Nahum 1:8 - Katɔti Ɔku Kedee

⁸ Nsu nwuna bekisine ama ni, ɔɔbɔku-ma taatákya kasuudikɔ aani kalɛ na ketu kani néyi kaagbála ala ku kɔku momoomo taatɔlɔku, na ɔyila-ma udu.

Nahum 1:8 ပူးပေါင်းရင်းမြစ်များ

Hiob 30:15

Liƒu sɔɔn náka lɛ́mana-mi ɔƒɛni amu. Na mina lɛkɛ o-o, mina lɛnyi lɛni na lɛ́ƒɔ o-o, ana ƒui áyii ákya-mi, aani kalɛ na liƒlukutu lɛɛyii taakya kayaa.

Hiob 40:11

Die ƒula kɔnyi keyi, na eboku bekyuli bani mɔɔtalaku lɛlɔ katɔ kalɔ.

Agba 4:19

Nsu bekyuli bekpidi kavinkɔ aka kese aani ubu ɔni nse suu geen. Na balati lɛla lɛni mɔɔyá na beetulo taagbanta.

Yesaia 13:10

Na kayaa ayabi lidu ƒui asɔ elekeye. Na ɔƒɛ ɔni nátu ɔdubo lɛnɔ adubɔbla suu. Lɛni kani na kɔbuli lɛnɔ kɔsɔ kɔɔɔdubo bukeye.

Yesaia 13:9

“Bɛnu! Unwoti limeyi lɛmmɔ lɛsia ulu, nwuna kɔnyi limeyi likpidi lɛmmɔ ku ɔdu kati kati ka ubakyula kayawi ku kana alaekpidi bablane bammɔ ɔni na kalɔ kammɔ kasɔ kalabla keliekɔ kabuni.

Yesaia 28:17

Na aani ɔtune kalɛ ni, litemi bɔtɛ ulu lɛlɔ ndubɔdi mina kabuli kani na ndubuti lɛkɔku kowodu kɔmmɔ bunye. Na ugyii ɔni mɔɔtina kowodu kavikɔ ligeen ndubɔtina kalɛ na mɔɔbla ala siin. Na ɔƒɛƒɛɛ ku ɔnantu ku etubankɛ na ndubɔya na ana na agbala bina ɔkɔ ala bɔbla ƒui bɔni ndi bina katamikukɔ ku kabɛkɔ mmɔ na ɔyila lɛla biala.

Yesaia 28:18

Na lɛla lɛni na bínyimi ku kukpi ku kaƒiɔtɔ mmɔ ƒui ɔbla kekeeke. Na si kawɔlɔkɔ lɛbibo kpakplaa lɛmmɔ lídu ni, lɛdubo-mii bubo bɔva kalɔ.

Yesaia 28:2

Bɛnu, Unwoti ɔdanku ukyuli ɔni na úbomo, na ubo ɔyikun ku ɔlɔkplu, aani etubankɛ ku ɔnantu ku ɔƒɛƒɛɛ kpakplaa ɔni muubile ala, na ɔdubo ubetiku-ma ku kɔnyi.

Yesaia 8:22

Na si báyula anumi kalɔ lɛnɔ ni, lɛƒɛda lɛmmɔ kani na badubo bɔnu na ɔbla-ma suu na liƒu geen lɛƒɔ-ma lɛlɔ kemmo ƒui na basɔ bakya lɛdisa suu lɛmmɔ kemmo.

Yeremia 13:16

Binye bɛɛsia bukeye anu, nsu lɛdisa na Unwoti úti uumene-mii. Bɛɛnu ka ɔyuli kɔyu kɔ́ɔƒɔ abi ammɔ lɛlɔ suu ɔdubo. Anwuɔsu binwini bibo Katɔti kudɔ na bidie bina alaekpidi kalɔ bite-nwu asa na bigyiile bibuli.

Yeremia 51:64

‘Lɛni na Babilon ɔdubo bɔnyi busie kalɔ kalɔ si uwi ɔni Unwoti ɔdubo kalɔ kammɔ bɔkyula. Na ukyuli biala na ɔma unengudi ɔmmɔ kemmo ɔdubo bukpi balákɛ ɔyikun ɔni na basɔ benwini bebo ngba.’ ” Yeremia ala ani na únweni ni, édu kawɔlɔkɔ.

