Mika 7:9 - Katɔti Ɔku Kedee

⁹ Lɛ́bla likpidi lɛ́ƒiɔ Unwoti, anwuɔsu na lɛkana libo abi si nwuna kɔnyi kúbo-mi lɛlɔ wetédu uwi ɔni na ɔ́nu-mi kɔnyana na ɔ́sɔ ɔ́klibi ami ku-nwu ntɛ na ɔ́ƒɔ-mi. Na ngyi ka ɔdubɔsɔku-mi ubenyene mina kenyekɔ kabuni kammɔ lɛlɔ na lɛnu nwuna bukeye na udie-mi.

Mika 7:9 ပူးပေါင်းရင်းမြစ်များ

Samuel 2 24:17

Ka Dawid ɔ́nu Katɔti ɔtu ɔni mɔɔdú bekyuli bammɔ ni, ɔ́su Unwoti Katɔti ɔnini, “Ami ndi ukyuli ɔni nábla likpidi lɛmmɔ na bamɛni ama ni, baƒonu na badi. Bi na ama bábla? Ya na ƒula kukpi kɔtu bɔni bɔmmɔ bubo ami ku mina kaduli bekyuli lɛlɔ mmomu.”

Hiob 23:10

Nsu ɔgyi lɛla biala na mɔɔbla, na si banii ɔ́kɔku-mi ɔ́nu ni, ndubo buse sɛɛn aani sika ugyiedi ɔni ndia utulo ƒui.

Hiob 35:14

Na awɔ anii alánu Katɔti ɔmmɔ, nsu ƒula litemi lɛkya-nwu kudɔ na bɛdubo bunye bɔtɛ. Ɔɔɔdubo-ɔ bɔkpete, na bɛdubɔsa na litemi katɛkɔ.

Kɔgya 119:154

Kpo na edie-mi kenye, na aƒɔ ete-mi aani kalɛ na ásu ése.

Kɔgya 37:6

Ɔdubɔya na ƒula ala ani na aabla siin eteekeye aani lɛdigye. Na ɔtɛ ƒula litemi na ɔbla nwaa aani ɔƒiiwi.

Kɔgya 43:1

Unwoti Katɔti, tɛ ami ku kadi kani bekyuli naaagyi-ɔ mɛni ntɛ litemi na ete-mi ubo. Na edie-mi alɛku ɔkɔ banyine ku balalane bamɛni akɔ.

Kɔgya 7:6

O Unwoti, ta ku kɔnyi na enye ada mina bekisine bani nsiaku-mi ku kɔnyi geen! Ta na ebunku-mi! Ɔsika awɔ mɔɔtɛ litemi ulu lɛlɔ.

Kɔgya 94:15

Na ɔdubɔya na litemi batɛne basɔ bataatɛ etemila ulu siin lɛlɔ na bani nse siin ƒui basia-ma kama.

Yesaia 42:16

Na ndubɔtɔnku mina banumbwɛne bɔsiaku ulu ɔni na baaagyi kudii lɛlɔ. Na lɛkpanku-ma lɛsiaku ulu ɔni lɛlɔ na bátasia kudii lɛlɔ. Na ndubɔya na kasuudikɔ kani na bakya kenwini bukeye. Na kesii kani na kese kpukplo kpukplo kabla suɛlɛ suɛlɛ. Na ndubo ala amɛni bɔbla ɔni na lɛɛɛdubo-nya bɔda buse.

Yesaia 42:7

Na adubɔya na banumbwɛne basɔ bataanu na aya na bekyuli bani na likpidi líbo-ma lɛkpu na bakya kasuudikɔ aani batɔntɛne bakɛ bɔnwuna na balɛ bana ekpidi kemmo.

Yesaia 46:13

Ndubo mbaƒɔ-mii, na uwi ɔsɔ uletu. Ńtagyunku-mii, ɔsu lɛɛɛdubo uwi ɔdi bubile. Ndubo Yerusalem budie na mina lɛnyi likeye na Israel.”

Yesaia 51:22

Bina Unwoti Katɔti ɔni muubunku-mii na ɔɔgyumana-mii ɔnini, “Lɛ́ƒɔ mina kɔnyi kɔni nse aani ntɛ ɔɔƒɛɛ ɔni kemmo na bɛ́ni lɛbibo bíkpi aani ntɛ mmɔ. Na basɔ belenye-mii lɛlɔ banii bɛni lɛbibo lɛmmɔ udu lɛnɔ.

Yesaia 56:1

“Bɛbla ala bɛsiaku ulu geen ɔmmɔ lɛlɔ, ɔsika ndubo uwi klukwii mbaƒɔ-mii ngba. Na bekyuli ƒui badubɔnu mina ɔyikun ɔni na mbo na lɛƒɔ ukyuli ngba na kalɔ kamɛni lɛlɔ kesi kesii.

Yeremia 10:19

Mmɔ na bekyuli bammɔ básu banini, “Bɔ́ƒɔ ɔlɛ na bukpi kani na bɔdubo bukpi. Bi náya na bɔ́su bɔnii bɔdubɔkana lɛbibo lɛmmɔ kenye bunye?

