Nahum 1:4 - Katɔti Ɔku Kedee

⁴ Si Unwoti údie lɛdi ni, ɛpu ku ntukpa ƒui bɔɔkwii, na aku ani nkya Basan ku Karmel ku Lebanon abi lɛlɔ ƒui egyii ku anwula aayɛyɛ.

Nahum 1:4 ပူးပေါင်းရင်းမြစ်များ

Ala Kalɔ Buse 8:1

Nsu Katɔti anu asia Noa ku beƒiebuo ku ɔmantɛ bebuo bani nkya-nwu kudɔ na ɔkɔlɔ ɔmmɔ kemmo lɛlɔ. Anwuɔsu ɔ́ya na ɔƒɛƒɛɛ ɔdi úkpo ɔ́vi ntu bɔmmɔ anumi na ɔ́ya na ntu bɔmmɔ bɔ́kpɛ.

Samuel 2 22:16

Ɔ́bɔku ɛpu na ɔƒɛƒɛɛ ɔni mɔɔlɛ́-nwu enwu ɔ́ya na ɛpu ɔmmɔ kalɔ kátina nwaa na kalɔ kemmo atabi ɔka údie lɛlɔ.

Hiob 38:11

Ɔma nátina-nwu kesii kani na uyi ɔwɔ, na ɔ́su-nwu ɔnii nwuna ɔvɔlɔvɔ ani mɔɔta teebo atavia mmɔ?

Kɔgya 104:7

Nsu ka édie lɛdi momoomo ni, ntu bɔmmɔ búse kalɔ bɔɔgbá

Kɔgya 106:9

Údie lɛdi na Ɛpugyie ɔmmɔ ɔ́kwii kɔnakunwi. Na ɔkpanku-ma na bávi-nwu kemmo aani kalɔ kakwiidi lɛlɔ na bakɛ.

Kɔgya 114:3

Ɛpugyie ɔ́nu ɔmɛni na ɔ́bwɛ lɛlɔ ntɛ. Na Yordan Ketu kédi kénye na kasɔ kalagba.

Kɔgya 114:5

O Ɛpugyie, bi mɔɔlɛ́ku-ɔ na ábwɛ lɛlɔ ntɛ lɛni? Na Yordan, bi ɔsu na édi énye kɔnakunwi lɛni, na ásɔ alagba?

Kɔgya 18:16

Ɔkɛnku nwuna ɔyikun lɛlɔ na úbedie-mi ɔ́lɛku ligyu ntu bɔmmɔ kemmo.

Kɔgya 74:15

Áya na abiɔ ku ntukpa ƒui bɔ́ƒɔ ntu na bɔɔgbá. Na ntukpa bonwu bɔ́kwii.

Yesaia 33:9

Mmo bɔ́kywi bunye na lɛla lɛla liiibo-mu kemmo. Na Lebanon lɛku lɛ́yɛyɛ linye aani ukyuli ɔni na kɔƒa kúƒie. Na Saron Ɔkwalɛ únwini kalɔ kakwiidi. Na Basan ku Karmel aku ƒui éwiile evete.

Yesaia 42:15

Ndubo bɔya na abi ku abinkpo ƒui ayii udu, na livo ku lɛku kemmo egyii ammɔ ƒui akwii. Na lɛya na ntukpa ku abiɔ ƒui akwii.

Yesaia 44:27

“Ami muudie lɛdi taakya ɛpu ku ntukpa ƒui na bɔɔkwii.

Yesaia 51:10

Na awɔ kani náya na ɛpu ntu bɔ́kwii na kalɔ kekpludi kálɛ na ƒula kadi bekyuli bani na édie bákɛ ulu básia mmɔ bálɛ.

Esekiel 30:12

“ ‘Ndubo bɔya na Nil Ketu bonwu kammɔ kakwii na liti kalɔ kammɔ liye lite bekyuli bekpidi badi. Na ndubɔya na bekyuli basi kaƒɔ bebo bababla na kalɔ kemodi kammɔ kenwini kalɔ kakwiidi kani kemmo na lɛla lɛdi lɛsɔ liladia. Ami Unwoti násu.’ ”

Esekiel 38:20

Na lɛlɔ lɛdubo ngba lɛla biala nkya kalɔ kammɔ lɛlɔ bɔtɔ ku bɔyia geen na ami ɔsu, kɔbɛ ku baasɛ ku alakpi akɔ bebuo ku bebuo bani mɔɔkpɛ́ kaƒɔ kalɔ ku bekyuli bayawine ƒui. Abi adubo butaabwɛ teegyingya na atakpɛ ataamami na lɛma linengudi ala ataaƒɛ teewi kalɔ.

Amos 1:2

Nwuna kenye kammɔ ndi ɔnini, “Unwoti ɔɔkwanyi taasiku Sion na kudu kɔni mɔɔsí Yerusalem mmɔ kɔ́ya na bebuo kadikɔ livo lɛmmɔ ƒui lɛ́yɛyɛ. Na livo lɛni na liwi Karmel Kɔbi lɛlɔ ƒui líkpi.”

Amos 5:8

Unwoti nábla ayabi lidu ɔ́kya katɔ, na enye ana kunyekɔ. Ɔɔyá na usien uugyé kadi nwaa na ɔƒɛ kadi nwaa kaasá teenwini usien. Na uudie ntu na ɛpu kemmo teewi kalɔ lɛlɔ. Nwuna lɛnyi ndi Unwoti.

Mateo 8:26

Mmɔ na Yesu úye-ma ɔnini, “Bi ɔsu na bibo liƒu lɛni? Bina bɔƒɔtaadi bɔsɔ.” Amu na ɔ́ta na ɔ́bɔku ɔƒɛƒɛɛ ku ntu bɔni mɔɔnwanɛ lɛlɔ mmɔ ɔnii bɔda bɔya. Na mmɔ ƒui kábla kpoo.

Yosua 3:16

ntu bɔni nási katɔ kakɛ bɔ́da bɔgba bɔ́ya. Na bɔ́sala lisu liku linwi. Na kesii kani na ntu bɔmmɔ búdi búnye mmɔ baalɔ Adam na ude Sareta na ɔgyunku kesii kani bávia mmɔ. Na ntu bɔni nágba bɔ́yu búsela Mma Ɛpu búkulo kɔnakunwi. Anwuɔsu bekyuli bammɔ bávia Yordan Ketu na kesii kani nde Yeriko.