Nahum 3:2 - Katɔti Ɔku Kedee

² Se kɔtu na enu ƒula kawɔlɔkɔ. Adubunu ka bada mpile beeƒwimi, na kɛɛkɛ ebi akɛ ku usi, na eenwíni lɛlɔ adubo. Na bapɔnkɔ baaƒulu, na kɛɛkɛ lɛmmɔ lɛɛgyú taawɔ ku kɔku momoomo.

Nahum 3:2 ပူးပေါင်းရင်းမြစ်များ

Yesaia 9:5

Na bekpone adala ku agbanvuo ani nákpi ubugya na kekpo ni, ala ammɔ bene ƒui adubunwini ala ani na badubo ogya bɔkya.

Yeremia 47:3

Si uwi ɔni na bínu ka bapɔnkɔ ku kɛɛkɛ kɔku kɔ́bwɛ kɔdubo ni, bina ɔtɔtɔ ɔdubɔgyu-mii na bawɔne badubɔda ama alati bana bebi bewi.

Yoel 2:4

Bana bɔnu buse aani bapɔnkɔ bani nkɛ mɔɔƒulu taavi.

Yoel 2:5

Na bana bɔƒulu bɔmmɔ bɔɔku aani bapɔnkɔ kɛɛkɛ pii ɔdi na bada baaní na abi eli mmɔ ku kɔku aani ogya mɔɔda taakyula lɛku na ala eetulo.

Litemi Batɛne 5:22

Amu na bapɔnkɔ bébo na babagyu na baabla kudu.