Nahum 1:2 - Katɔti Ɔku Kedee

² Unwoti ɔdi Katɔti ɔni naaawia ka ukyuli ɔdi ukpoku-nwu kogyulo, mmomu ɔɔwia ka badi nwuna litemi lɛlɔ siin. Na ɔɔƒɔ nwuna bekisine kayu teedie-ma kasi na kɔnyi kemmo.

Nahum 1:2 ပူးပေါင်းရင်းမြစ်များ

Hiob 20:23

Si uwi ɔni na bádi na bémo báwɔlɔ ni, uwi ɔmmɔ na Katɔti uubó-ma taaƒiɛmi kalɔ ku kɔnyi na ɔya na nwuna lɛbibo ku lɛtuni limo-ma aani kalɛ na baanina ukyuli na ubweli lɛla biala.

Kɔgya 94:1

O Unwoti Katɔti, awɔ ani muudie alaekpidi bablane kasi, ta na ani-ma kɔtu.

Israelƒuɔ Bɔlɛ 20:5

Na tebo kalɔ takya baƒiɔ badi lili kalɔ iye akpa ɔdi. Ɔsika ndi bina Unwoti Katɔti ɔni muukpó kɔgyulo, na mɔɔní bekyuli bani muukisi-mii kɔtu ɔ́si bati ku bebi lɛlɔ útédu kaba katɛdi ku kenedi lɛlɔ.

Israelƒuɔ Bɔlɛ 34:14

Na takpa ɔti ɔdi tebunku ami Unwoti lɛti pɛ. Ɔsika ami Unwoti muukpó kogyulo.

Israelƒuɔ Bɔlɛ 34:7

Mɔɔdi mina kenye kani líse líte kaba bekyuli apim apim lɛlɔ na muuti bekyuli bani nénwini kama bákya bana ulikplu ala ku bani mɔɔta teenye-mi lɛlɔ ku ekpidi ƒui taakyiɛ. Nsu mɔɔní bekyuli bani mɔɔƒiɔ́-mi ƒui kɔtu. Naaayiƒala kudii ka lɛni bana bebi ku bawɔ kɔtu utédu kaba katɛdi ku kenedi lɛlɔ ɔ́si ekpidi ani na bana bawɔne bábla ɔsu.”

Yesaia 42:13

Unwoti ɔ́nya kalɔ ɔɔví aani ukpone, na uudie lɛdi ku kɔnyi momoomo uwi ɔni na uubó nwuna bekisine teewi kalɔ.”

Yesaia 51:17

Yerusalem kadi bekyuli, bɛta! Bɛta binye, ɔsika Unwoti lɛtuni lɛni na úte-mii na bɛ́ni aani ntu na ɔɔƒɛɛ kemmo límo-mii lɛ́vili ɔƒaamu. Bɛ́ni lɛla biala útédu eku ekplodi na bɛsɔ bilakana na bisie ligeen.

Yesaia 51:20

Bina Unwoti Katɔti úti kɔnyi ɔ́kya-mii, na ɔkɛ ɔmmɔ ɔsu bina bebi ƒui bewi lilu lɛlɔ bávi kesii biala na kablakɔ kadi kasɔ keeebo-ma aani akwa ɔni na kakpagyuɛ kéƒie na ɔsɔ ulakana lɛlɔ bunene na abuli ammɔ kemmo.

Yesaia 66:15

Bɛnu! Unwoti uli nwuna kɛɛkɛ kemmo ɔdubo ku ogya na use aani ɔƒɛƒɛɛ ɔni mɔɔkya ligede. Ɔkɛnku kɔnyi kati kati ɔdubo na ɔdubo bekyuli bɔbɔku ku ogya unyemi ɔni mɔɔda gaganga.

Yeremia 25:15

Unwoti Israel Katɔti údie lɛla lɛdi ɔ́tina-mi na kɔyu kemmo na ɔ́su-mi ɔnini, “Yeremia, aanu ɔɔƒɛɛ ɔdi mɛni ɔni kemmo na ntɛ bɔni nnye nte mina kɔnyi kúyi tɛtɛɛtɛ. Ƒɔ na aya na kadi biala bekyuli bani bɔdi.

Yeremia 28:8

kuuku uwi ɔni návi asa na badubɔwɔ ami ku-ɔ ni, kenye bediene ƒui baasu taatina ka lɛga kɔdikɔ kunengudi kɔni mbo ɔyiku bonwu ƒui badubo-ku bɔbwɛ na kekpo ku ɔgbankpi bamba lidu ku lɛlɛ ɔsu.

