ana kɔyakun lɛnɔ.

Nehemia 1:3 ပူးပေါင်းရင်းမြစ်များ

Baga 1 9:7

ndubukulo Israel lidie kalɔ kani líte-ma mmɔ lɛlɔ. Na lidie kakpakɔ kani na lídie sɛsɛɛ lɛ́bla-ka kedee líte mina lɛnyi mɛni átu, na Israel lɛlɔ litemi lɛdubunwini lɛsugba ku lɛmala na bekyuli ƒui akɔ.

Baga 2 25:10

Na Nebusaradan ɔmɛni ɔ́kpanku Babilonƒuɔ bekpone ƒui na bátáƒɛ Yerusalem awodu ɔba.

Ala Alɛdi 2 36:19

Ɔmmɔ kama bátu ogya bákya Katɔti kakpakɔ kammɔ na báƒɛ Yerusalem awodu ammɔ béwi kalɔ, na bákyula baga kesii kammɔ ƒui na bébile ala ani náƒɔ kuye mmɔ ƒui.

Esra 2:1

Na bamɛni ndi bekyuli bani na Ɔga Nebukadnesar úƒie na kekpo kenye, úsienku Babilon, nsu básɔ bénwini bébo Yerusalem ku Yuda kalɛkɛ. Na ɔdi biala únwini úsie nwuna ɔma.

Esra 5:8

“Bula ɔbune, bɔɔyɔ́ ka bute-ɔ bɔti ka bútésie bɔ́vi Yuda kalɛkɛ, na bɔ́nu ka básɔku Unwoti Ɔyikune kakpakɔ baatú. Na bákɔliku atabi ebendi ku kugyiikɛ básia awodu lɛlɔ. Na si ánu adubɔti ka baabla kabla kammɔ kaduɛ na keesíe anumi.

Nehemia 11:3

Na Yuda lɛma libendi ku libliidi lɛkladi kemmo ni, Israelƒuɔ bakpane ku Lewiƒuɔ ku kakpakɔ kabla bablane ku Salomo kabla bablane kaba bétéduo kɔduli kɔni na ama alati bátu na bana lɛma.

Nehemia 2:13

Amu na lɛ́vi lɛ́lɛ Yerusalem na nkɛ kɔwɛ kayakun kani nkya ɔƒɛ kanukɔ kakɛ, na ńtásia kada kesii kani na ntu bɔdi bɔɔlɛ́ na nkɛ ńtáda lɛ́lɛ kayakun kani beewiakun alakpi. Uwi ɔni ƒui nkɛ mmɔ ni, na mɔɔtɛ anu taanu awodu ani náƒɛ éwi kalɔ ku kɔyakun lɛpunu lɛni bákyula.

Nehemia 2:17

Nsu ɔƒɛni mɔɔsu-ma nnii, “Bɛɛnu lɛbibo lɛni kemmo na bɔkya? Yerusalem únwini atɔnku ɔma, na nwuna kɔyakun lɛpunu ƒui lɛnɔ bákyula-ni. Anwuɔsu bibo na bɔsɔ butásɔku Yerusalem awodu ammɔ bɔtu. Na bɔlɛ kɔƒa kemmo.”

Nehemia 2:3

Nsu líse kayi na lɛ́su ɔga ɔmmɔ nnini, “Ƒula lɛgadi lise liteesie uwi ƒui! Bi ɔsu na utalɛka mina anumi adu kɔnyana? Ɔsika bula ɔma unengudi ɔni kemmo na báva mina bati kuuku awodu ani bátu bámana ƒui áƒɛ éwi kalɔ. Na bátu ogya bákya ana kɔyakun ƒui.”

Nehemia 7:6

Na bamɛni ndi bekyuli bani na Ɔga Nebukadnesar úƒie na kekpo kenye, nsu básɔ bénwini bébo Yerusalem ku Yuda kalɛkɛ. Na ɔdi biala únwini úse nwuna ɔma.

Ester 1:1

Na Persia Ɔga Ahasweros lɛga bɔdi uwi ni, ɔ́di kɔlɛkɛ eti anyɔ ku aavlanyɔ-maatɛ lɛlɔ ɔ́si India útédu Etiopia.

Kɔgya 79:4

Ɔmmɔ ɔsu kadi bamba bekyuli bani na bula amadɔ ƒui balánu-bu taakya lɛla lɛdi kemmo na beedumi-bu na baamá-bu.

Agba 25:28

Ukyuli ɔni na ulakana lɛlɔ lɛlɔ bɔdi ni, use aani ɔma ɔni na awodu ani mɔɔgyumana-nwu ábwɛ.

