Mika 7:8 - Katɔti Ɔku Kedee

⁸ Mina bekisine, bitakun tɔ lɛmɛnɛ na mina lɛlɔ. Use ka líbuli bɔdi, nsu nsɔ ndubo bɔta. Ina ka ɔƒɛ ɔ́sa ɔ́kya-mi ni, Unwoti ndi mina bukeye.

Mika 7:8 ပူးပေါင်းရင်းမြစ်များ

Hiob 31:29

“Lɛlɔ lítayɔ-mi kudii si lɛ́nu ka mina ukisine ɔdi uubó abi iye úduo ɔgbankpi ɔdi kemmo.

Kɔgya 112:4

Na bani ƒui mɔɔbla ala ulu lɛlɔ ni, badubɔnu bukeye na kesii kani na lɛdisa lɛkya. Ɔsika baabla lɛƒɔndia na baanu bekyuli kɔnyana na bese siin.

Kɔgya 143:3

Mina ukisine ɔbi ɔsiaku-mi na uukpóku-mi. Úbo-mi ɔ́va kalɔ na ɔ́di-mi lɛlɔ. Na úti-mi ɔ́kya lɛdisa kemmo aani ukyuli ɔni nékpi kukuuku.

Kɔgya 20:8

Bani anumi nsia ala ammɔ lɛlɔ ni, badubo kalɔ bubo na bebuli. Nsu abu ni, Unwoti Katɔti ɔdubo-bu katɔ bɔkɔliku na bunye kpakplaa.

Kɔgya 27:1

Unwoti ndi mina bukeye na anwu muudie-mi lɛbibo biala kemmo. Ɔdi mina katamikukɔ kani muukeli teesie na ɔɔgyumana-mi ɔsu naaayia.

Kɔgya 35:19

Unwoti Katɔti, taya na bekyuli bani muukisi-mi keeke mɛni bakɛ ebiti na mina lɛbibo ɔsu. Na taya na bataamana bana anumi taakya-mi ka bákɛ lɛla lɛni na baawia ɔsu. Nsu ɔɔɔdi lɛla lɛdi na lɛ́bla-ma.

Kɔgya 37:21

Balalane beevó ala na balásɔku teesienku. Nsu bekyuli bani nse siin baanu kɔnyana na beete taasia kama.

Kɔgya 37:24

Na si ɔ́gbanta ni, ulebuli, ɔsika Unwoti ɔdubɔda-nwu na unye ligeen.

Kɔgya 38:16

Ɔsika lívele-ɔ nnini, “Taya na mina bekisine bama-mi na bakun lɛmɛnɛ ka lígyile nnii muubuli ɔsu.”

Kɔgya 84:11

Ɔsika Unwoti Katɔti uukeye aani ɔƒɛ na anwu mɔɔgyumana-bu. Anwuɔsu na uute-bu kusɛ kusɛ na ɔɔbla-bu lɛƒɔndia na ɔɔyá na bɔɔƒɔ́ lɛnyi na ulaya na bekyuli bani nse siin baayaki lɛla lɛbuni lɛdi uwi ɔdi.

Kɔgya 97:11

Bekyuli bani mɔɔdi Katɔti litemi lɛlɔ na baabla ala ulu siin lɛlɔ ni bana kasiakɔ keekeye na lɛlɔ lɛɛyɔ́-ma.

Yesaia 2:5

Israel kadi bekyuli, bibo na bɔsia Unwoti bukeye kemmo.

Yesaia 49:9

Na ndubɔsu bani na béƒie bátɔlɔku nnii ‘Bɛlɛ-ma lɛlɔ bɔdi kalɔ na bɛkɛ bɔnwuna. Na amii bani nkya kasuudikɔ ni, bɛlɛ bibo bukeye kemmo!’ “Na badubɔbla aani baƒonu bani nnye kɔbi lɛlɔ baakun livo.

Yesaia 50:10

Bina ɔdi biala ulábu Unwoti litemi, na bilenu nwuna kabla ɔblane litemi lɛnɔ. Na lɛdisa akɔ ala bɔbla na bɛɛyɔ́ teetulo ka bɛvi na bukeye kemmo. Na bítaƒɔ Unwoti bina Katɔti litemi lɛnɔ bítadi.

Yesaia 9:2

Bekyuli bani na nka beli baabla ala na lɛdisa kemmo badubɔnu bukeye. Na bani na belie kukpi ɔgbankpi kemmo ni, Katɔti bukeye bɔdubuwi-ma lɛlɔ.

Yeremia 48:27

Lɛni na bɛ́kya mina bekyuli lɛlɔ lɛma na bɛɛbla-ma aani bakantankpine bani na béƒie na bana likyulikpi lɛdi bɔbla kemmo.

Yeremia 50:11

Unwoti ɔnini, “Lɛlɔ lɛ́yɔ-mii ka bíyu mina bekyuli. Bítuku lɛlɔ ku kudu momoomo aani bapɔnkɔ na bɛɛƒulu taavi ɔmantɛ bakɔ bakɔdi bani muuwila edula ebi.

Yeremia 8:4

Unwoti ɔnini, “Amii Yerusalemƒuɔ, si ukyuli útulo na úbuli ni, bɔta na ɔsɔ ɔɔta. Na si ulu ukpidi lɛlɔ na ɔ́sia úsela ni, bunwini na uunwíni kama.

Esekiel 25:6

Biikisi Israelƒuɔ ɔni ɔsu na enukpɛ kani na bɛ́gya na bɛ́va ku lɛlɔyɔ na lɛla lɛni nálɛku-ma ɔsu.

