Nahum 2:4 - Katɔti Ɔku Kedee

⁴ Na bapɔnkɔ bammɔ badanku kɛɛkɛ lɛmmɔ beekeliku taavinku ɔma ɔmmɔ lɛblɔnu lɛlɔ ƒui teesie taasɔ ku usi momoomo na liikeye taabwɛ ogya aani kalɛ na kayaa kaabwɛ ogya.

Nahum 2:4 ပူးပေါင်းရင်းမြစ်များ

Agba 31:21

Liƒu liláda-nwu si kɔyɔ uwi ɔdubo, ɔsika ubo kɔyɔ adala ute nwuna kaduli bekyuli.

Yesaia 37:24

Átala bekyuli ákya Unwoti, na bákpila-nwu edumi. Na ásu anini, “Nkɛnku mina bapɔnkɔ kɛɛkɛ lɛlɔ na lɛ́ɛkɔ abi ani na ákuku ƒui eli lɛ́vi ku Lebanon kesii kani bene na kákuku ketulo ƒui. Na egyii kpakplaa ammɔ ƒui líkulo-nya líwi kalɔ, ku egyii abuni ani nálɛ enye salaa ƒui. Na kesii kani na kadi kabɛkɔ ƒui líduo mmɔ bene lɛ́lɛ, kesii kani na kadi lɛkumiɔ geen.

Yesaia 66:15

Bɛnu! Unwoti uli nwuna kɛɛkɛ kemmo ɔdubo ku ogya na use aani ɔƒɛƒɛɛ ɔni mɔɔkya ligede. Ɔkɛnku kɔnyi kati kati ɔdubo na ɔdubo bekyuli bɔbɔku ku ogya unyemi ɔni mɔɔda gaganga.

Yeremia 4:13

Bɛnu! Aanu bina bekisine bekpone ka bási baayu aani kalɛ na kɔdigbo kɔɔtu taayu lɛla lɛni na uƒie lɛlɔ. Bana bapɔnkɔ ku kɛɛkɛ uukeli usi momoomo teetulo kalɛ na ɔƒɛƒɛɛ kpakplaa uuminime liƒlukutu na kayaa. Na mmɔ na bɛdubɔsu ku kɔnyana bɛnini, ‘Abu ɔdi ɔ́sa!’

Yeremia 46:9

“Egyipte, awɔ sie anumi na asu ƒula bekpone ku bana lɛkɛɛkɛ lɛni bada ƒui anii bikpo-ma kpakplaa. Na edie lɛdi ete ƒula bekpone akpa ammɔ anii babwɛ balɛ ku Kus bekpone ku Libia badi lɛnɔ bani nda agyumanala ku Lida bekpone bani nda kɔtaminta ku atula ƒui.

Esekiel 23:24

Bana bekpone yuu bammɔ badubɔsi kalɔ kammɔ katɔ kakɛ ku bana bapɔnkɔ kɛɛkɛ lidu ku ekpola. Na badubɔkya bana kekpo adala ku kɔbwa kɔni mɔɔgyumana-ma na babaka bamana-a na batɛku-ɔ litemi na badu-ɔ kɔtɔ ɔkɛnku bana ɔda bubo lɛlɔ.

Esekiel 26:10

Na ɔtumu ɔni ndubo butaata taakɔ katɔ na bapɔnkɔ bammɔ bumomo ku bana lɛgba lɛni na beetú kalɔ ɔsu ɔdubɔbla aani kalɛ na liƒlukutu bonwu lɛɛƒɔ́ kayaa. Na bapɔnkɔ kɛɛkɛ ku bapɔnkɔ beliene bammɔ kɔku kɔni na badubo butaabla si báni beedé ɔma ɔdubɔya na awodu ammɔ muedi ataakunku. Na ɔni ntulo ƒui ndi uwi ɔni na ɔga ɔmmɔ ɔlati uuduo ɔma ɔni na bábwɛ béwi kalɔ mmɔ ku lɛmɛnɛ bɔkun.

Esekiel 26:7

“Babilonƒuɔ Ɔga Nebukadnesar ndi ɔga ɔni mbo ɔyikun utulo ƒui na kayawi. Na anwu kani mbo bapɔnkɔ ku bapɔnkɔ kɛɛkɛ ku bekpone bapɔnkɔ beliene utulo ƒui.

Daniel 11:40

“Na kawɔlɔkɔ uwi ɔmmɔ lɛlɔ ni, ɔga ɔni nkya kada kakɛ ɔdubɔta na utékpoku ɔga ɔni nkya katɔ kakɛ. Nsu ɔga ɔmmɔ ɔdubɔlɛ ubasiaku-nwu aani ɔƒɛƒɛɛ ku nwuna kekpo kɛɛkɛ pii ku bekpone bapɔnkɔ beliene ku lɛkɔlɔ. Na geen ni, nwuna bekpone badubɔsia kɔlɔ kɔlɔ kemmo bɔlɛ aani kalɛ na ketu keeyi taagba na badi-ma lɛlɔ.