Esekiel 13:13

“Kowodu kɔmmɔ ndi Yerusalem, na ami Unwoti Katɔti ndubo ɔƒɛƒɛɛ ku ɔnantu ku etubankɛ ku ɔƒɛƒɛɛ kpakplaa bumene na ubaƒɛ kowodu kɔmmɔ ubi kalɔ kpɛtɛ kpɛtɛ.

Daniel 11:10

Ɔga ɔni mɔɔdi lɛlɔ na katɔ kakɛ bebi badubo bɔta ku bekpone lisu bonwu bani ndubo bɔta ku ogya aani kalɛ na ketu keeyi taagbala ala ku kɔku bonwu beti betédu kesii kani na lɛlɔ ɔdine ɔmmɔ kɔgyumanakɔ kpakplaa kunye.

Daniel 11:22

Na ɔdubo bekpone lɛlɔ bɔdi na ɔda Katɔti ɔkpane unengudi ɔƒunadi muedi udie nwuna kenyekɔ.

Daniel 11:40

“Na kawɔlɔkɔ uwi ɔmmɔ lɛlɔ ni, ɔga ɔni nkya kada kakɛ ɔdubɔta na utékpoku ɔga ɔni nkya katɔ kakɛ. Nsu ɔga ɔmmɔ ɔdubɔlɛ ubasiaku-nwu aani ɔƒɛƒɛɛ ku nwuna kekpo kɛɛkɛ pii ku bekpone bapɔnkɔ beliene ku lɛkɔlɔ. Na geen ni, nwuna bekpone badubɔsia kɔlɔ kɔlɔ kemmo bɔlɛ aani kalɛ na ketu keeyi taagba na badi-ma lɛlɔ.

Daniel 9:26

Na uwi ɔmɛni kawɔlɔkɔ ni, badubo Ukyuli Ɔƒunadi ɔmɛni bɔdu na nwuna lɛla biala lilébu. Kadi bamba lɛlɔ ɔdine ɔni ndi ɔƒɔ ɔdi ku nwuna bekpone badubo babasia mmɔ bavi aani kalɛ na ketu keeyi taagba taavi kesii kadi na babwɛ ɔma ɔmmɔ ku kakpakɔ kammɔ na kekpo ku ala bubile bɔmmɔ bɔdubusie anumi utédu kawɔlɔkɔ aani kalɛ na Unwoti ɔ́lɛ ugyii úse.

Amos 8:8

Ndubo bɔya na kayawi kemodi kammɔ katɔ kpakpaakpa na bekyuli bani mebu melie-ka kemmo bewulo kɔnyana na bataata teebo aani kalɛ na Nil Ketu keeƒuƒuo taakɔ taasɔ taayu.

Nahum 1:1

Unwoti ɔ́su kenye kadi ɔ́siku Niniwe lɛlɔ na údie ɔ́tina Nahum ɔni nási Elkosi.

Nahum 2:8

Niniwe use aani libiɔ lɛni na bátu na lɛ́bwɛ na nina ntu bɔɔlɛ́ taatɔlɔ, ɔsika kɔvanu kɔda kesi kesii banini, “Bitatɔlɔ! Bitatɔlɔ!” Nsu lɛni kani na ukyuli biala ɔ́vi ɔɔlɛ́ ɔma ɔmmɔ kemmo.

Seƒania 2:13

Unwoti ɔdubo busie butédu kalɔ kammɔ katɔ kakɛ na utábwɛ Asiria, na unwini Niniwe ɔma unengudi ɔmmɔ ubi.

Mateo 7:27

Ɔnantu ɔ́na na ntukpa búyi, na ɔƒɛƒɛɛ úkpo momoomo ɔ́siaku ɔtɔ ɔmmɔ, na ɔ́ƒɛ butu butu.”

Mateo 8:12

Nsu Katɔti ɔdubɔbɔku Yudaƒuɔ badi bani nka badi bagadine mmɔ utákya kasuudikɔ. Mmɔ na badubuwulo na badu bana anumi.”

Samuel 1 2:9

Ɔdubɔgyumana nwuna bekyuli kedee ƒui na bana kɔvinkɔ. Nsu balalane ni, badubo bɔyi bɔkya lɛdisa kemmo na bayii ku udu. Ukyuli ulélie ngba ɔkɛnku anwu ɔlati ɔyikun lɛlɔ.