Nahum 2:9 - Katɔti Ɔku Kedee

⁹ Na bekisine bekpone bammɔ baava taasu banini, “Akɛla lidu lidu lɛ́ƒɔ ɔma ɔmmɔ kemmo tɛtɛɛtɛ. Bíyu nwuna sika ɔƒualadi bɛ́tɔlɔku, na bíƒie nwuna sika ugyiedi bɛƒɔ!

Nahum 2:9 ပူးပေါင်းရင်းမြစ်များ

Ala Alɛdi 2 36:10

Uwi ɔni na ketudi keesé kalɔ ni, Babilon Ɔga Nebukadnesar ɔ́ya na béƒie Yekonia na úti-nwu úsienku Babilon na ɔ́sɔ útiku ala abambadi ani lɛnɔ náƒɔ kuye geen ɔ́siku kakpakɔ kammɔ kemmo. Ɔmmɔ kama Nebukadnesar ɔ́ƒuna Sedekia ka unwini Yudaƒuɔ ɔga.

Yesaia 33:1

Bɔbuɛ ute awɔ ala ubilene, nsu ɔdi útebile-ɔ lɛla lɛdi kudii! Bɔbuɛ ute awɔ ɔni mɔɔví bekyuli kalɔ, nsu ɔdi útavi-ɔ kalɔ kudii! Si uwi ɔni na áda bekyuli ala bubile áya ni, badububile awɔ adi lɛnɔ. Na si uwi ɔni na áda bekyuli kalɔ bɔvi áya ni, badubɔvi-ɔ kalɔ awɔ lɛnɔ.

Yesaia 33:4

Buukpóku bula bekisine aani baalɔlɔ, na buuƒie bana ala ƒui taaƒɔ.

Yeremia 25:34

Unwoti bekyuli bese bete-nwu aani nwuna baƒonu kalɛ na amii bana batɔnkune nádi nwuna baƒonu bammɔ lɛlɔ banune. Nsu ɔƒaani ni, bina lɛlɔ na údu ka bebeyi-mii badu aani baƒonu bammɔ kalɛ. Na bɛdubo bɔbwɛ bugyingya aani kalɛ na lɛkyami lɛbwɛdi lɛni mɔɔdia bɔnu lɛɛlɛ́ teebo teegyingya kɔkɛ kɔkɛ. Anwuɔsu bɛyu bɛtɛ kalɔ na biteewulo na biteebo teeminime na lɛti akɔ.

Yeremia 46:5

Ami ndaku kekpo kammɔ bɔnu kalɛ na kaaví na báadi-mii lɛlɔ kuuku na bíkeli bɛɛtɔlɔ na kama bunwini bɔnu buuubo ina kunwi. Liƒu bonwu lɛ́ka lɛ́mana-mii lɛƒɛnyi ƒui lɛlɔ.

Yeremia 51:56

Ukisine ɔdi ɔdubo ubekpo Babilon na ɔyila-nwu udu. Na badubuƒie nwuna bekpone na baƒɛ bana ekpola, ɔsika ami ndi Katɔti ɔni muudie kadi biala bekyuli kasi na ala ani na bábla ɔsu.

Esekiel 26:12

“Bekpone bammɔ badubo bina ala ani náƒɔ-mii kuye mmɔ ƒui buyu bɔtɔlɔku. Na bebo-mii lɛtɔ lɛbuni lɛmmɔ ƒui babwɛ. Na egyiiku ku atabi ani nébu ewi kalɔ mmɔ ƒui badubo-nya bubo buwi ɛpu kemmo.

Daniel 11:8

Na ɔdubuti bana baƒiɔ bammɔ ƒui ɔtɔlɔku usienku Egyipte kalɔ lɛlɔ ku bana lɛkɛ lɛni náƒɔ-ma kuye geen aani sika ɔƒualadi ku ugyiedi. Nsu ɔdubo uwi bɔƒɔ geen asa na wasɔ wekpoku lɛga kadikɔ kamɛni. Na akwa adi kama ni,

Nahum 3:17

Bina bagyumanane ku bakutine ƒui bátavumana ku baalɔlɔ. Ɔsika si kɔyɔ kɔkya ni, baayu teelie ɔban ligyii lɛlɔ. Na si ɔƒɛ úse kalɔ ɔɔbi ni, beeveyi taatɔlɔ, na ukyuli ɔdi ulati kesii kani na bésie.

Budie Taatina 18:12

Ka ala beyene basɔ beeebo ɔsu ni, bana sika ugyiedi ku ɔƒualadi ku aseebi ku asɛɛ ani náƒɔ kuye ébo kalɔ. Na bana adi abuni egyiedi ku aƒualadi ku ana lidu ébo kalɔ. Na egyii ani muunwenyi ƒɛƒɛɛ ku ala ani ƒui na béti ɔtunkpɛ bábla lɛnɔ ébo kalɔ. Lɛni kani na use ute ala ani na bábla ku egyii ani náƒɔ kuye ku abuala ani muukeye ku ani neeekeye ku atabi ani náƒɔ kuye lɛnɔ.

Budie Taatina 18:16

“ ‘Bɔbuɛ! Bɔbuɛ! Uwi ɔdi kemmo ni, ɔma bonwu ɔmmɔ úyi ku adiƒuala abuni ku adi ani nse ƒuƒuu ku egyiedi. Na báklibi ɔma ɔmmɔ ku sika ugyiedi ku aseebi ku asɛɛ ani náƒɔ kuye éyi tɛtɛɛtɛ!