Yeremia 14:7

Ɔdi litemi geen ka bula alaekpidi bonwu ani bɔɔbla adubɔkana na aya na ani-bu kɔtu. Nsu si édie-bu ni, Unwoti, ukyuli biala ɔdubo bɔnu kalɛ na ébo.

Yeremia 51:10

“Mmɔ na Israel kadi bekyuli básu banini, ‘Bɛsu ukyuli biala na Sion ka Unwoti údie Babilon lɛla lɛni na ɔ́bla-bu kasi.’

Kɔnyana Buwulo 1:18

“Unwoti ablala ƒui ese siin. Na ami mmomu, néni na neeenu-nwu litemi. Na ɔƒaani ni, mɔɔsu-mii nnii binwini bɛnu abi ani na muubó. Béƒie-mi bakloƒu ku begblebi ƒui bátɔlɔku bésienku kaƒɔ.

Lewiƒuɔ Ɔda Bubo 26:41

ɔsu na ami lɛnɔ lɛ́ta línye-ma lɛlɔ na líti-ma ńtákya bana bekisine kalɔ lɛlɔ, na si bana kayi kani lɛlɔ na bétekulo ekpidi bétedie mmɔ kébo kalɔ buɛɛ ku udu buni na báƒɔ bana ekpidi lili kayu ni,

Malakai 3:18

Na bekyuli badubɔnu kavumana kani nkya bekyuli bani muunú-mi litemi na baabla ala ulu siin lɛlɔ ku bani néni-mi na baabla ekpidi ntɛ.”

Korintoƒuɔ 1 4:5

Anwuɔsu ni, ɔdi utatɛku ɔkpanadi litemi wetédu ka uwi ɔbuni ɔmmɔ webo. Si uwi ɔni na Blɔti úbo ni, anwu ndubɔtɛku ukyuli biala litemi na limeyi likplodi lɛmmɔ lɛlɔ. Na anwu ndubudie kasuudikɔ ala abɛdi keyi na ɔdubudie ala ani na bekyuli kakali kadanku ɔtina. Mmɔ na Katɔti ɔdubumwi ukyuli biala kalɛ na ɔ́bla nwuna kabla ɔ́vinku.

Timoteo 2 4:8

Na ɔ́si ɔƒɛni ni, Katɔti ɔ́ɔklibi mina kabwa kani mɔɔtina ka lílie ɔƒɔtaadine ngba ulu lɛlɔ úse-mi. Ɔdi kabwa kani na Blɔti ɔni mɔɔtɛ bula ƒui litemi ulu lɛlɔ ɔdubo-mi bute limeyi likplodi lɛmmɔ. Na ɔɔɔdi ami lɛti pɛ ndubɔkɛ-ka, mmomu ami ku bani ƒui lɛnɔ nsia anu bete Blɔti bɔsɔ bubo bɔmmɔ.

Budie Taatina 18:20

Amii bani nkya katɔ ƒui lɛlɔ lɛyɔ-mii. Na amii Katɔti bekyuli ƒui ku batalane ku Katɔti kenye bediene ni, lɛlɔ lɛyɔ-mii! Ɔsika Katɔti ɔ́tɛku ɔma ɔmmɔ litemi na lɛla lɛni na ɔ́bla-mii ɔsu!’ ”

Samuel 1 24:15

Unwoti kani ndi bula litemi ɔtɛne, na anwu ndubo litemi lɛmmɔ bukulo na ami ku-ɔ ntɛ. Anwu mɔɔnu mina lɛbibo na ɔdubute-mi ubo na udie-mi na ƒula enu kemmo.”

Samuel 1 25:39

Ka Dawid únu ka Nabal úkpi ni, ɔ́su ɔnini, “Bemwi Unwoti, ɔsika ɔ́du Nabal kɔtɔ na lɛla lɛni na ɔ́bla-mi ɔsu. Údie-mi na ńtabla lɛla likpidi lɛdi, mmomu ɔ́ya na Nabal ɔlati likpidi lɛ́sia-nwu lili.” Amu na Dawid ɔ́sia Abigail kenye ka ɔɔyɔ́ ka uti-nwu na unwini ulekudi.

Samuel 1 26:10

Na ɔ́su-nwu ɔnini, “Unwoti ɔni nli ngba mɛni ɔlati ndubo-nwu bɔdu na kekpokɔ iye anwu ɔlati ndubo bukpi nwuna kukpi.

Samuel 1 3:18

Ɔmmɔ ɔsu Samuel ɔ́sɔku lɛla biala ɔ́su Eli na útabɛla-nwu lɛla lɛdi. Amu na Eli údie kenye ɔnini, “Anwu ndi bula Unwoti, anwuɔsu buuubo lɛla lɛdi na bɔsu, mmomu ɔbla nwuna lɛyɔla lɛni na ɔ́nu ka lɛdia na lɛ́manku.”