Esekiel 35:15

kalɛ kani na lɛlɔ lɛ́yɔ-mii uwi ɔni na báyila Israel udu. Na bina Edom kalɔ ƒui kadubo bubie na kasɔ kewi ukpludi lɛla biala tadia tadia. Na ukyuli biala ɔdubɔnu ɔti ka ami ndi Unwoti.’ ”

Esekiel 36:5

Nsu ndubo kadi bekyuli bammɔ lɛlɔ bɔta bunye ku kɔnyi kpakplaa geen, na bani ɔdi ntulo ndi Edomƒuɔ, ɔsika ama náma-mii bétulo ƒui na báda-mii bebuo kadikɔ kɔlɔ lɛnɔ béti.

Amos 9:11

“Nwuna kama ni, ndubɔsɔ libo na mbasɔku Dawid lɛga kadikɔ lise na lɛklibi ala ani néebie mmɔ, na asɔ atɛ kaduɛ.

Obadia 1:12

Bi ɔsu na lɛlɔ lɛɛyɔ́-mii si ɔgbankpi ɔmɛni udu ɔ́lɛku bina lɛlɔ bekyuli? Na bi ɔsu na ebiti aada-mii lɛni si Yudani biala uubó abi amɛni udu?

Mika 4:10

“Amii Yerusalemƒuɔ, biteedumo ku ɔlɛ bunu! Si bíkeli bina ɔma unengudi kemmo bísie alakpi akɔ muedi ni, badububo-mii bɔnu buƒie bɔsiku mmɔ busienku Babilon. Nsu kama kama ƒui ni, ndubo mbaƒɔ-mii lɛsiku bina bekisine kudɔ.

Mika 7:10

Amii mina bekisine bani mɔɔsu bɛnii, “Unwoti ɔɔɔdubo-nwu bɔkana bubunku” ni, bɛdubɔnu ɔmɛni na kɔƒa kukpo-mii. Na ami mmomu ndubo bɔnu kalɛ na bɛdubo bubuli na banya-mii bavi aani ulu ntɛ aba.

Sakaria 12:8

Ami Unwoti Katɔti ndubo Yerusalem bɔgyumana na ukyuli ɔni na use kpɛtɛ kpɛtɛ utulo ƒui muedi ni, ɔdubɔyu ɔkplu aani Dawid. Na Dawid ɔmmɔ ɔlati lɛga kadikɔ kadubɔbla aani si ami ɔlati mina ɔtu mɔɔdi kalɔ kammɔ lɛlɔ.

Malakai 4:2

Nsu amii bani mɔɔbu-mi ni, bina lɛlɔ bɔdi bɔdubɔbla aani kalɛ na ɔƒɛ uukeye na bukeye bɔmmɔ buute ɔlɔkplu. Na amii bɛdubo butaaƒulu taavi taaƒia aani ɔmantɛ bakɔ bebi.

Yohane 16:20

Mɔɔsu-mii geen nnii bɛdubo kɔnyana buwulo na biwulo keku. Nsu kayawi bekyuli badubo ebiti bɔkɛ mmomu. Na amii ni, bɛdubɔbla kɔnyana, nsu bina kɔnyana kɔdubunwini lɛlɔyɔ.

Yohane 8:12

Ɔmmɔ kama ni, Yesu ɔ́sɔ ɔ́tɛmiku bekyuli bammɔ na ɔ́su-ma ɔnini, “Ami ndi kayawi kamɛni bukeye. Na ukyuli ɔni nsiaku-mi kama ni, ɔdubɔkɛ bukeye bɔni muute ukyuli ngba geen, na ulese ulávi lɛdisa kemmo kudii.”

Batalane Kabla 26:18

Na ndubɔya-a na etébimi-ma anumi na balɛ Satan ɔyikun kemmo na kasuudikɔ mmɔ bebo Katɔti ɔyikun ku bukeye kemmo. Na Katɔti ɔdubuti bana ekpidi ɔkyiɛ-ma na wabla-ma katɔ ala badine aani bani na ɔ́ƒuna úte nwuna lɛlɔ ka báƒɔ-mi bádi ɔsu.’

Korintoƒuɔ 2 4:6

Katɔti násu na kalɔ kesekɔ ɔnii, “Bukeye bɔƒɔ kasuudikɔ.” Na anwu kani náya na bukeye bɔmmɔ búkeye na bula kɔyi kemmo. Na bukeye bɔmmɔ náya na bɔ́nu Katɔti bukeye bɔni muukeye na Kristo anumi bɔ́ti.

Korintoƒuɔ 2 4:9

Bekisine pii basiaku-bu, nsu Katɔti útedie-bu atu. Ina ka bébo-bu banii baadú-bu muedi ni, bútekpi.

Budie Taatina 21:23

Na ɔma ɔmmɔ uláwia ɔƒɛ ɔdi iye kɔbuli ka ute bukeye bɔdi, ɔsika Katɔti bukeye ndi-nwu bukeye, na ɔma ɔmmɔ asogya ndi Koƒonu Ubi ɔmmɔ.

Budie Taatina 22:5

Lɛdisa lɛsɔ lilakya mmɔ. Na baláwia bukeye bɔdi taasiku asogya iye ɔƒɛ kudɔ, ɔsika Unwoti Katɔti ɔlati ndi bana bukeye na badubɔdi lɛga usela uwi ƒui.