Yeremia 3:5

Na biivele-mi bɛnii nda kɔnyi buti taakya-mi lɛya, nsu bíni bɛnii bilada bina ekpidi anya bɔbla biláya.”

Yeremia 36:7

Ɔƒɛni kalɛ si bénu lɛla lɛni na Unwoti ɔ́su ka wabla-ma na bana ekpidi ɔsu ni, badubo bunwini na bevele Unwoti banii uti bana bɔƒiɔ ɔkyiɛ-ma, ɔsika úti kɔnyi geen.”

Yeremia 4:4

Biti bina kayi ƒui biƒie lɛla lɛna na línyimiku-mii ƒui bɛda. Nsu si bítada bina atuɔkplu bítaya na bɛmu binye bɛɛbla ekpidi ni, mina kɔnyi kɔdubo-mii lɛlɔ aani kalɛ na ogya ɔɔkyula lɛla lɛdi na balakana-nwu bunine.”

Yeremia 50:15

Bikpo-ma na lɛƒɛnyi lɛlɔ! Babilon úte lili! Bekisine bammɔ báƒɛ-ma awodu ƒui béwi kalɔ ku bana kɔgyumanakɔ kɔmmɔ ƒui. Lɛla lɛni na Babilonƒuɔ bábla lɛma linengudi bamba ni, ami lɛnɔ muudie-ma kasi kammɔ.

Kɔnyana Buwulo 4:11

Unwoti úti kɔnyi kpakplaa ɔ́kya Sion geen ɔni na ɔ́ya na bekisine bákyula ɔma ɔmmɔ béwi kalɔ kpɛtɛ kpɛtɛ.

Esekiel 36:6

Bíibo abi na uwi útu geen na ami Unwoti Katɔti lɛ́kɛ kɔnyi geen! Na kadi bamba bekyuli lɛnɔ bédumi-mii.

Esekiel 38:18

Si uwi ɔni na ékpo Israelƒuɔ bammɔ áwɔlɔ ni, ndubo kɔnyi bɔkɛ geen.

Esekiel 38:19

Na ndubo bɔya na kalɔ bɔkunku kpakplaa bɔdi bubo na bubakunku Israel kalɔ kammɔ na mina kɔnyi kɔmmɔ kemmo.

Esekiel 39:25

“Ɔƒaani ni, ndubo Israelƒuɔ kɔnyana bɔnu na lɛkpanku-ma lɛsiku baƒɔ lɛma lɛni kemmo na bákya mmɔ lɛsɔku liboku bana kalɔ lɛlɔ. Ɔsika Yakob bebi ku bawɔ na badi, anwuɔsu ndubute-ma kusɛ kusɛ na lɛtina-ma ka nse kedee.

Esekiel 5:13

“Bɛdubo mina kɔnyi kpakplaa kɔni na líti lɛ́kya-mii ablala ɔlɛ bunu kaduɛ geen butédu uwi ɔni na medie-mii kasi mawɔlɔ. Na bɛdubo bɔnu bɔti ka kɔnyi kukpidi kɔ́kɔ ami Unwoti na bina litemi tenu ɔsu.

Esekiel 6:12

Bekyuli bani na bakya ɔgyu ni, ɔlɛ ukpidi ɔdubo-ma bubo na bekpi na bani na bede ni, badubukpi na kekpokɔ. Na bani mebu lɛnɔ ni, kɔka kɔdubo-ma bɔdu. Kalɛ na líti kɔnyi ńtédu ni, lɛni kani na ndubo-ma kɔnyi kɔmmɔ ala bɔbla butédu!

Esekiel 8:18

Anwuɔsu ami lɛnɔ kɔnyi kpakplaa kemmo na ndubo-ma kɔtu bɔni na lɛɛɛdubo-ma kɔnyana bɔnu munu munu. Na si ina baava taakpali-mi teevele muedi lɛɛɛdubo bunu bute-ma.”

Yoel 2:18

Ɔmmɔ kama ni, Unwoti anumi égyie na kalɔ kammɔ lɛlɔ, anwuɔsu ɔ́nu bekyuli bammɔ kɔnyana.

Lewiƒuɔ Ɔda Bubo 26:28

ndubuti kɔnyi geen lɛkya-mii na lɛya na bina kɔtu bɔni bɔkɔ katɔ bubu akpa maatɛ.