Yesaia 43:28

Ɔmmɔ ɔsu nsɔ ńtete kuƒi ka bina bakpane babla-mi kabla. Mmomu lɛ́ya na bákyula Israel kadi na bákya bina bekyuli kɔƒa.”

Yesaia 5:5

“Bɛya na lɛsu-mii lɛla lɛni na ndubo mina adingyii kemo bɔbla. Ndububile ɔban ɔni na lɛ́gyi lɛ́kya-ka na kayii udu. Na ndubɔƒɛ awodu ammɔ ƒui liwi kalɔ na bataanya-ka teesusu.

Yeremia 24:9

Ndubo bɔya na ɔgbankpi bonwu ɔdi ubo-ma lɛlɔ na liti lɛni-ma kɔtu. Na lɛlɔ litaatɔ ukyuli biala menu lɛla lɛmmɔ ku lɛlɔ bɔtɔ ku bɔyia geen. Na ndubo Yudaƒuɔ lɛlɔ bunye na batɔlɔ beteesie kalɔ bamba lɛlɔ na kaƒɔ kesii kani na badubo-ma buteeyuda na beteedumi-ma lɛlɔ.

Yeremia 39:8

Na uwi ɔmmɔ kemmo ƒui ni, na Babilonƒuɔ bekpone báakyula kɔduli kɔni nkya Yerusalem ƒui úbunku ɔga kesii lɛtɔ lɛmmɔ ƒui. Na báƒɛ ɔma unengudi awodu ammɔ ƒui béwi kalɔ.

Yeremia 42:18

“Ami Unwoti néti kɔnyi lɛ́kya Yerusalemƒuɔ na lɛ́ni-ma kɔtu. Na si bísie Egyipte kalɔ lɛlɔ ni, ndubo kɔnyi buti bɔkya-mii na lɛni-mii kɔtu lɛni kani na bɛsɔ bɛɛɛdubo bina ɔma bɔnu limeyi lɛdi. Liƒu bonwu lɛdubo bekyuli bɔda na lɛla lɛni lɛ́bla ɔsu. Na badubo bina lɛnyi bɔlɔ aani ewida bakya bekyuli.”

Yeremia 5:10

“Ndubo bana bekisine bɔsu nnini, ‘Bisie mina adingyii kemo kammɔ kemmo na bikulo kɔgba kɔmmɔ ƒui biwi kalɔ mmomu bitadu kugyii kɔmmɔ ɔlati, ɔsika kɔgba kɔmmɔ ndi bekyuli bani naaadi mina badi.

Yeremia 52:14

Na Nebusaradan ɔmɛni ɔ́kpanku Babilonƒuɔ bekpone ƒui na bátáƒɛ Yerusalem awodu ɔba.

Kɔnyana Buwulo 1:7

Na nwuna lɛbibo ku ala ani muukpóku-nwu kemmo ni, Yerusalem ɔɔkali taanu akɛla ani nése-nwu na uwi ɔni nábavi dii kemmo, na ɔƒɛni amu ɔkɛ kɔlɔ ƒui lɛlɔ ɔɔví. Uwi ɔni na úduo nwuna bekisine enu ni, útakɛ ukyuli ɔni nebunku-nwu na bekisine bammɔ benye baanu-nwu na beedumi-nwu taama na nwuna ɔgbankpi ɔsu.

Kɔnyana Buwulo 2:9

Sion lɛban kɔyakun ƒui kɔ́ƒɛ kúbi anumi kalɔ, na abuala ani mɔɔbala kɔyakun kɔmmɔ kenye ƒui kɔ́ƒɛ eku eku. Na nwuna baga ku bagadine bammɔ ƒui bénwini bekyuli beƒiedi na bakya kɔlɔ bamba kemmo. Nwuna bakpane basɔ balátina ala, na nwuna kenye bediene bammɔ lɛnɔ basɔ balakɛ linyesia lɛdi taasiku Unwoti kudɔ.

Kɔnyana Buwulo 3:61

Sɔsɔ na ɔdi ka agyi kalɛ na beedumi-mi ku kɔkwɛ kukpidi kɔni na baakya-mi lɛlɔ.

Kɔnyana Buwulo 5:1

O bula Unwoti, tayiƒala bula lɛbibo ku kalɛ na béwi-bu anumi kalɔ.

Lewiƒuɔ Ɔda Bubo 26:31

Na ndubɔyila bina lɛma linengudi udu ku ekpo ani na biisié taatákpa na lini ala ani na bɛɛkyula mmɔ ɔnyi.

Lewiƒuɔ Ɔda Bubo 26:33

Ndubo-mii bugyingya bɔkya kadi bamba bekyuli akɔ na liti mina kewii lɛbɔku-mii. Na lɛya na bina kalɔ ku bina lɛma linengudi ƒui lɛsɔ lɛtɛ ukpludi.