Nahum 2:8 - Katɔti Ɔku Kedee

⁸ Niniwe use aani libiɔ lɛni na bátu na lɛ́bwɛ na nina ntu bɔɔlɛ́ taatɔlɔ, ɔsika kɔvanu kɔda kesi kesii banini, “Bitatɔlɔ! Bitatɔlɔ!” Nsu lɛni kani na ukyuli biala ɔ́vi ɔɔlɛ́ ɔma ɔmmɔ kemmo.

Nahum 2:8 ပူးပေါင်းရင်းမြစ်များ

Ala Kalɔ Buse 10:11

Ka ɔ́si kalɔ kammɔ kemmo ni, úsie Asiria kalɔ lɛlɔ. Na mmɔ ni, ɔ́da Niniwe ɔma ku Rehobot-Ir ku Kala.

Yesaia 13:14

“Kalɛ na akwa uukeli ɔgbini si ɔsiaku-nwu iye baƒonu bani neeebo ɔdane baagyingya ni, ukyuli biala ɔdubo bunwini na ukeli usie nwuna ɔma na nwuna badi kudɔ.

Yesaia 38:14

Mina lɛdi lɛ́sani, na lɛsɔ lilalɛ aani lɛsɛɛmɛɛ mɔɔva, na muudumo aani abloduma. Mina anumi asɔ alanu kaduɛ, anwuɔsu lɛ́kɔliku anumi mɔɔnu katɔ. Ala eekpóku-mi, O Unwoti, bo na ebebunku-mi.

Yesaia 47:13

Bíitu lɛlɔ bɛ́vi bɛɛwia kasusu na bekebone ku bani mɔɔnu kɔbuli taasu-mii ala kudɔ uwi gyɔlɔɔ mɛni. Bɛsɔ binwini bisie na bitéye-ma ala ani ndubo bɔlɛ ku kalɛ na bɛdubɔkɛ bɔƒɔ.

Yesaia 48:20

Anwuɔsu ɔƒaani ni, bɛtɔlɔ Babel! Na si bɛ́yu ulu bísela ni, na biteedie lɛnu taatɔ ku ebiti. Na lɛlɔ lɛyɔ-mii na biteebo kudu na ukyuli biala unu-mii kɔku bɛnini, “Unwoti údie nwuna kabla ɔblane Yakob.”

Yesaia 59:11

Buubó adi aani eƒiebuo na buudumo aani babloduma teewulo kɔnyana. Bɔɔwia ka batɛ-bu litemi siin na bɔdi lɛlɔ, nsu ɔmɛni ƒui ɔ́vi-bu lɛgya.”

Yeremia 46:5

Ami ndaku kekpo kammɔ bɔnu kalɛ na kaaví na báadi-mii lɛlɔ kuuku na bíkeli bɛɛtɔlɔ na kama bunwini bɔnu buuubo ina kunwi. Liƒu bonwu lɛ́ka lɛ́mana-mii lɛƒɛnyi ƒui lɛlɔ.

Yeremia 47:3

Si uwi ɔni na bínu ka bapɔnkɔ ku kɛɛkɛ kɔku kɔ́bwɛ kɔdubo ni, bina ɔtɔtɔ ɔdubɔgyu-mii na bawɔne badubɔda ama alati bana bebi bewi.

Yeremia 50:16

Ukyuli ɔdi ɔsɔ uuubo Babilon kalɔ lɛlɔ na ɔkya edula adi iye ɔƒɛ adi lɛnɔ. Na baƒɔ bani ƒui nkya mmɔ bátɔlɔ bésie bana lɛma na bekisine bammɔ bɔyia ɔsu.

Yeremia 51:13

Amii Babilon bekyuli, amii nli Euƒrate Ketu amadɔ na ntu bɔni na bɛ́bwɛ ulu bíte bɔ́ka bɔ́mana-mii. Na bibo lɛkɛ, nsu ɔƒaamu bina uwi údu ka bikpi.

Yeremia 51:30

Babilonƒuɔ bekpone báyila bana ɔyikun ku ɔtɔtɔ na báƒɔ lɛlɔ bakya bana kagyumanakɔ lɛtɔ kemmo na balakana na bekpo uwi ɔni na bana bekisine baabwɛ bana ɔma awodu taasia ɔban kenye teeduo-ma lɛlɔ na baatu ogya taakya bana kɔduli.

Nahum 1:1

Unwoti ɔ́su kenye kadi ɔ́siku Niniwe lɛlɔ na údie ɔ́tina Nahum ɔni nási Elkosi.

Nahum 3:17

Bina bagyumanane ku bakutine ƒui bátavumana ku baalɔlɔ. Ɔsika si kɔyɔ kɔkya ni, baayu teelie ɔban ligyii lɛlɔ. Na si ɔƒɛ úse kalɔ ɔɔbi ni, beeveyi taatɔlɔ, na ukyuli ɔdi ulati kesii kani na bésie.

Budie Taatina 17:1

Amu na batu maatɛ bani nda kɔlaku kɔmmɔ kemmo unwi úbo-mi kudɔ na ɔ́su-mi ɔnini, “Bo, na lɛtina-a kalɛ na badubo ɔyalɛ ɔni náƒɔ lɛnyi mmɔ kɔtu bɔni. Anwu ndi ɔma unengudi ɔni na bátu bényene ntukpa pii kudɔ.

Budie Taatina 17:15

Amu na ɔtu ɔmmɔ ɔ́su-mi ɔnini, “Ntukpa bɔni kudɔ na ánu ka ɔyalɛ ɔmmɔ ulie ni, amu nnye nte kalɔ ƒui bekyuli ku bani nkya kaba ku kadi ku kalɔ ku adi ƒui kemmo.