Mika 5:15

“Ndubo kɔnyi buti geen, na lɛni kadi bani bekyuli néni banii baaadubo-mi litemi bunu kɔtu na lidie-ma kasi na bana ɔbladu kenye.”

Mika 7:18

Unwoti Katɔti, beleti baƒiɔ badi balákɔku-ɔ, ɔsika eeti likpidi taakyiɛ abu ƒula bekyuli baƒunadi ɛlɛɛ bani nébu, na eléti kɔnyi taakya-bu uwi ƒui, mmomu aayɔ́-bu uwi ndi uwi.

Sakaria 1:14

Anwuɔsu ɔtu ɔmmɔ ɔ́su-mi ɔnii nkɔ lɛla lɛmɛni lɛsa nte bekyuli na lɛsu-ma ka Unwoti ɔnini, “Ami Unwoti Ɔyikune Ƒui mɔɔyɔ́ Yerusalem mina ɔma kedee na nwuna lɛlɔ ala eegyie-mi anumi geen.”

Sakaria 8:2

“Mɔɔyɔ́ Sion geen ɔni na nwuna bekisine baakya-mi kɔnyi.

Bumomo Bɔka 25:11

“Ɔsi lɛla lɛni na Pinehas ɔ́bla mɛni ɔsu mina kɔnyi kenye káyɔ na Israelƒuɔ bamɛni lɛlɔ. Ɔsika údie ɔ́tina ka utalɛka ukyuli ɔdi ɔkpa bamba utulo ami Unwoti. Na ɔmɛni ɔsu lɛ́sɔ ńteti kɔnyi na lɛyila-ma udu.

Romaƒuɔ 12:19

Banwa, bitedie ukyuli likpidi kasi kudii, mmomu bite Katɔti kuƒi na ɔbla nwuna kɔnyi kabla na ukyuli ɔmmɔ lɛlɔ. Ɔsika ni, Katɔti ɔ́su na Bunweni Kedee Ɔku kemmo ɔnini, “Ami Unwoti muudie kasi, na ami ndubɔƒɔ kayu.”

Romaƒuɔ 13:4

Ɔsika Katɔti kabla ɔblane na ɔdi, na ɔɔbla kabla kalɛ na ɔdianku-ɔ. Nsu si bɛɛbla likpidi ni, na ɔdi ka bɛyia-nwu. Ɔsika ɔɔɔdi keeke ɔsu na béte-nwu ɔyikun! Katɔti kabla ɔblane na ɔdi. Na ɔdi ukyuli ɔni mɔɔnu ka bábla lɛla biala ulu lɛlɔ na ɔni likpidi ɔblane biala kɔtu.

Lɛkpa Ulu 4:24

Ɔsika si bɛ́bla lɛni ni, bina Unwoti Katɔti ɔdubuti kɔnyi. Ɔsika uukpó kogyulo na use aani Ogya na ɔkana na ɔkyula-mii.

Lɛkpa Ulu 7:10

Nsu bani muukisi-nwu ni, ulenye taanu-ma gyɔlɔɔ mmomu uudie taalɛ-ma anumi ku anumi na ɔyila-ma udu kɔnakunwi.

Hebriƒuɔ 10:30

Ɔsika bɔgyi anwu ɔni násu ɔnini, “Ami ndubudie ukyuli likpidi lɛni na ɔ́bla kasi na lɛƒɔ-nwu kayu na nwuna kayu kenye.” Anwu kani násɔ ɔ́su ɔnini, “Ami Katɔti ndubɔtɛku mina bekyuli litemi.”

Yosua 24:19

Amu na Yosua ɔ́su Israelƒuɔ ɔnini, “Ngyi ka bilakana Unwoti bɔɔsiaku, ɔsika ɔdi Katɔti ɔni nse kedee na uukpó kogyulo na si bɛ́ta binye-nwu lɛlɔ ni, uleti bina ekpidi ulakyiɛ-mii.

Petro 2 2:9

Ɔmɛni ɔɔtina ka Katɔti ɔgyi kalɛ na udie bekyuli babuni ɔlɛku ala ani muukpóku-ma kemmo na ɔda bekyuli bekpidi use ute uwi ɔni na ɔdubɔni-ma kɔtu na litemi bɔtɛ limeyi lɛmmɔ lɛlɔ.